Lox Kab Vax (Wa text only - Wa-MM version)

1. A: yu theung: pak, a: sag theung: heng:.

2. Ap nam ap ti fawng, tok nhawng: tok ti yau:.

3. Ak puih tawng pa: bruih yuh tai nhiien: Ang: Riied khawm: gawng, miexmai mhawm: pa: laux yuh rhawm: bun: Rawm: Mawng khawm: ce.

4. Ak puing: le, te viex jheet.

5. Ak tee: lawm kah lai:, sinaw tee: hai: kah vhi:.

6. Ak khloe: moe: goh.

7. Ak lawm kah lai:, pui hai: kah klieh.

8. Ak lawm kah lai:, moi hai: kah teed.

9. Ak lawm kah le, moi he: mai: teet.

10. Ak lawm um: rug.

11. Ak ox pon sivai, miexmai pon sinaw.

12. Ak yie bie, te yie chat.

13. Ah pie dawd, lawd pie ngoing:.

14. Ah pui naing ex sum: nyiex, ah pui briex ex hu: ma:.

15. Ah pui see: ex yuh kaing, hu: pui naing ex kiag ma:.

16. Ah tix kin kah sang: ciang, ah tix griang kah sang: tawx.

17. Ah tix sip kah sang: yoi:, ah tix coi kah sang: tawx.

18. Ah ee: mai: pui aw:, ah paw mai: pui lhak.

19. Ah Hawx patix kah iien:, ah Miien patix kah tho:.

20. Ah iiep ang: ah teng:, ah rheng: ang: ah dia:.

21. Ah lox Hawx ciien: ciien:, ah lox Miien thek thek.

22. Ah daux ngu kah sang: ngawm, ah daux rawm: kah sang: tiang.

23. Ah num hoek kah pon tha:, ah num ka: kah pon krox.

24. Ah rai ah rong, ah lung ah loi.

25. Ah see: mai: ngawng, prawng lox mai: khliep.

26. Ai: lek lek, kaig lhiiem: lhiiem:.

27. Ai: Meung Krang:, Nyi Kang Nheu:.

28. Ai: vaw nawng ting.

29. Am: kraung khri:, I: kraung mau.

30. Am: krim khri:, I: kong: mau.

31. Am: Khrawm: moi miex.

32. An: lai krai lox.

33. An: lai mhai: ce:.

34. An: lawk an: tix lai, mhai: lawk mhai: tix ma:.

35. Ang: pat kah khun: man: shiang:, ang: thiang: kah khun: kraung mhaing:.

36. Ang: pat kah khun: man: shiang:, ang: thiang: kah khun: lox krai.

37. Ang: plaung ox lai: koe: pui cun:, ang: bun: krih lai: koe: pui vhi:.

38. Ang: plix koi: cix ting khaing: tawm: goe:, ang: plix nghox cix koe: pon: tawm: ia:.

39. Ang: pon taing khaing: nawh tix klut; ang: pon lud khaing: nawh tix diang.

40. Ang: pon kieh pui jaw, ang: pon paw pui naing.

41. Ang: pon cud kah kih tix brie, ang: pon die kah khun: tix bo.

42. Ang: pon lud khaox moeg tix gawng:, ang: pon loe: plong: nhawng: tix beeih.

43. Ang: pon gu: khaox hat yeem yeei, ang: pon khat kaing nyiex pui tang:.

44. Ang: pon bhuih khaing: paox tang: ling:, ang: pon ing: khaing: paox tang: ot.

45. Ang: pon jhah khaing: paox maox ceng, ang: pon ing: khaing: paox gawng tang:.

46. Ang: pon ot jao nyu:, ang: pon hu: jao kluing:.

47. Ang: pon chup kaing: kah singiien, ang: pon riien ngawg kah siviex.

48. Ang: pon vaik ak sang: cha:, ang: pon kha: rhawm: sang: ing:.

49. Ang: pon yaog mawh moe:, ang: pon loe: mawh diang.

50. Ang: pui pon klaing: vaig vieh, ang: pui pon kieh rhawm: muih.

51. Ang: pui lhat sivai laig lawng, lhat ngie pui siyawng tawng kaux.

52. Ang: pui cix sut mu: koek piang tiex, ang: pui cix sawn: mu: lhiex piang ma:.

53. Ang: pui sax kin rawm: lhiex, ang: pui sax priex kawn: pui.

54. Ang: pui sax vhak bau: kah pang: pi:, ang: pui sax vhi: bun: daux krax.

55. Ang: pui sax ih reeih kah yau, ang: pui sax ih mau kah klieh.

56. Ang: pui sax laoh kah brie seet, ang: pui sax leut kah kraung rawg.

57. Ang: pui sax dia: tix brug brung.

58. Ang: pui sax dig rawm: rheem:, ang: pui sax kheem: rawm: nyaux.

59. Ang: pui sax phak rawm:, ang: pui sax tawm: simiang.

60. Ang: pui sax ram tai cux, ang: pui sax awm: sux jao klieh.

61. Ang: taix caong hoek tix kai:, ang: ngai: baoh hoek tix bwan:.

62. Ang: tiag caong lai: caux kah rawm:, ang: kraung ih lai: kawm: kah glaox.

63. Ang: tih sax kuah kah ox, ang: nghox sax koe: daux rib.

64. Ang: tawng dee prauk pui plai:, ang: tawng dee: krai pui lox.

65. Ang: tawng: dee: yiem sigrit, ang: tawng dee it kawn: bun:.

66. Ang: tux jawn: ex puat mawh briex, ang: kawnpraix ex riex mawh phit.

67. Ang: eep yie tix sawm:, ang: sinaw yie tix mawh.

68. Ang: een: paoxtix koe: cee.

69. Ang: ex pon se: ma ho: ngeug sam: to:, ang: ex pon sawg vo khao: kham: sam: kawn.

70. Ang: ex teei tix ting khaing: kaong:, ang: ex teei tix lhaong: khaing: kuad.

71. Ang: ex tik paoxtix num: ruih ah, ang: ex prah paoxtix gah yiien: pui.

72. Ang: ex koe: mha: saux taing khrawng:, ang: ex koe: vawng giex cu: six.

73. Ang: ex cix so: pa: yum kaoh, ang: ex cix vaoh pa: grai: cung.

74. Ang: ex cix sum: sibix kah mee:, ang: ex cix thee: sigah piang paox.

75. Ang: ex lai: cun: pie glaoh, ang: ex lai: saoh pie cu.

76. Ang: ex luang singih, ang: ex jih simin.

77. Ang: ex sidauh paoxtix kah jee, ex kah yee paoxtix kah blaong.

78. Ang: ex yaox tix cung ngai: pui mai: cah, ang: ex yaox tix klieh ngai: pui mai: dai.

79. Ang: eux greeig yuh rib tix gawng:, ang: eux phawng: yuh tiex tix lon:.

80. Ang: eux mawh Nhawng: Plawx coeh plai:, ang: eux mawh Man: Rai teei kaing:.

81. Ang: kaux nyang pang:, ang: rhang: nyang kuah.

82. Ang: kaux lai: koe: pui rub, ang: sub lai: koe: pui yawt.

83. Ang: kieh taix cuang tix huang:, ang: yuh yhaok dawng: tix nghiiet.

84. Ang: kieh hauk maix greeig tix gawng:, ang: kieh nex maix phawng: tix khik.

85. Ang: kieh man: taing lud lai:, ang: kieh lox krai grai: ceu.

86. Ang: kieh nawh graik sium:, ang: kieh nawh yum sioe:.

87. Ang: kieh nawh jhoek khaing: pai:, ang: kieh nawh grai: khaing: juang.

88. Ang: kieh ox khan: plawng:, ang: kieh gawng khan: nyiex.

89. Ang: koe: dai nab miex, ang: koe: khlax nab keeing:.

90. Ang: koe: sibeed kaong: luh, ang: koe: siyuh lhawng: aong:.

91. Ang: koe: sub sinax gie, ang: koe: prie: sinax paox.

92. Ang: krup ju keeing: tix diex, ang: krup ju miex tix gaong:.

93. Ang: hauk gawm eux nyang hawn: yaw, ang: sinaw eux nyang khop num.

94. Ang: haktiex eux koe: tix gaong:, ang: kaung: sawm: eux koe: tix lawk.

95. Ang: lhat kah paox yaong:, graung ngie kah cao: gawng.

96. Ang: lhax baug sax jud khaing: klawng:, ang: jhawm: prawng sax die khaing: kuad.

97. Ang: lhox khaox kawb nawng, ang: tawng lheung: kawb kaux.

98. Ang: nghox tai mai: pui ku rawng:, ang: ex sighawng: mai: pui kukaux.

99. Ang: nghox cix sok ku sigiag, ang: pui cix lhak kukaux.

100. Ang: Hawx sax tuah klawm:, ang: rawm: sax tuah it.

101. Ang: rheep nyawm sax beeik khaing: tawg, ang: bun: mhawm: sax thawk khaing: yaong:.

102. Ang: rheem: nyang baih (khaing: ngai:.)

103. Ang: rhawm: ex tang:, ang: rhang: ex siyox.

104. Ang: rhawm: koe: pie gam: koi:.

105. Ang: iien: mhai: cix ceh, ang: bun: neh cix keh.

106. Ang: ciag ang: cun: mawh tai, ang: thai: ang: pheu: mawh nghox.

107. Ang: cix puing: ngai: siak, ang: cix jhak ngai: jiang.

108. Ang: cix tog vang: sai:, ang: cix hai: vang: nya.

109. Ang: cix kin sigang: tiex klox, ang: cix tang: tung: fux nyaux nyo.

110. Ang: cix caing kiiep, ang: cix khiiep dai.

111. Ang: cix awt rawm: lauh vai, ang: cix pai: rhawm: biong moi:.

112. Ang: cix thux kiang yum laig daux.

113. Ang: cu lox keeing: sivu kah niex, ang: cu lox miex sivu kah rheem:.

114. Ang: khaox ox lai: koe: sim: tum:, ang: rawm: niem lai: koe: moi nyaux.

115. Ang: lai: koe: pui dig siviang, ang: lai: koe: pui tiang siveue.

116. Ang: lox bak sax tum:, ang: phum: cux sax luah.

117. Ang: mau sax koe: daux nyaox, ang: nghox sax koe: daux rib.

118. Ang: maix lhat kah yum, keem: koe: si ang: maix piang huik?

119. Ang: gaox sawm: eux nyang naog saing:, ang: keei: taing eux nyang naog tu.

120. Ang: mawh pa: liag kah tai, ang: mawh pa: si ai: kah mau.

121. Ang: brung brug eux koe: pon lai:, ang: ngai: kaig eux koe: pon maing.

122. Ang: bun: sax rheep chax, ang: sax sax koe: simoeng.

123. Ang: dee lai: koe: maix ot, ang: ngot lai: koe: maix ngawm.

124. Ang: doh kieh cao: cum peeih yau, ang: doh kieh caocau ngau jheeih.

125. Ang: bhaung: lai: pon pliao: niex, ang: lhiex lai: pon see: juang.

126. Ang: nyang cix taing kreeb, ang: nyang cix ceep dai.

127. Ang: awp ang: ih, awm: chih awm: phum:.

128. Ang: Riied Thou Vo, Ro Mawng Gawng Han:.

129. Ang: sibeed pon cun: jaong rang:, ang: kawn: bun: pon sang: lhang: nyiex.

130. Ang: siglhu: sax hawt law, ang: sinaw sax hawt bun:.

131. Ang: siox cix ting khaing: prang:, ang: simiang cix ting khaing: kuad.

132. Ang: siox sax ting khaing: prang:, ang: simiang sax ting khaing: moeg.

133. Ang: sivaig sax tawm: ra: rhang:, ang: SiGang: sax vah ra: mu:.

134. Ang: siyaox sax tai tiag praox, ang: kawn: pha: sax deeih nyiex paox.

135. Ang: shiao yuh caong dai tix khuang:, ang: shiao yuh dawng: yhaok tix nghiiet.

136. Ang: sox sax aing: tiag simaox, ang: kawn: pha: sax deeih nyiex paox.

137. Ang: sub silig sax jud khaing: hau:, ang: mau plah mheen: sax die khaing: taix.

138. Ang: uik simin jieh, ang: uik sigrieh ceu.

139. Ang: vaig caw tix lawm, ang: rhawm: caw tix muih.

140. Ang: Vax mawh yaong: sum: tax, Meung Kheen: mawh krax hu: keeing:.

141. Ang: yaox priex sak tix brie, ang: yaox priex yie tix gum.

142. Ang: yaox tix tuah plong: mai: paoxtix beeih, ang: yaox tix kid khaox mai: paoxtix taix.

143. Ao: pon poeh, loeh pon toi:.

144. Ao: kan: va, pa kan: het.

145. Ao: loe: cong, hong: loe: bawg.

146. Ao: naing ang: dum:, sinum praix ang: lhiex.

147. Pa: Aux tauh ting:, Man: Lhim: vai: kram:.

148. Pa: prim: hoik yaox, pa: khraox hoik mhong:.

149. Pa: haoh pa: hun:, pa: ton: pa: lhee:.

150. Pa: lex am: lhong:, ru tong nang: pla:.

151. Pa: lex tawx ex cie gie yi:, caomi ci ex yaox sawm: lig.

152. Pa: mi to: tix hot, pa: hot to: tix yum.

153. Pa: gau miex, pa: sidiex keeing:.

154. Pa: Nam Tung: yang maw: taw: phak mung Nam Cie.

155. Pa: brax kah cix saux, pa: laux kah cix kaoh.

156. Pa: nguah lawk shiang:, pa: riieng lawk khri:.

157. Pa: nieh ih pa: khiien:, pa: riien: ih pa: cieh.

158. Pa: niex tiag caong, pa: song: tiag taix.

159. Pa: nyawm bleet, pa: ceet peh.

160. Pa: ot ot tix ih, pa: to: to: tix prah.

161. Pa: Raog daog cex Miien.

162. Pa: vao kah naing deeih laux kah naing.

163. Pa: yum ka: ih khlai:, pa: klawd khaix ih plai:.

164. Pap poh broh sivai.

165. Pad kah rang:, shiang: daux kreeb.

166. Pat ia: ang: koe: kaing:, yuh naing ang: koe: ceu.

167. Pat khao: ao: pheeng:.

168. Pat man: caong dieh, lieh sim: uing: caong ma:. [RK: NB PN info]

169. Pat man: shiang:, thiang: rhawm: muih.

170. Pat man: shiang:, thiang: lox krai.

171. Pat sido lih nham:, so: pa: yum ih priex.

172. Pat sub kah vaig kah pliah, hok sub kah bia: kah grheeng:.

173. Pau tix ngiah mai: khun: su: siiep, kwan tix rieb kah khun: kraung mhaing:.

174. Pau nghox gox koi:.

175. Pauh paoxtix ih toi:, toi: paoxtix ih lig.

176. Pauh paoxtix ih ia: num, dum paoxtix ih plai: rheu:.

177. Pauh paoxtix yeung pram:, map paoxtix yeung sox.

178. Pauh pui moi nawh sang: pauh sang:, tang: pui mau nawh sang: tang: si.

179. Pauh pui aw: khaix tawng:, prawng pui see: khaix to:.

180. Pauh keeing: tix ih ia:, cia miex tix nyaux plai:.

181. Pauh ia: kia: si ang:.

182. Pauh ia: koe: pon toi:, pauh moi koe: pon sang:.

183. Pauh ia: cia plai:.

184. Pauh lig kok kheue: nawng:, prawng see: teei paox aik.

185. Pauh lig mai: dawng:, prawng bun: hoek nyiex.

186. Pauh maix ih khlai:, sau: maix ih lawng:.

187. Pauh moi ih dak, pauh krak ih gua.

188. Pauh moi noi: krak.

189. Pauh singiien maix max, jhax siniag maix phawng:.

190. Paung: paoxtix mhong: pa: luah, ruah paoxtix cie pa: mhawm:.

191. Paung: pi: ang: lih lox, vhi: bun: ang: krox rhawm:.

192. Paung: pi: vhi: biong.

193. Paung: pi: caw ox tan:, vhi: bun: caw nan: lih.

194. Paung: teet yeet prie.

195. Paung: tix muan ak leh, theh tix muan ak rhaw:.

196. Paung: kah moeg, hoek kah nyiex.

197. Paung: mun ih pa: luah, ruah kawn: ih pa: mhawm:.

198. Paung: ngu phru: nyaox.

199. Pak ang: nyawm nie rawm:, nyawm ang: mawh nie yiem.

200. Pak paoxtix ih sidax toi:, krai paoxtix mhong: sigah lhak.

201. Pak paoxtix ih sidax klang: praox, krai paoxtix mhong: sigah chaox pui.

202. Pak pui kah tai phen:, lhen: pui kah sigah.

203. Pak tai khawm: gawng, tawng been khawm: meung.

204. Pak tax krawx mawh pak ta: tiao:, nyiex sawx shiao: mawh nyiex ah lai.

205. Pak nawh yeung pak tai nghox kaung:, vai nawh yeung vai kraung lai Hawx.

206. Pak yi: kam, li keeng: kham: yi: hoi:.

207. Pak yuh gawng, phawng: yuh praix.

208. Pai: paoxtix yawt ngu, phru: paoxtix yawt sub.

209. Pai: kon sang:, nang kon nieb.

210. Pai: awm: ang: cix thiet rawm: lhiex, haktiex ang: cix tiex raoma:.

211. Pai: saux taohpui.

212. Paik tix keem:, teem: tix ngheet.

213. Paih pang: sang: nyiex.

214. Paih paoxtix ih mex, phex paoxtix ih muah.

215. Paih teem reem juang.

216. Paing ang: cix kawm:, mhawm: ang: cix bheet.

217. Paing pruik khaing: pruik klang: klaing:, haing: it khaing: it ia: taw:.

218. Paing tai pak khaing: tai griex, lhak lox krai khaing: yiex kuad.

219. Paing tai graoh, raoh tai yiien:.

220. Paing tai sinax kak, lhak jhawm: sinax pui.

221. Paing taix pui koe: mau, pau: caong pui koe: nghox.

222. Paing kih awm: nin: ku klui:, mhawm: pai: awm: nin: kukaux.

223. Paing hauk ngai:, tai hauk jheeih.

224. Paing hawt ba:, sa: num: kep.

225. Paing khaing: in: ang: lai: bee:, lhee: khaing: in: ang: lai: ghoing:.

226. Paing khaing: khrauh, rauh khaing: ox.

227. Paing khaing: ngoi kraix, lhee: khaing: miex lih.

228. Paing khaing: rawm: duang lhax, singax khaing: kax duang Saung:.

229. Paing lawk kax, singax lawk rawm:.

230. Paing lawk khri:, singi lawk lied.

231. Paing lawm te tawm: ox ak, lhak jhawm: pui tawm: vaig miex.

232. Paing mai: paox tai pak, lhak mai: paox lox krai.

233. Paing mai: tai pak, lhak mai: kraung ih.

234. Paing mai: tung brak, lhak mai: phuk lai.

235. Paing mai: rawm:, mhawm: mai: kraung.

236. Paing brak ang: kawm, lhak jhawm: ang: aw:.

237. Paing brak lhak jhawm:.

238. Paing brak yeung kak khaox rho:, laklo: yeung iiep sub rhan:.

239. Paing awm: brak, lak awm: mau.

240. Paing yeung tai mhak, lak yeung rawm: kaung:.

241. Paing yeung bua: tai, klai yeung man: Hawx.

242. Pan daux ngaig, laig daux gruan,grwan.

243. Pang: peed ia: khaing: dang:, pu: prang: kiang khaing: griex.

244. Pang: peed mai: bia:, bang: lia mai: pheen:.

245. Pang: ka: da: khaix.

246. Pang: nhai: lai: lox.

247. Pang: Lag Rawm: Daw, Nam Aw: Nam Lin.

248. Pang: mawh laih, blaih mawh yaong:.

249. Pang: ox grux simaox.

250. Paog tix ih gwang tai, vai: tix ih gwang nyiex.

251. Paog tix ih guh, luh tix ih tiex.

252. Paog tix ih guh, yuh tix ih kaing.

253. Paoh ex siviex lawng tix rieb kong: chang:, bhang: ex siviex nyiex tix teei kang: pu:.

254. Paoh moi luang khaing: kawg, tawk nghox mawt khaing: krao:.

255. Paoh siviex lawng kreem rang:, bhang: siviex nyax tang: simaox,

256. Paoh siviex jhong: loek, toek siviex jhong: rhiiem:.

257. Paox aik kawn: keeing:.

258. Paox ke: tung: tux, pux simiang.

259. Paoxceu paox lai, paox sai: paox tun.

260. Paoxgrawm ceet, paoxmeed prim:.

261. Paox miex tax ting.

262. Paox o: kliien: klaik, paox aik laig rhawm:.

263. Paox o: kawn: miex, paox aik kawn: keeing:.

264. Peeb tai vai juang.

265. Peeik ang: lai: cah, prah ang: lai: cie.

266. Peeik lawk kaing:, mhaing: lawk sub.

267. Peeik man: luang khaing: cah, prah rheng: prim: khaing: kaux.

268. Peeik dai: khawm: cah, prah miex khawm: keeing:.

269. Peeik sigun: daux cah, prah sigah daux yang:.

270. Peeik sibex, pex sibrawm.

271. Peeih ang: pon, don: ang: pex.

272. Peeih ang: tah, prah ang: pi.

273. Peeih saux kaing:, gaing saux ngawg.

274. Peh kawn: bun:, hun: kawn: simex.

275. Peh caong rang:, ting pang: nghox.

276. Peh rawm: mia:, via jheeih daox.

277. Pi prah nyah nyum:.

278. Pi tang: paw:, nawng tang: lug.

279. Pi: kao: yao, pi: mhau: ma.

280. Pi nawng maw: lai:, hee: lai: tawm: sa: hai: ik; sik maw: kuang:, hee: lai: seep pie: yao.

281. Pi sut lud priex.

282. Piag mha: kah ox koe: ngai:, yha: kawn: piang dai: krat nham:.

283. Piak mawh kawn: ai:, cai mawh kawn: nyi.

284. Piah poeh coeh cawng.

285. Piiem: lawk lhax lai:, ngai: lawk siging:.

286. Piien: plak nyiex ang: lai: ah miex, bliex plak yaong: ang: lai: ah keeing:.

287. Piang Pliag Tiag Miam.

288. Piang klawng: tok sibauk, daux rhauk sau: sidawm.

289. Piang Pha: Cao:, lao khun: meung.

290. Pid khaing: blum: kaing: ak, lhak khaing: klang: teei ia:.

291. Pid nyai nyai, dai nyoig nyoig.

292. Pid rawm: iien:, khiien: rhawm: muih.

293. Pid yeung pid nyhee: pai:, dai yeung dai rawm: hia:.

294. Pied pui mheun: mhu: mheun: mha:, pa: pui mheun: vo mheun: kai.

295. Pied ba: pa: biiem:.

296. Pieh tih koe greem: briem, kliem cex hauk greem: prux.

297. Pieh tix kum lawm: caux, cum tix cie laux nang.

298. Pieh tix ih kawn: sai:, krai tix muan kawn: been.

299. Pieh to: kuang mai: graih, laig laih cau mai: nyiex.

300. Piem nawh ih nex, phex nawh ih muah.

301. Piex sivit ang: piex sivie, cie pa: nyawm ang: cie pa: niex.

302. Pig te tawm: kiien:, miien: rhawm: tawm: cong:.

303. Pig te ne rhawm:.

304. Pig eux te tix sidim: taix, ne eux rhawm: tix sidaix bawg.

305. Pih pai: krai lao.

306. Pih klawng: prawng moeg.

307. Pih moeg gawng, prawng nhawng: praix.

308. Pih moeg jhoek gawng.

309. Pin tiex luang ang: lai: ah miex, bliex plak yaong: ang: lai: ah keeing:.

310. Pin eep lawk pu: toeg, sijoeg eep lawk bhieh rhauk.

311. Pin nghim: cim: rhawm:.

312. Pin ngawg cawk gleu:.

313. Pin yeung pin lai: tiex, giex yeung giex lai: khoik.

314. Plaung kah khaux sivuat gi:, saux kah rhawm: sivi num.

315. Plaung hon: paw kieh plaung khaux, saux rhawm: paw kieh saux rhi:.

316. Plaung lawk plaung lhax lai:, ngai: lawk ngai: siging:.

317. Plaung maox loek, hoek maox rhiiem:.

318. Plaung nawh lawk lhax lai:, ngai: nawh lawk siging:.

319. Plaung ox mai: piiem:, Ok Piem: Sam: Law.

320. Plaung sigu, tux bun: krih.

321. Plaung sinax giah, diah khaing: Hawx.

322. Plaung sinax giah, riah sinax Hawx.

323. Plaung suah kuah gam:.

324. Plak paoxtix yaox lai, krai paoxtix mhong: been.

325. Plai: tix ngoi kawn: pex moi timu:.

326. Plai: tix ngoi, moi tix kawg.

327. Plai: tix ngoi sau: rhit ra: mu:.

328. Plai: hoik sau: daux tom, rawm: hoik hieh daux ngoi.

329. Plai: khawm: kawng:, jhawng: khawm: gaw.

330. Plai: khawx bhawng:, plai: jhawng: nyawm.

331. Plai: khraox sioe: im:, plai: prim: sioe: awp.

332. Plai: dum: eep oih.

333. Plaik ia: khawm: dang:, rang tawm: khawm: kaug.

334. Pliiet dang: aw:, plaw: rao plong:.

335. Plie awng: tawng: hia:.

336. Plih pui rawm, tawm: pui ih.

337. Plih pui yaox phuan:,phwan: rawng, een: kah hawng: ha: sip.

338. Plih lox dang: plai:, krai lox bang: kum:.

339. Plix paih muaih teem.

340. Plix koi: ting khaing: plix vhang:, plix nghox lang: khaing: tux vawng.

341. Plix nghox lang:, plix vhang: ting.

342. Plix hoik paih, muah hoik teem.

343. Plix iien: pi kukak, niag nghox koi: ku gwang.

344. Plix bhum: koi:, loi: kawn: peux.

345. Plix awm: muah, kuah am: mex.

346. Plix sime kukak, lhak kawn: nyawm kukaux.

347. Plix sibo: to: lawn.

348. Plix yuh iien:, piien: yuh nyiex.

349. Plix yuh iien: kukak, sak yuh vaig kuceu.

350. Ploi: meeik krin: daw tu, ploi: kru naing hawt grawng:.

351. Ploi: gie kih hu: liiem, ploi: gie miam hu: chawk.

352. Ploi: nawh hu: Ngim Tau, cau nawh hu: Ngim Nheu:.

353. Ploi: jhaox nghaox leng:.

354. Ploi singi, khri: lu: lak.

355. Plawng: mex nex loeh.

356. Ploeh lawk tai, lai: lawk eep.

357. Plong: koe: riah, giah koe: kaing:.

358. Plong: lhat kah beet, keed lhat kah pu:.

359. Plong: khawm: beeih, geeih khawm: glawm:.

360. Plong: khraox khaox klai.

361. Plong: sigrak, mhak singi.

362. Plong: yaox simex, nex yaox bun:.

363. Plud khaix miex, priex khaix keeing:.

364. Plud khaix moe:, toe: khaix ju.

365. Plud mai sai: ku:.

366. Plud moe: toe: ju.

367. Plud simiang tax, cax simiang pui.

368. Paw ah lox kheem:, paw dheem: lox ting.

369. Paw pauh siuing: lih lai, paw krai sigah hun: ceu.

370. Paw ploi: rib riiem mai: vhax, paw sau: lox jhax mai: bhaung:.

371. Paw puing: poeh, paw coeh caong.

372. Paw tik paoxtix klawng: hun: gah, paw prah paoxtix krax yiien: pui.

373. Paw kieh plaung kah khaux, paw kieh saux kah rhawm:.

374. Paw kieh plix koi: sikak, paw kieh dak sawm: siyox.

375. Paw kieh pui cuang kah num:, paw kieh pui kum: kah veei.

376. Paw kieh pui lud khaing: plai:, paw kieh pui grai: khaing: priex.

377. Paw kieh cak sawm: koi:, paw kieh moi praung vie.

378. Paw kieh cao: num: peeih yau, paw kieh caocau ngau jheeih.

379. Paw kieh khaox gu ax goeh sinax briem, paw kieh ma: hu: ax riem sinax paox.

380. Paw kieh khrum: yam pieh maix kroek, paw kieh roik yam nyaux maix rawm:.

381. Paw kieh siging: koe: mai: jawk, paw kieh sivawg koe: mai: yhaok.

382. Paw kieh sim: peeb tai, paw kieh pui dig ba:.

383. Paw kawng: rhang:, paw simang: taix.

384. Paw lhat kah sinum pu: keed, paw reed kah lox ah pui hun:.

385. Paw rhuat koi: khaix thai: eux brex, paw koe: mex khaix hu: eux lai.

386. Paw ih priex yie, paw cie ma: seet.

387. Paw ceep it, paw phit sijaox.

388. Paw ceep simex ih dai:, paw vai bun: ih nad.

389. Paw lai: tuih kah yeem praok krax, paw lai: tuih kah rhax liiep lawng.

390. Paw lai: khawng: kah maox jaong: luh, paw lai: tuih kah miex kiex keeing:.

391. Paw maix deeih mawh lhat maix saux kre:, paw maix gi mawh lhat maix saux ngawg.

392. Paw gaux kah mi, paw khi: kah hot.

393. Paw glup kah lox caojhai:, paw nai: mai: lox pui chaox.

394. Paw grix juang kah praung tix kat, paw lhat rhawm: kah tang: tix lien:.

395. Paw dahrhawm: kah kawndoe:, paw koe: rhawm: kah caomi.

396. Paw dieh naok, paw ghaok lox.

397. Paw nawm: rib khaix ma:, paw sa: lox khaix pui.

398. Paw nyaux ex rawm: ang: koe: daw, paw phaw: ex lox ang: koe: ceu.

399. Paw sau: rib riiem mai: kuax, paw ploi: lox jhax mai: bhaung:.

400. Paw va: vawk, paw pawg prim:.

401. Paw yuh nyaox tieh giien:, paw yuh vhiien: kah pui.

402. Pawd paoxtix yaox lai, krai paoxtix mhong: been.

403. Pawd paoxtix yaox veung: cang:, prah paoxtix yaox shiang: phing:.

404. Pawd kah rhiiem:, tiiem: kah mau.

405. Pawd lai krai lox.

406. Pawd lai mhai: ce:.

407. Pawt yaox lhax lai:, mhai: yaox khaix caong.

408. Pawg kah lhang:, cang: kah krao:.

409. Pawh eux tih khawm: daw tix nawng, cah eux cawng: khawm: riiem tix kaung:.

410. Pawn: kang nyom man: hak, pawn: khrak nyom man: kiex.

411. Pawng kaung: tong na.

412. Po: tauh tiex, jhiex sit rawm:.

413. Pot taix laux maung.

414. Pot taix grawn caong.

415. Pot caong tam:, lham: num: sub.

416. Pot khaox kum:, khrum: rawm: ngai:.

417. Pot khaox ox kah hu: lawli, mi pui hot mai: hoek kong: chang:.

418. Pot lat kiex prum:, yum miex kiex keeing:.

419. Pot bawng: phawng: nyiex.

420. Pot rong: kah bhaung:, rhaung: plong: kah lhiex.

421. Pot yuh rhit nyaux siyawng, phawng: yuh bawng: haok siyiex.

422. Pok sao: nang, tang: sao: haw:.

423. Poe: awm: iang: [sic] mawt, yawd awm: pai: awm:.

424. Poeh ang: bhang: ngoi.

425. Poeh mawh cao: pak, cak mawh cao: prawng.

426. Poeh rung: brak, cak rung: khri:.

427. Pon poeh ih dak, pon cak ih gua.

428. Pon poeh mawh mhaing:, pon naing mawh simex.

429. Pon puk rao ox pai: ling:, pon kling: rawm: klawng: haok blaong.

430. Pon puing: ex veng Kat Taw:, pon yieh ex haw: Nam Cak.

431. Pon taux lig, dig tiex ma:.

432. Pon teei kawn: yum khaing: vaig, pon teei graik sium: khaing: gua.

433. Pon tik ex luk caox tix khawn:, ang: ex pon prah nan: kia: tikaux.

434. Pon tix yieh nyiex grawm, ang: pon tix keu: rhawm: muih.

435. Pon tob ex kaing mhawm: kaing brai:, ang: ex pon tob ngai paing ngai lung.

436. Pon nghox yaox mau.

437. Pon nyhot ex ngawh khaox prang: praoh, ang: ex pon vaoh pui yum kaoh cung.

438. Pon liang moi tix sen, ang: pon lhen: pui tix ju.

439. Pon mau Hawx khawm: can, pon mau Man khawm: buak,bwak.

440. Pon gu: ex yiex kuad khaing: kuat Naw: Liang.

441. Pon mawh meung, paung mawh vawng.

442. Pon mox ex preu singie tix, ang: ex pon kie hot sibhawm: tix.

443. Pon baux ang: pon lug, pon brug ang: pon kheu:.

444. Pon bi: kah mawh nyiex, pon piax kah mawh yaong:.

445. Pon dee: khawm: griang, pon kiang khawm: daux.

446. Ponngaix mhawm: bhawm:, ponsawm: mhawm: camaox.

447. Pon phyawk moi mhaing: ra: rheng:, ang: pon lhen: pui ra: bawg.

448. Pon sigah mai: pui im: tix gawng, ang: pon prawng mai: pui miang tikaux.

449. Pon sivai tawx hak, pon cak tawx rung:.

450. Pon sim: ih tawm:, pon ngawm: ih kaing:.

451. Pon sim: khawm: kaug, pon lhaok khawm: mheem:.

452. Pon thox ex doh blawng:, ang: ex pon thox hawng: kre:.

453. Pon yah SiGang:, ang: pon kah rhawm: muih.

454. Pawx ngu ngu maw: yet, pawx khet khet maw: tai:.

455. Prauk paoxtix ih plai:, pai: paoxtix yawt sub.

456. Prauk pui nawh ku biang plai:, krai pui nawh ku biang kum:.

457. Prauk tix nyaux plai:, pai: tix yawt sub.

458. Praung kat khat nhu:.

459. Praung kat khat nu.

460. Praung kah an: ang: lhak, prag kah an: ang: pi.

461. Praix pak sawm: law, praix klaw sawm: cak.

462. Praix ex khawm: gawng, kaung: ex khawm: tong.

463. Praix klawng: gawng: lua.

464. Praix Hawx dee yiien:, praix Miien dee glip.

465. Praix phawn: sawm: cak, praix pak sawm: moi.

466. Praix raux daux singai.

467. Praok paw: vie viang.

468. Praok lang: si ang: lhaih.

469. Praok lang: si ang: beem.

470. Preeih caong dai, lai ngawg cah.

471. Preeih mawh preeih tawm keed, reed mawh reed lawm: le:.

472. Preeih nammeug ku jaong rang:, toh nam tang ku caong daog.

373. Preeih sigrak, lak singi.

474. Preeih yeung lai: tang:, plang: yeung lai: lee.

475. Pre luat kuad song:.

476. Prie tong mun mai: daong: aing:.

477. Prieh khaing: bru, ku khaing: maing.

478. Priex paoxtix yeung priex maox hawm:, khrawm: paoxtix yeung khrawm: eep kuat.

479. Priex pui kawn: nyawm, khrawm: pui kawndoe:.

480. Priex kawn: nyawm, khrawm: pui kuad.

481. Priex cieb tawm: Kling: Klang:, priex cang: tawm: Ngim Nheu:.

482. Priex nawh yeung nghox, mox nawh yeung shiang:.

483. Priex nyawm dawm: sikrak.

484. Priex nyawm rawm: lhong:.

485. Priex saux sibaung: yum.

486. Priex sawm: awm: it.

487. Priex yie brie mox.

488. Pru: khwan: luan paux

489. Pruik log yang:, grang miien vu.

490. Pruik bru pruik brang:, grang Hawx grang Siiem:.

491. Pruih paoxtix yaox lawm: tai, krai paoxtix mhong: jhawm: klieh.

492. Pruih tai au:, pau: tai griex.

493. Pruih tai lai: nghox.

494. Pruih tai griex kah gawng, ing: rawm: rawng daux kaung:.

495. Pruih lawk pruih tai, grai: lawk grai: bu.

496. Pruih yeung tai, lai: yeung eep.

497. Pruih yuh ku:, khu: yuh krax.

498. Pruih yuh nin: tai ah, brah yuh nin: khwan: teet.

499. Prux it bi: tawm.

500. Pu: pa tix awm: awng: dug.

501. Pu: pliak khaing: phia:, lu: lhia: khaing: kaing.

502. Pu: kawn: reeig sivawng:, pu: kawn: awng: sivoik.

503. Pu: krax in: keed pu: krax in:, meed krax in: khun: meed krax in:.

504. Pu: mawh sido:, to: mawh sigrit.

505. Pu daux raux lawng:.

506. Pu: sigaux mai: ngaig, laig singaix khaing: gawng.

507. Pu: sivaig mai: ma:, hu: la: tha: mai: tiex.

508. Pu: thao: kum:, pu: nhum: fawng.

509. Puk priiem liiem meung.

510. Puk tang: kang: kro.

511. Puk tidim:, jim: tix ce:.

512. Puk tix phiex saux ki:, gi tix yaox tuih hu:.

513. Puk eux yaox lhax lai:, mhai: eux yaox lhax kuax.

514. Puk mai maw: hau: hak, tawk lhak maw: hau: lu.

515. Pui ang: koe: siyiex.

516. Pui paing yie ang: nguah gaox tix klong:, pui lung yie ih nguah brung timu:.

517. Pui prim: pui pruat, pui kuad pui song:.

518. Pui tok duh cie ma:, pui koe: gra hot caox.

519. Pui kuad nie lox, khaox kuad nie riah.

520. Pui lhak kieh ot mai: paw:, pui aw: kieh ot kah brawk.

521. Pui lhak ih eep naw, kaw: aw: ih lon: tiex.

522. Pui lheet pui lhaw:, pui aw: pui deux.

523. Pui mhaing: naog kah brawk, pui chawk naog kah nyiex.

524. Pui hot cix pre, pui mi cix laux.

525. Pui cix ih giien:, pui riien: ih riang.

526. Pui mi: ih huik, pui hot khliak si ang:.

527. Pui mawx krid pui koe: tai kling:, pui mawx ing: pui koe: moeng kawn:.

528. Pui nai tai khrum:.

529. Pui naog nyiex, nghox naog sawng.

530. Pui dug mhaing: tix bax, pui kra: mhaing: tix rawm:.

531. Pui simex, pex sivai.

532. Pui sum: ox ak, cao: pak gwang yaong:.

533. Pui viang puing: ax dieh ang: dieh, pui viang kieh ax reed ang: reed.

534. Pui viex ak ang: koe: laih.

535. Pui yaong: tauh klawng: mawng, kuad song: prawng sinax.

536. Puik Meung Ka: mawh cao: klawm: ak, Nga Meung Klang: mawh cao: viex chix.

537. Puing: pieh pa: plaung yuh khrawm:, klieh lin: pa: mhawm: yuh praix.

538. Puing: pieh pui khawm: sim: sigaux, klieh lin: pui khawm: laux simiang.

539. Puing: pieh klieh lin:.

540. Puing: pieh cix brax yuh rhawm:, klieh lin: cix mhawm: yuh praix.

541. Puing: poeh coeh lai:.

542. Puing: pui naing Ca: U:, gu: pui naing Pha: Cao:.

543. Puing: tix taix krox, lux tix taix pon.

544. Puing: tix taix ji: luah, gluah tix taix ji: lia.

545. Puing: kah ak, klak kah um:.

546. Puing: kah ak, muag kah vaig.

547. Puing: kah mawg, tawk kah khaw:.

548. Puing: keeing: nad ah bang: bang:, grhang: miex lox ah khlaok khlaok.

549. Puing: kix laux, plaux kix yum.

550. Puing: naing graing sivai.

551. Puing: ngai: siak, ciak ngai: lai.

552. Puing: ngai: siak, jhak ngai: jiang.

553. Puing: roi viex saux, plaux bru yawt nham:.

554. Puing: sigaux kum: laux te, moeng kawn: prie: laux nyiex.

555. Puing: sim: loe.

556. Puing: sim: loe, lhoe: sikaux pon.

557. Pung: piang: reem tai, mu: mai reem rawm:.

558. Pux eux mawh sigrit laklo:, pux eux mawh sido lang: kaing:.

559. Tshix tshi: ah Hawx ex ah khaox tiag, khao: tiek ah Siiem: ex ah gaox siduah.

560. Tap pui thiao:, lhiao: pui jhaox.

561. Tap naing puing: sivai.

662. Tat maox reu, keu rhawm: muih.

563. Tau mawh kawx taux pie tix plah!

564. Taug kah hu:, nu kah tiang.

565. Taug kah mawh tix cao:, mao kah mawh tix pui.

566. Taug kah mawh tix cao:, mao: kah mawh tix kuad.

567. Taug koe: kah nyiex, sigiex koe: kah maung.

568. Taug ku bun:, nun ku simex.

569. Tauk si ang:, nhang: siniag.

570. Tauh pui pap eux sim: kaux ngiex, map pui juang eux siyiex liong.

571. Tauh pui ex lawk tauh tix krawg, tawk pui ex lawk tawk tix sox.

572. Tauh pui eux awm: tauh tix ka: thawk, lawg pui eux awm: lawg tix kawn: nyawm.

573. Tauh kih ca: ang: tauh mak phet, vih ba: ca: ang: peeik dai: cah.

574. Tauh klawng: mawng, prawng kah paox.

575. Tauh krawg tawk grix.

576. Tauh koi: luang sok jhon:, kaong: maox hon: lang: nhu:.

577. Tauh kawn: keem, teem kawn: ngheet.

578. Taung: khix ang: shiao kraix khrawm:, sawm: gaox ang: shiao keem: tauh.

579. Taung: khix ang: shiao hu: kraix hu: khrawm:, nyaux rawm: ang: shiao hu: kin hu: klawm:.

580. Taung: khix uik khawm: yau, nyaux plai: uik khawm: ngoi.

581. Taux ang: nyawm diag mai: bee, dee ang: cix plaux kah phon:.

582. Taux ang: nyawm diag mai: bee:, dee ang: leet see: kah rawm:.

583. Taux ang: yaox tix rheep, eep ang: yaox tix sawm:.

584. Taux piang jhiex, niex piang pheen:.

585. Taux prim: sioe: meet, kih ceet sioe: im:.

586. Taux tix tawg.

587. Taux tix tawg, ngawg timu:.

588. Taux ka: hoik sa: so:, taux mo: hoik sa: seet.

589. Taux klaox mhawm: tai, khram: khrai: mhawm: pruih.

590. Taux klaox cai:, rawm: ngai: roik.

591. Taux klaox caik eux num: taug tang:, kawn: nyawm vang: eux tawm: vaig miex.

592. Taux klaox khaix tai, miexmai khaix mex.

593. Taux klaox dawng: sinax pang: phen:, bun: krih mhawm: sinax yau caox.

594. Taux haoh khaing: tawg.

595. Taux lhax priex preem.

596. Taux lhax nex nawn.

597. Taux rheep eep sawm:.

598. Taux lang: gawng:, kawng lang: nyeeig.

599. Taux leun: mai: ngiex, taux griex mai: ceem.

600. Taux guah riex, SiNiex kua:.

601. Taux nex ang: tawng tix puan:, cex muan ang: tawng tix cawk.

602. Taux nyawm ang: kieh klup khaing: klong:, bun: mhawm: ang: kieh luan khaing: yaong:.

603. Tah ak vhak bau:.

604. Tah tix een: lawng:, tawng tix priex sin:.

605. Tah ex lat tidaix tawp lang:, tah ex prang: tidim: tawp gi:.

606. Tah khaox mawh phia:, dia: lug lin mawh ding:.

607. Tah khawm: taing:, gaing: khawm: hu:.

608. Tah lat prang:, sang: lhang: nyiex.

609. Tah lat lang:, sang: nyiex ting.

610. Tah phia: tum: ka: cak, ciag krax hu: cheu:.

611. Tah phia: dia: pheen:.

612. Tai pak lhee:, tai bee: luan.

613. Tai plong: tuah, tuah camaox. [RK: NB possible word magic: duah/dūah]

614. Tai pruih mai: kix kukak, pui lhak mai: kix kukaux.

615. Tai pruih bun: krih.

616. Tai tix mawh plix dim:, im: tix mawh kawn: pui.

617. Tai tix mawh jiang lawt, klawd tix mawh kawn: pui.

618. Tai tux pux praix.

619. Tai ka: mung, jung yhaok laux nang.

620. Tai kawn: krih, lih kawn: mhawm:.

621. Tai kawn: krawh saik doi:, loi: mak man maw: ma:.

622. Tai lhax gix, plix sime.

623. Tai mhawm: pruih khaing: tai mak cang, muih mhawm: grang khaing: grang bun: Hawx.

624. Tai iien: pi silawg pruih ku:, yiien: yaong: vie sighu: it kuad.

625. Tai caong krawg hoik pruih veng lawng, tai blak tawng hoik raoh veng nyiex.

626. Tai khaox paox miex.

627. Tai laix mai: pruih, rhawm: muih ngha: ngai:.

628. Tai leem fa, la leem kup.

629. Tai lu: lie:, khie: lu: lik.

630. Tai mak cang ang: pon tix pak, pui lhak lox ang: pon tix dex.

631. Tai gah vhahrhawm:.

632. Tai griex bing: proe, tai nghoe: diang krax.

633. Tai blak tawng, prawng pu: pliak.

634. Tai blawng: yawt, yawd rhawm: biong.

635. Tai juang ke:, paox ke: lhong:.

636. Tai raoh sigleem:, khun: mhawm: khaw: grang.

637. Tai sang: pak, hak sang: khliak.

638. Tai sang: pak, cag sang: shiao.

639. Tai sidauh, siglauh caong ma:.

640. Tai singip, glip singaix.

641. Tai siniex, riex sinaw.

642. Tai siyaox tiag praox tai ah, deeih kawn: pha: nyiex paox brah khwan:.

643. Tai yiien: yawt, yawd rhawm: biong.

644. Tai yuh jaong ngot, sigoek yuh rhawm: pui.

645. Tai yum pruih, muih yum dud.

646. Taing: pui khrawng: lhax gix, taung: pui khix aing: moi.

647. Taing: kaw: khaix klut, sut rib khaix thai:.

648. Taing: khaing: paoxtix tix klut lud lai, lud khaing: paoxtix tix diang lai: rhawm:.

649. Taing bhat it ne:, lai tawng: sawm: diang.

650. Taing nawh khrawng: ox koe: ngai:, lhawng: nawh leem dai: krat nham:.

651. Taing rub krub khu:.

652. Taix caong lai: kai:, ngai: baoh lai: klieb.

653. Taix caong moeng kawn:.

654. Taix lai: gaong, caong lai: vai:.

655. Tang: ang: pon, don: ang: uik.

656. Tang: paoxtix ih pheen:, een: paoxtix ih thu:.

657. Tang: pie nyiex gox, siyox pie mee:.

658. Tang: Tong Mun kah brung krawx, vao Yaong: Soi: kah phen: tiex.

659. Tang: kah law, taw kah sang:.

660. Tang ko: tang tai:, tang ai: tang lum.

661. Tang: khaox ang: tang: tai, tang: ngai: ang: tang: baoh.

662. Tang: lox siyox moing.

663. Tang: mu: nghox, siyox rhawm: pui.

664. Tang: phia: dia: pheen:.

665. Tang: yaong tang: been, tang: pheen: tang: priex.

666. Taoh Kaung: Tum, sinum Kaung: Kaw:.

667. Taoh kah num:, sinum kah rao.

668. Taoh klawng: nhawng: praix.

669. Taong: tix ih kie, vie tix ih tod.

670. Taong: tod lhaw:, kaw: rhawm: muih.

671. Taong: coi ploi: tod.

672. Taong: khaix paoxtix groe nhawt, hawt khaix paoxtix rhoi: yuh.

673. Taong: deem: krix vag vai, taong: prai krix plaung mau. [RK: NB PNs]

674. Taox yib yu, chu: pai: awm:.

675. Tax kuad yiex ka:.

676. Tax cao: krawng:, vawng la loi.

677. Tax du yiex luan.

678. Tax riied gawng, tax prawng tu.

679. Tax sek Yaong: Krai:, jhai: rug Am: Khrawm:.

680. Tax Thong: Pao pa: taong: tod lhaw:, Yiex Thao: Meung pa: kaw: khu: krub.

681. Tax Thong: Pao:, Yiex Thao: Meung.

682. Tax yiex miex keeing:.

683. Tax yiex mawh cao: leeih si ang:, miex keeing: hoik gang: tawm: kaux.

684. Teet pui mhong: ao:, lao: pui mhong: teei.

685. Teet klaox nghaox ceu.

686. Teei ak tiiet puing: yaw, sawg sinaw moeng nang.

687. Teei Ang: Yeei taing: jhat, teei Ang: Riiet ploi: kluan:,klwan:.

688. Teei pa: dud, sut pa: yie.

689. Teei paoxtix ngawm mhawn: tai, kai: paoxtix yawt lawk sub lang:.

690. Teei plak nie, cie plak lhee:.

691. Teei pui nghox khix pi:, vhi: sinaw khix tham:.

692. Teei tix pak tai khawm: gawng, gau tix tawng been khawm: uik.

693. Teei tix kin rawm: rawng khawm: phai:, sawg tix ah lai vawng khawm: phuk.

694. Teei tix ih taik, paik tix ih rawm.

695. Teei tix ih dee rug, kug tix ih pa: nyawm.

696. Teei tix cie pa: loig, koig tix ih pa: nyawm.

697. Teei tix mawh lao pang:, grhang: tix mawh Lao Li.

698. Teei tix mawh simiang, grhang: tix mawh simex.

699. Teei tix phyawk, sawg tix sux.

700. Teei kat kreem khaing: hawt yaong:, teei saw: taong: khaing: hawt nyiex.

701. Teei kah guaik, kuaik kah tawm:.

702. Teei kax khaing: rub, brug nang daux nyiex.

703. Teei ku krax, sivhax ku diang.

704. Teei hawt krax, bax bing: yaong:.

705. Teei hawt krax, sivhax hawt diang.

706. Teei rhit tawm: Rang: Khroi:, teei ngoi tawm: SiBlaung.

707. Teei ia: khaing: kaug, laug moi khaing: phung:.

708. Teei cao: pauh siuing:, nyeeing: cao: plaux jhawm: saux.

709. Teei khaing: klang:, grhang: khaing: sim:.

710. Teei khaox mheem: lai:, tuah plong: mhai: meeik.

711. Teei khaox khawm: lhox, teei ox khawm: ngai:.

712. Teei lat tawm: daux nong:, teei plong: tawm: daux Saung:.

713. Teei lawt dawt nham:.

714. Teei maix hoek, toek maix hu:.

715. Teei maix nyaux, baux maix sawm:.

716. Teei maox hung: tok thai:, teei phuk lai gau pui.

717. Teei meeik krin: daw tu, viex naing ru hu: ngauh.

718. Teei gip kong: sip si, teei kawn: phi: yawt nham:.

719. Teei moe: lawm tah lat, teei sigah lai phat gawm.

720. Teei dawd lawd ngoing:.

721. Teei nawh mawh aik, plaik nawh mawh kawn:.

722. Teei nawh mawh mhaik, plaik nawh mawh kawn:.

723. Teei nawh mawh khaox riex, viex nawh mawh miex nyiex.

724. Teei nawh saux, ang: plaux nawh yum.

725. Teei nawh saux, plaux nawh yum.

726. Teei yang: yit tauh koi:, teei riex nghox ploi: cang:.

727. Teeig ang: gah, prah ang: pi.

728. Teeih koe: pon mu: ploi, nyoi koe: pon nyoi awng:.

729. Teem heue: teem plaok, haok heue: haok khix.

730. Teem lawk jhie:, tie: lawk muah.

731. Teem sime, nge sigah.

732. Teem sime sime kroing: kak, nge sigah sigah lhak jhawm:.

733. Teen: lawk mhaik, haik lawk goeh.

734. Teug sox kah vie, tie lig kah guh.

735. Te pid piang blum:, pui yumrhawm: mai: been.

736. Te puing: tiex, lhiex kuah nghox.

737. Te puing: silawg, sub jawk sinaw.

738. Te luan puing: keed, pui luan meed jhawm:.

739. Te maix ang: lawm kah tiex, lhiex maix ang: kuah yuh nghox.

740. Te ox kiien:, pui riien: kaing.

741. Te riex ang: shiao rawn, bun: awn: ang: shiao ruah.

742. Teh kah koek, yoek kah plai:.

743. Teh greem: man:. Lan greem: lox.

744. Ten: kaoh khaing: vawng, nyawng kaoh khaing: Hawx.

745. Tiiep plong: tuah, kuah tam: bing.

746. Tiag pui ih man:, phan: pui ih nghox.

747. Tiag simaox ang: sox sang: aing:, bun: beuh kaing ang: pui sang: cie.

748. Tiah pui mun, ang: pui sax dun kheue:.

749. Tiiem: lai piang pheen:, priex been daux rhawm:.

750. Tiiem: ban: ang: doh tiiem: pu:, nu jum ang: doh nu prawng.

751. Tiang klawng: lawng praix.

752. Tie pruih ruih plix.

753. Tie ciang pui maix ih kih?

754. Tie mawh ex gai kah rang:?

755. Tie sax mhong: pui lox eet keed, tie sax yaox pui pui meet Hawx?

756. Tiep mai phai: kha:.

757. Tieh lox loh dak.

758. Tiex teen: kuah gah, tiex ah aing: law.

759. Tiex teen: mhawm: nghox, tiex klox mhawm: sub.

760. Tiex tib rip nu.

761. Tiex haik meeik, lox cheeik pui.

762. Tiex lhee: khaing: daux, taux haoh khaing: tawg.

763. Tiex ma: ang: kieh nawh dig, taux lig ang: kieh nawh pon.

764. Tiex ma: dip, rib ma: yie.

765. Tik pex ma:, gla: pex kaing.

766. Tik ex mha: sang: rawn, prah ex kawn: sang: ngheet.

767. Tik kah tu, vud kah daok.

768. Tik kah gah, prah kah diang.

769. Tik daux rawm:, dawm: kah ngu.

770. Tik num prim: plak kre:, ve: num khraox plakngai:.

771. Tih ang: cix kuah kah ox, nghox ang: cix kuah daux rib.

772. Tih praix ang: tung:, Yaong: Nong: ang: khoek.

773. Tih sang: tung:, lung sang: yaox.

774. Ting pang: lang: lhax.

775. Ting pon miex, bun: sawg tix koe: mex; riex pon keeing:, simex sawg tix koe: moeng.

776. Ting priex vieh vaig.

777. Ting taux rheep khaing: eep sawm:.

778. Ting taix lang: caong.

779. Ting taoh laohlie.

780. Ting ex kah rawm: teeih miex, huan:,hwan: ex kah priex miem keeing:.

781. Ting kah vah ang:.

782. Ting cao: nyhau:, pau: pa: viex.

783. Ting khaing: paox graoh, raoh khaing: paox grao.

784. Ting khaing: kaong:, lhaong: khaing: paox.

785. Ting khaing: keu:, lheu: khaing: bhaung:.

786. Ting khaing: miex, riex khaing: keeing:.

787. Ting lawk miex, riex lawk keeing:.

788. Ting lox khaing: sang:, lang: lox khaing: teet.

789. Ting lox mai: plai:, lai: klix mai: cex.

790. Ting lox sighox kraong:.

791. Ting gum yie sak, lhak kaing yie hoik.

792. Ting diex riex riang.

793. Ting diex riex riang, lang: diang phai: hoek.

794. Ting num: hon:, ton: num: kraox.

795. Ting riang khaing: siyiex, riex riang khaing: kla: reem.

796. Ting sang: thiao:, shiao: sang: klieh.

797. Ting sigao:, vao sigah.

798. Ting yeem khaox khaing: yeem kawn: sai:, ting: kawn: rai khaing: simiang meung.

799. Tix pak pi: meung, tix rheng: meung kon.

800. Tix pak sao: deng, tix rheng: lhang: nyiex.

801. Tipang: koe: saing: Siiem:, tix lhiiem: koe: saing: Hawx.

802. Tix plah taix ang: kieh yhawk yhawn:, tix khawn: caong ang: kieh siyox.

803. Tix plah taix ang: cix yak yhawn:, tix khawn: caong ang: cix siyox.

804. Tix plix koi: koe: tix yang:, tipang: nghox koe: tix khan:.

805. Tix plix nghox koe: tix tom plai:, tix plix tai koe: tix plah dai:.

806. Tix taix vaig laux khawm: mad, tix taix nad yum khawm: mu:.

807. Tix tawng: kawn: cix niex, tix griex kawn: cix nha:.

808. Tix tawng: sawm: ghawm: nyiex, tix griex sawm: ghawm: yaong:.

809. Tix kin mau ang: kawk yuh nyoi, tix coi khri: ang: voi yuh rhawm:.

810. Tix khix tix dum:, tix num tibawg.

811. Tix lon: tiex tix coi tai, tix rhoi: thai: tix khan: nghox.

812. Tix ngawb taing: pon phuan:,phwan: klut, tix dud laih pon phuan:,phwan: tu.

813. Tix saing: ang: eux een: siniex, tix phliex ang: eux een: koi: luang.

814. Tix saing: kah hieh, tix bieh kah tawx.

815. Tix sok nghox kieh koe: tix griex, tix nyiex pui kieh koe: tix gawng.

816. Tivud mawh griex, tix vud mawh sibaong:.

817. Taw ang: pon, don: ang: uik.

818. Taw: him: tang pin: taw: maw: mag, mak him: tang pin: mak maw: suk.

819. Tawk pui mun, ang: pui sax dun kheue:.

820. Tawk lhak pak yaong.

821. Tawk cao: ka: tawk yoi:, toi: cao: khaix toi: yum.

822. Tawk khaox kum:, kum: ling: sawm:.

823. Tawk laux pauh phawng:.

824. Tawm: paing mhaing: mhawm:.

825. Tawm paoxtix ngawm piang phia:, dia: paoxtix it piang man:.

826. Tawm: ia: kung paih tix puan:, vai luan ting tawm tix it.

827. Tawm: goe: loe: lawk, tawm: tawk loe: saing:.

828. Tawm: sim: piang lhax, kawn: kax daux dung.

829. Tawm: vah sigang:, tawm: riieng praix.

830. Tawng pa: saox, yaox pa: prim:.

831. Tawng tix cix ra:.

832. Tawng kaux yaox ngai:.

833. Tawng kaing baog ang: tawng kaing gi:, pon taux bi: ang: tawng mawh taux pag.

834. Tawng: kuih nawh mawh klaox, maox grawd nawh mawh soi:.

835. Tawng: maw: lun, kun maw: sawn:.

836. Tawng bawg saux ang: tawng ngaix yum.

837. Tawng dee tawm: keed suah, tawng dee luah cag bhaung:.

838. Tawng dee: kuah sok ku:, tawng dee tu: sok sub.

839. Tawng: yie max, kax yie cux.

840. To: tam: nam: ni:.

841. To:, to: tix klawd; ot, ot tix yum.

842. To kin rawm: ku jawk, to chawk pui ku meung.

843. To: kawn: rai maix to: hawt, kaog kawn: rai maix kaog mai:.

844. To: thai: ax kawn: ot daux brex, to: nex ax kawn: mawh Pa: Raog.

845. To: thai: tee: lawm kah tiex, sinaw riex tee: hai: kah vhi:.

846. To: thai: cix ang: lawm kah tiex, pa: miex cix ang: muih pa: mhaing:?

847. To: yu: kau:, cau: yu: kai:.

848. Tob tawng: nawng: priex.

849. Tok paoxtix ngawm phia:, dia: paoxtix ngawm ngot.

850. Tok pui ten: sidax toi:, roi pui nyawng sidax kaong:.

851. Tok tai vai: sa:.

852. Tok taix yaing caong.

853. Tok ten: ren nyawng.

854. Tok ten: sidauh gawng, kai: nyawng sidauh tu.

855. Tok ten: sidax lai:, kai: nyawng sidax kaong:.

856. Tok ex ih riieng gix mai: ma:, ciiet ex ih riieng sa: mai: tiex.

857. Tok keei: kah jhaing:, gaing: ngai: sang: it.

858. Tok kla: reem, kreem haktiex.

859. Tok rhit nyaux siyawng, tawm bawng: haok siyiex.

860. Tok maox teung hoek kah nyiex, viex maox rhiiem: hoek kah yaong:.

861. Tok maox rhiiem: ing: daux nyiex, viex rawm: nyaux hoek daux yaong:.

862. Tok maox yang:, jiang: maox yau.

863. Tok gloe toe: daung:.

864. Tok duh kuh lawk.

865. Tok ngu raug nyhee:, prawng see: sawg kuad.

866. Tok siglai, vai: kah paox.

867. Tok siyiien daw lai:, thai: sibauk daw pui.

868. Tok siyiien daw lai:, kai: sibauk tiang klawng:.

869. Toh khaing: griang, riieng khaing: khix.

870. Toh lawk khri:, singi lawk shiang:.

871. Toh griang riieng praix.

872. Toh awm: khri:, singi awm: tawng.

873. Toh sim: uing: piang ma:, sa: riieng khix piang tiex.

874. Toh sim: uing: piang gawng, sawng: riieng khix mai: klieh.

875. Toek nawh hoek daux laih, taih nawh gaih khaing: krax.

876. Toek ox khaing: pang:, teei nang khaing: miex.

877. Toek vaig lawm, sau: rhawm: muih.

878. Toeh nghim: jim: giien:.

879. Ton: keem: tawk, klawk keem: thie:.

880. Tong tin: mhawm: lai, sivai mhawm: preeih.

881. Tong ting bing tam:.

882. Tong tum: lak, pak sawm: moi.

883. Tong Kaung: Tum sang: paog mawh dung, lung: Kaung: Kaw: sang: kai: mawh kaung:.

884. Tong Kaung: Kaw:, haw: Kaung: Tum.

885. Tong: kaing: kraing sidax.

886. Tong Meung Se:, ce Khui: Ming:.

887. Tong Mun ngoi:, Yaong: Soi: rod.

888. Tong: sioh, groh siya:.

889. Tong: viag diag ngiex.

890. Tawx tawx maix eux khliak hak krak, eux lawk plak maix ih dieb hoi:.

891. Tawx kah taix, kraix kah caong.

892. Tawx kawn: ia: kaoh koi:, ploi: kawn: moi sawm: rib.

893. Tawx huan:,hwan: rawm: cix mawh kawn: kax, tawx nhik krax cix mawh kawn: sua:.

894. Tawx cang: klad lawk yeen: tiex, tawx lhat rhawm: lawk giex vaig.

895. Tawx khawng: khit prauk mawh plai:, tawx phit lud vai: mawh klieh.

896. Tawx mawh kawng, kreed greem: lhox; tawx mawh ngaw:, mox greem: tiex.

897. Tawx ngiex kraig, tawx ngaig te:.

898. Tawx nawh ih kiang khawm: sidax, tawx nawh ih kax khawm: kaing:.

899. Tawx phon: don: tiex.

900. Tawx simex ih man: klai, thai: bun: ih kraung lung.

901. Tawx sibawk tix pan:, ploi: cang van tix hu:.

902. Tawx sibawk chawk jhai:.

903. Tawx sibawk chawk sigah.

904. Tawx sub sai, krai moing prawng.

905. Tu: taig pui nawh mai: gam:, nyu: nyham: pui nawh mai: tiex.

906. Tu: teeih khaing: mu: ploi, siah nyoi khaing: soi: jiang.

907. Tuah paoxtix gix khaox khrawm:, tawm paoxtix daw sibauk.

908. Tuah prum: khawm: sim: saik, sum: nyiex khawm: meeik greeing.

909. Tuah prum: sum: nyiex.

910. Tuah tix tum:, cum tix cie.

911. Tub piang blawg, cawk daux hau:.

912. Tuk taix tix lang: ang: lang:, nyat diang tix hoek ang: hoek.

913. Tuk taix dai caong.

914. Tuk kawn: ai:, dai kawn: yex.

915. Tuih su: saih gawng: koi: Yaong: Peng, vaing Laih Maox gawng: caong Yaong: Shiao.

916. Tuih su: saih nawh tong lhax ka:, teei siyawng nawh ka: sawm: ngawb.

917. Tum: pui yaox lawk toeg, hoek pui yaox lawk sim:.

918. Tum: toeg hoek nyo.

919. Tum: ka: cak piang beung:, hoek siseung daux yaong:.

920. Tum: kah tiex kah caux, tum: kah braux kah nyawng:.

921. Tum: kah loek, hoek kah nyiex.

922. Tung: maix ih tawm: ia:, dia: maix ih tawm: keeig.

923. Tux jawn: ex ang: puat lhat nawh briex, kawnpraix ex ang: riex lhat nawh phit.

924. Tux jawn kawnpraix.

925. Eep ang: ce: tix sawm:, rawm: ang: ce: tix nyaux.

926. Eep paing koe: mai: krong: khaw:, eep naw koe: mai: toeh giien:.

927. Eeppid piang bia:, rawm: hia: piang pheen:.

928. Eeppid pyaw, eep naw tie:.

929. Eeppid hoik baux, plai: kaux hoik tie:.

930. Eeppid hoik bhawng:, plai: jhawng: hoik tie:.

931. Eeppid khawm: bia:, rawm: hia: khawm: lhax.

932. Eeppid loeh, nex goeh pyaw.

933. Eeppid mawx doh koe: yie daux aw:, eep naw mawx doh koe: giex daux tawng:.

934. Eeppid naog aw:, eep naw naog nghaong:.

935. Eeppid Ngim Nheu:, plai: rheu: Ngim Tau.

936. Eeppid sawm: ax ang: khao: gam:, nex nham: ih ax ang: khao: si ang:.

937. Eeppid sawm: khun: paing tai graoh, nyawm paox grawh khun: raoh mak cang.

938. Eeppid thaw: thaw:, eep naw thek thek.

939. Eep pruat caong pheen:, priex kheen: caong lawng.

940. Eep kuat koe: kah griex, eep niex koe: daux aw:.

941. Eep kuih miex eux ceh tawm: goe:, taux yuh keeing: eux sibloe: nex.

942. Eep mai: sibhawm:, rawm: mai: sidap.

943. Eep naw ciak kah giien:, kawn: awng: ngiien kah ngai:.

944. Eep sawm: rawm: nyaux.

945. Eet kawn: keed siveng groe, doe: kawn: nyawm siveng nyiex.

946. Eet lu lu, pu lug lug.

947. Eei: ex haok, daok ex huan:,hwan:.

948. Eei: khawng: brie, yuh ma: koi:.

949. Eei: lig kieh pen: dia:, eei: ia: kieh pen: phung:.

950. Eei: ngie: kie sigrak.

951. Eei: nawh huan:,hwan:, muan nawh ting.

952. Een: te puing: silawg, deuh sub jawk sinaw.

953. Een: kah tiex, priex kah nawm:.

954. Een: kah griex, priex kah sibaong:.

955. Een: kah diang klawng: ang: cix caux, een: kah braux nyiex ang: cix rham:.

956. Een: glauh klauh nawm:.

957. Een: daux lawg, kawg daux bau:.

958. Een: daux nyiex priex daux yaong:.

959. Een: daux kreeb, nyeep daux khui:.

960. Ex caw sawn: nawh mawh taux pie tix plah!

961. Ex caw sawn: nawh mawh sub pie tix to:!

962. Fa li pi: mhau:.

963. Feuk na: simaox Krawng:, sa: juang siyawng Saung:.

964. Fing: peun nyang:, tang peun mi.

965. Ka: tang hom: ku:, yu: heun: hom: nawn.

966. Ka: heeng: theeng: yao.

967. Ka: Hawx ka: jhawng:, sivawng siviah.

968. Ka: mung lha: kawn: cix kuih plai:, miexmai kuad kawn: cix tang: nyiex.

969. Ka: mung lha: kuih mawh plai:, grao phaokhaix vai mawh nawng.

970. Kap keng: pung: leun: ha:, yawd la pung: leun: hok.

971. Kab khui: tui: been.

972. Kap seh khaw: tix ang: tang:, rhang: sawm: khaw: tix ang: siyox.

973. Kat ang: lai: koe: greem:, yeem ang: lai: koe: piang.

974. Kat kah rhawm:, khawm: kah ngai:.

975. Kat kawm: rhawm: rhi:.

976. Kat caok ngai:, pui khoi: juang.

977. Kat ciak paw:, braw ciak ngai:.

978. Kaung: pawng rawng na.

979. Kaung: Klak yiem sim:, Kaung: Ngim ku pui.

980. Kaung: lhaong: pawng, rawng lang: taoh.

981. Kaung: loe: lawk sivai pin tiex, mawg loe: pang: kawn: lien: giex rao.

982. Kaux ang: huan:,hwan:, bwan: ang: hoek.

983. Kaux pui luang, juang pui hot.

984. Kaux koe: pon mhaing:, kaing: koe: pon krawg.

985. Kaux ku gawng, sawng: ku ngawd.

986. Kaux hak nag gua.

987. Kaux nghox ang: lai: vawg, luah krawg ang: lai: gi.

988. Kaux nghox lai: puan:, koe: kawn: lai: ngheet.

989. Kaux nghox lai: puan:, sa: bun: lai: moeng.

990. Kaux lawk rang:, pang: lawk raih.

991. Kaux awm: rong:, cong: awm: khaox.

992. Kaux rong: cong: rieng,riieng,riang.

993. Kaux sigiex, nyiex sibhawm:.

994. Kaux yaong: vie mai: kat yu, du rhawm: rhi: mai: puxaik.

995. Kaux yuh rong:, cong: yuh nyiex.

996. Kak khaox jhan: nuk, bun: sug krax kaing.

997. Kak log ven, kren yaong: ot.

998. Kak ox im:, grim iao: mi.

999. Kah paoxtix yaox lhang: tai, krai paoxtix mhong: been tax.

1000. Kah mhawm: tawm: keud.

1001. Kah mun tix yaox lhang: tai, krai kawn: tix mhong: been tax.

1002. Kah rieh cix pang:, kah rang: cix kuah.

1003. Kai: hak hawk, tawk hak kha:.

1004. Kai: khai: kha: khon:, kon khai: kha: ceu.

1005. Kai: kho: lhek ya: hau: mhawng:, kai: kho: tawng ya: hau: rhak.

1006. Kai: kho: me tang.

1007. Kaig mawh bhat, lhat mawh yum.

1008. Kaig ngai: ai: tan.

1009. Kaing ang: krox, lox ang: ih.

1010. Kaing ang: mawh, grawh ang: khaw:.

1011. Kaing ang: sax yaox, lox ang: sax mhong:.

1012. Kaing tang: gha:, ma: tang: hu:.

1013. Kaing: kap dieb dong:.

1014. Kaing: kax priex nyawm.

1015. Kaing: koe: pon krawg, ngawg koe: pon po:.

1016. Kaing koe: kaing: koe: sidax, lox koe: krax koe: blawng.

1017. Kaing kroik moik grhawm:.

1018. Kaing hoik hoik, moik hoik nghie:.

1019. Kaing: ia: ux, simie nghox tung:.

1020. Kaing nyiex sidax yaong:.

1021. Kaing yuh paox ex hoik yaox ex kah ngai:, lox krai paox ex hoik mhong: ex kah yhaok.

1022. Kam lao: pao: seuk.

1023. Kam: on: mon: yawm.

1024. Kam yao khao: suk.

1025. Kan hoik hoik, moik hoik sin:.

1026. Kang: van peet lhang: sa:, la: van peet lhang: keu:.

1027. Kang: yu: theun: pen: kang: cao:, sao: yu: van: pen: sao: thao: sao: kie:.

1028. Kaoh khaing: keei: tawm: hoek kah luat, kaoh khaing: kuad tawm: hoek kah nyawm.

1029. Kaoh sim: seet, khaing: sigit tawng, kaoh Hawx vawng khaing: daux Peux Cing:.

1030. Kaong: tix ih rawm: maw:, kaw: tix yuh keux ming:.

1031. Kaong: khaux pa: yie, yuh patix kah daux hon: pa: nu.

1032. Kaong: khaux raox hon:.

1033. Kax ang: sax kawm:, rawm: ang: sax khreeing:.

1034. Kee: ta: nga khio:.

1035. Keed ce: sidax tix kawn: cix kuah.

1036. Keed ce: sidax tix kawn: cix kuah, suah ce: gaox tix kawn: cix plaung.

1037. Keet ce: sidax tix kawn: cix kuah, suah ce: ngai: tix kawn: cix paing.

1038. Keei: tauk hauk ih.

1039. Keei: khawm: phuat, luat khawm: kaing:.

1040. Keei: lung ang: jeeih, ngai: preeih ang: khoek.

1041. Keei: luat kuad song:.

1042. Keei: mai: luat, kuad mai: chax.

1043. Keei: sang: tauk, hauk sang: ih.

1044. Keeig ma: ka: lhiex, priex kaux khaix saux.

1045. Keeig ma: veue lhiex, priex rhawm: veue kaing.

1046. Keeig rong: krao:, vhao: rong: nyiex.

1047. Keeing: priex miex peux.

1048. Keeing: tikaux, daux timu:.

1049. Keeing: keh miex lih.

1050. Keeing: cao: nyiex, miex cao: yaong:.

1051. Keeing: cao: nyiex, miex cao: aw:.

1052. Keeing: cao: nyiex, miex dang: aw:.

1053. Keeing: lang: diex, miex lang: gaong:.

1054. Keeing: griex miex sibaong:.

1055. Keeing: nyiex simiang yaong:.

1056. Keeing: siyiex, miex siyawng.

1057. Keem ang: pex, rex ang: pon.

1058. Keem tix kawng: moik, goik tix mhong: lox,

1059. Kep lho: dai: kang: hai:, khai: cai: dai: kang: kheen:.

1060. Keh tix nyah piang lhax lhak, yha: tix bleue: piang haktiex.

1061. Keh moi keh brawm:, tawm: ia: tawm: dia:.

1062. Kia: ang: kia: mawh gawng:, tawng: ang: tawng: mawh goe:.

1063. Kia: dud laih ak mai: ngai:, kia: su: sai: lawm vaig mai: ngawg.

1064. Kia: ngiien khriien: khre:.

1065. Kia: nyiex priex yaong:.

1066. Kiiep tix khawn: viex hu: jhe:, mau tix the: viex hu: lai.

1067. Kiiep nex kah thu: siliag, diag bee kah khang: mau.

1068. Kiied kih nguah ke:, ih ble nguah sub.

1069. Kiied kih simih rhawm:.

1070. Kiied krih sawg ih plai:, kiied sivai sawg ih sidah.

1071. Kiied ghok pok ngai:.

1072. Kiah nawh mawh kawn: ke:, nghe: nawh mawh kawn: pui.

1073. Kiien: tix kaong:, vawng: tix oih.

1074. Kiien: kaux hak khaing: rang:, lang: ju phan: khaing: maox.

1075. Kiien kru: nu jum.

1076. Kiien: khaing: rang:, lang: khaing: krax.

1077. Kiien: khaox gu, nu kaing yuh.

1078. Kiien: lawk rang:, lang: lawk maox.

1079. Kiien: lawm vaig khaing: lawm gawn:, awn: lox yiem nang khaing: yiem ca:.

1080. Kiien: ox ak, yag kaing yuh.

1081. Kiang brawm: tawm: dia:.

1082. Kiang ot daux grux, blux ot daux klawng:.

1083. Kiang rau kah guh, luh rau kah rang:.

1084. Kip kih ih gawng.

1085. Kip nang ciang nguah.

1086. Kid tix klawm:, dawm: tix nyaux.

1087. Kid tix klawm: khawm: riah kiex rao, dawm: tix nyaux tawm: taoh kiex caw.

1088. Kid khaox piex, priex paoxplawg.

1089. Kid khaox krawp pa: kiien:, yuh lien: Hawx pa: vao.

1090. Kid khaox ox tawm: lang:, gang: nyiex yaong: tawm: va:.

1091. Kid khix bix ma:.

1092. Kid gawng prawng: see:.

1093. Kid rong: dang: plai:, thai: rong: dang: aw:.

1094. Kid rung sum: tax, aing: krax hu: yiex.

1095. Kie daux man: luat, phuat daux man: pre.

1096. Kie yeung kie luat, phuat yeung phuat pre.

1097. Kieh te: paoxtix sidaing: tiex, kieh iex paoxtix sidaing: ding:.

1098. Kieh caong awm: raix, kieh taix awm: ruih.

1099. Kieh khix khaox si aoh, kieh nyiex yaong: sibua.

1100. Kieh mawh pungpiang reem tai, reem rawm: rawng daux phai:; kieh mawh mu mai reem rawm:, reem phuk lai tiiem: khun:.

1101. Kieh mawh ma: riiem cun:, kieh mawh bun: klieh sinaw.

1102. Kieh nawh peeih iak thai:, kieh nawh dai: aw: moik.

1103. Kieh rawm: nyaux singaong daux dung, kieh dieb dong: baoh mai: been.

1104. Kieh vaig lawm hu: mug, kieh klang: yaog hu: teei.

1105. Kih paing loe: coi, moi tang: loe: mu:.

1106. Kih paing nguah toi:, mau coi nguah nang.

1107. Kih priex ngawb ang: yaox tix ciang, klang priexbo ang: yaox tix ih.

1108. Kih tix coi, moi tix miex.

1109. Kih tix khawn:, kawn tix lon:.

1110. Kih kiied ang: koe: pon sok tai, mau cai: ang: koe: pon sok jhon:.

1111. Kih luan kie, brie luan yuh.

1112. Kih phex paing yuh nin: ku klui:, pui phex mhawm: yuh nin: kukaux.

1113. Kih Siiem: miam pid.

1114. Kin: tan va kaw: nyen:, thaw: yen: va tang: keu:.

1115. Kin tix khoek, poek tix ngiien.

1116. Kin: rhawm: pui khaing: ghin: kaong:.

1117. Kin: khao: va sifan:, lang vhan: va thui: van:.

1118. Kin daux lawk, kawg daux bau:.

1119. Kin rawm: khu:, ngu: rawm: khoek.

1120. Kin rawm: muih daux lawk klai ang: rid, kawg laux nang daux bau: luat ang: taing:.

1121. Kiu: khet peeng tie na, kiu: kha: peeng va ca:.

1122. King: rhang: braing:, klaing: vaig gawn:.

1123. Klai lhax khaox khawm: gawng, sawng: ting: teung: khawm: meung.

1124. Klaing: sivawg, chawk sigah.

1125. Kleum: taux blux, cux sok phen:.

1126. Klieh tix vong, lung tibawg.

1127. Klieh sinum, kum: sibua.

1128. Klieh sub klieh sai, klieh lai klieh lox.

1129. Kling: ax tai keei: ang: shiao krid, sawm: ax eet pid ang: shiao nghaong:.

1130. Klix tix diex, sox liex ling: ju.

1131. Klix Hawx lien: awm: klix la, vaig kala awm: vaig lawm.

1132. Klawd tix mawh kawn: sim:, im: tix mawh kawn: pui.

1133. Klawd khawm: sidim:, im: khawm: sidaix.

1134. Klawm: nad pai:, kai: nad thux.

1135. Klawm: sibeed hu: raox, gao: khlax caox hu: cang:.

1136. Klawng: nyu: simaox, krax caox phen: yak.

1137. Klong: plai: ang: cix grai:, tai muah ang: cix uik.

1138. Klong: plai: tai muah.

1139. Klong: klawk tawg nguan:,ngwan:.

1140. Klong: nex ang: grai:, klong: plai: ang: jud.

1141. Klu rhang: moi kah sawm: tix rib, eep ngai: beei: kah yiem tix biong.

1142. Kaw: le: ve han:.

1143. Kawd aing: vhaing: meeih.

1144. Kawg paoxtix yeung bau: jiang, giang: paoxtix yeung lawk sub.

1145. Kawg it law, haw: it nang.

1146. Kawg bau: jiang, liāng law lai.

1147. Kawg bau: jiang Yaong: Leen, ot been prim: phaoka:.

1148. Kawg daux phliex, viex daux klui:.

1149. Kawg si ang:, nhang: siniag.

1150. Kawg sigit kang: ki:, viex bau: yi: deeih giex.

1151. Koi: ang: kaux, taux ang: kuah.

1152. Koi piag koi rawn, koi sawn: koi sidiex.

1153. Koi: kut nghox rham:.

1154. Koi: lung tix saing:, gaox paing tix phliex.

1155. Koi: naog krao: ox, nghox naok krao: phia:.

1156. Koi: sang: gox, lox sang: mhong:.

1157. Koi: sidox, nghox simie.

1158. Kawm ngawg cawk klaik.

1159. Kawn: ai: klawm: khix, kawn: yex kin rawm:.

1160. Kawn: ang: een: tix eei:, pui aok een: tix sidiex.

1161. Kawn: paox gaox koi:.

1162. Kawn: poeh daux pak, kawn: cak daux nong:.

1163. Kawnpraix taix caong.

1164. Kawn: tai silaux, kawn: peux simiang.

1165. Kawn: tix daux, taux tipang:.

1166. Kawn: eei: beei: raox.

1167. Kawn: eei: yiex, kawn: priex tax.

1168. Kawn: kax veei priiem, kawn: Siiem: veei nyiex.

1169. Kawn: keed khaix proe, kawndoe: khaix keeing:.

1170. Kawn: krid ang: lud rhoi:, kawn: moi ang: lud khlawk.

1171. Kawn: krid lud rhoi:, kawn: moi lud phung:.

1172. Kawn: krid nawh hoik khaw: ku rhoi:, lox krai nawh hoik khaw: ku gum.

1173. Kawn: Hawx ah rhiiem:, kawn: Siiem: ah mau.

1174. Kawn: Hawx cix kha: rhiiem:, kawn: Siiem: cix tiiem: mau.

1175. Kawn: Hawx ruah rhiiem:, miex Siiem: klawm: muah.

1176. Kawn: ia: tix kaug, kawn: raug tix phung:.

1177. Kawn: ia: tawx nawh kaoh koi:, kawn: moi tawx nawh sawm: rib.

1178. Kawn: ia: eei: ex ang: tien kuah peed, kawn: lig eei: ex ang: tien cawk dawng:.

1179. Kawn: iak taw rawm:, kawn: nyawm kraix braw.

1180. Kawn: cix cau, mau cix shiao.

1181. Kawn: lig mhawm: loi:, kawn: moi mhawm: hauk.

1182. Kawn: meeik lawng bia:, kawn: hia: reem tai.

1183. Kawn: meeik daux rang:, nang Hawx daux ciao:.

1184. Kawn: gix tu: khaox kawk loe: gaw, kawn: ku: kuah nyiex haw: loe: lhang:.

1185. Kawn: bun: ang: sax cung daux nyiex, kawn: simex ang: sax giex daux yaong:.

1186. Kawn: bun: tauh veng po:, kawn: simex to: veng piax.

1187. Kawn: bun: toe: taix, kawn: simex toe: caong.

1188. Kawn: bun: ra: sidaix, kawn: simex ra: sidim:.

1189. Kawn: bun: yah niex, kawn: mriex yah vaig.

1190. Kawndoe: pui loeg.

1191. Kawndoe: koe: siyiex.

1192. Kawndoe: greem: braux, kawn: ngaux greem: khaox.

1193. Kawn: nyawm kawn: niag, kawn: iak kawn: aw:.

1194. Kawn: nyawm blawm: kuad, pa: kuad blawm: ngu.

1195. Kawn: ot mai: jhat, kawn: krat mai: glauh.

1196. Kawn: rai tai shiao.

1197. Kawn: riien: ih nex dhux, kawn: nieh pux nge: ngu.

1198. Kawn: saox kaoh, khaox saox plaung.

1199. Kawn: simex pang: laih, kawn: bun: blaih yaong:.

1200. Kawn: simex, nghox simie.

1201. Kawn: Siiem: mhaing: ex giex krawx, kawn: Hawx mhaing: ex giex kon.

1202. Kawn: sim: tawng: koek, kawn: nyawm poek aw:.

1203. Kawn: sim: kawn: cix tuah gai, kawn: lai: kawn: cix kraix mheem:.

1204. Kawn: sox tap thiao:, kawn: miao: tap ceung:.

1205. Kawn: yex kieh mawh jhai:, kawn: ai: kieh mawh simiang.

1206. Kawn: yex kuih plai:, kawn: ai: thai: ma:.

1207. Kawn: yex viex plai:, kawn: ai: viex priex.

1208. Kawn: yex yaox tix ceet dai:, kawn: ai: yaox tix ih khlax.

1209. Kawn: yaox dee tawm: sim: seet, kawn: yaox dee keud rhawm: muih.

1210. Kawng: gaox tawx, awx lox krai.

1211. Kawng: mu Man: Fa:, pha: tiiem: Man: Leng.

1212. Kawng sip si,phi:yawt nham:.

1213. Kawng sip six, prix yawt nham:.

1214. Kawng sawm: bo, sido sawm: jhawm:.

1215. Kawng sawm: rao gix, prix yawt grawng: krax.

1216. Kok paox o:, yo paox aik.

1217. Kok tawm: to:, yo: tawm: grum.

1218. Kok kah kuang: paw:, yo kah ting: hua:.

1219. Kok ku gawng cho:, yo ku gawng ton:.

1220. Kok hoek toek ing:.

1221. Kok khwan: vhaing: paux.

1222. Kok daux teet law:, yo daux kuang: paw:.

1223. Kok sam: sai: to, yo ai: nyi grum:.

1224. Kok sox luang ih hao:, krao nyawm yaong: ing: tawx.

1225. Koh pui nghox khaing: griex, briex pui moi khaing: kawg.

1226. Koh ex tong: sim: krix kah deem:, kuih ex sawm: gaox teem: ceung: fu:.

1227. Koh ku: hu: caung.

1228. Koh mau liang:, teei ring nyiex.

1229. Koe: ak tiiet puing: klang:, koe: nad lang: taw: naing.

1230. Koe: pa: viex ang: koe: priex, cie miex ang: kie kawn:.

1231. Koe: pat kah teng:, koe: rheng: kah kaux.

1232. Koe: plai: koe: rawm: lai: nyaux, koe: kawn: koe: praix lai: ngheet.

1233. Koe: pon keeing: ex klawm: nad, koe: pon miex ex gix pliah.

1234. Koe: tix khix pu: klang:, koe: tix glang: hu: cheu:.

1235. Koe: eeppid kah toeh krong: khaw:, koe: eep naw kah rao to: thai:.

1236. Koe: eeppid num ka:, koe: sa: moi num tieh.

1237. Koe: klix koe: kla:, koe: ba: koe: biiem:.

1238. Koe: iiep sub daux Pang: Nhai:, koe: klong: plai: daux Kaung: Miex.

1239. Koe: cu: yi: ih cu: yi:, ang: koe: cu: yi: ih lix chi:.

1240. Koe: khaox thong: ex gu, koe: khu: thong: ex krub.

1241. Koe: khri: mi mau.

1242. Koe: khwan: teed kah paw:, koe: khwan: taw: kah re:.

1243. Koe: li: oi: vhan:.

1244. Koe: lon: kih dang: aw:, koe: maw: mau daux rhawm:.

1245. Koe: lox ex ah, koe: sigah ex krai.

1246. Koe: luk lin: thox dang: ia:, koe: guah bia: tie singaix.

1247. Koe: ma: nhie: ang: mhawm:, koe: rawm: nhie: ang: mawh.

1248. Koe: mai: num: pawd siyawng rao khwan:, koe: mai: num: phan: siyiex ngaix lih.

1249. Koe: mai: vaig pex pa: tawm:, koe: mai: rhawm: pex pa: keud.

1250. Koe: mex yaox keeing:, koe: moeng yaox miex.

1251. Koe: gaox paing dim: mawk, koe: gaox sawk dim: po:. [NB: measures]

1252. Koe: mu: ang: koe: khuai:, koe: ngai: ang: koe: baoh.

1253. Koe: nad mai: maix tong phao:, koe: krao: mai: maix nghox pid.

1254. Koe: brung brug daux Man: Yang:, koe: law tang: daux Pang: Nhai:. [PNs]

1255. Koe: daux kat eux tix gaw khrawm:, koe: daux rhawm: eux timu: moi.

1256. Koe: niah plaung ang: koe: niah nhu:, koe: dee ot ang: koe: dee sawm:.

1257. Koe: jih kah nyoi, koe: lai daux rham:

1258. Koe: jih jiang:, koe: grang gre.

1259. Koe: nyiex gox siveue ax ku ma:, koe: nyiex bang: siveue ax ku krax.

1260. Koe: riah ang: koe: rao, koe: num: ang: koe: pang:.

1261. Koe: saux krat kah ju, koe: saux nu kah kaux.

1262. Koe: saux krub nyiex moeg, koe: see: hoek nyiex simiang.

1263. Koe: si ang: piang huik.

1264. Koe: sibex awm: kuat, koe: yiex kuad phru: ngu.

1265. Koe: siuing: kwan krax, koe: SiViex mug kaing:.

1266. Koe: siyawng kah tiex, koe: siyiex kah ma:.

1267. Koe: sui: pix pawd lai, koe: ting: hua: krai lox.

1268. Koe: (tawm:) yam chup keeing: maix daux glie:, koe: (tawm:) yam nghe: miex maix daux vaig.

1269. Koe: yaong: pon piax, koe: nyiex pon yau.

1270. Koek praix viex niex, lheux praix viex rawm:.

1271. Koek nieb ang: toh kah khaox veng lawng, praix nieb ang: vhaik kah gawng ma: hu:.

1272. Koek nyawm co, bo nyawm kum:.

1273. Kom: na: het khawng:, kawng: lhang: het kan:.

1274. Kon tak li, phi: tak ca.

1275. Kon tawx Hawx, krawx tawx Siiem:.

1276. Kon kao: va, na: kao: sawk. [NB: measures]

1277. Kon nhi: phi: pud.

1278. Kon li maw: ko: kam, kham: li maw: gau fai.

1279. Kon maw: hu: phi: han:.

1280. Kon maw: hu: tham: mhaw:, mhaw: ma: hu: tham: kai:. [NB]

1281. Kong: khri: ble mau.

1282. Krau tee: krau phung:, cung tee: cung tau.

1283. Kraung ang: yaox tix ceep, eep ang: yaox tix sawm:.

1284. Kraung caing kah luat, priex suat kah thu:.

1285. Kraung ceep eep sawm:.

1286. Kraung khrai: mau khri:.

1287. Kraung khrai: dai cah.

1288. Kraung naing pa: viex ex vao, kraung khraox pa: viex ex grang.

1289. Kraung nyiex lhax mheen:.

1290. Kraung thai: moi pheu:.

1291. Kraung thai: dai: loh.

1292. Krak ai: moi yex.

1293. Krak sang: thai: eux lawk hoik plaux, plai: sang: nyau eux lawk hoik coeh.

1294. Krak thai: moi pheu:.

1295. Krai paoxtix mhong: sigah lhak, pak paoxtix ih sidax toi:.

1296. Krai lox mhawm:, tawm: lox rauh.

1297. Krai lox nab, kab lox mhawm:.

1298. Kraix paoxtix yaox bang: aw:, glaw: paoxtix kah lox mhawm:.

1299. Kraix braw taw rawm:.

1300. Kran ao: nhak, khak ao: vao:.

1301. Krao: prim: mawh gaox, krao: khraox mawh nghox.

1302. Krax ang: mawh, grawh ang: khaw:.

1303. Krax koe: kat ang: viex pui lawng, krax koe: kawng ang: viex pui hu:.

1304. Krax kriang: riang rao.

1305. Krax lhat daux yum.

1306. Krax hoik lawng, blawng hoik yaox.

1307. Krax hu: toi:, rhoi: hu: praong:.

1308. Krax hu: ghot, siyot daw lai:.

1309. Krax hu: sang:, dang: hu: prieh.

1310. Krax hu: siyawng, grawng: hu: singaix.

1311. Krax ci paw kieh koe: piang blawg, krax lawg paw kieh koe: plak khaix.

1312. Krax khrum: tai praox, diang caox siyawng.

1313. Krax khu: khlik si ang:, krax khung: khlang: simaox.

1314. Krax lawng blawng hu:.

1315. Krax luah proing tawng, krax rawng: pu: cheu:.

1316. Krax Meung Meet hoik taong: eux grau, krax Meung Mhau: hoik taong: eux kreem:. [NB PNs]

1317. Krax deem: Man: Rai, krax prai Yaong: Ting:.

1318. Krax nyu: ang: cix cang klad, krax lhat ang: cix grix rhawm:.

1319. Krax rauh tix nyaing, kaing mhawm: tix ceu.

1320. Krax rauh sidawm, krax mhawm: sidu.

1321. Krax singeh pex lawng, nyiex sidawng: pex hoek.

1322. Krax yuh siyawng, grawng: yuh siyiex.

1323. Kreed khaing: paoxtix greem: lhox, mox khaing: paoxtix greem: yeem.

1324. Kreed graih bi:, vhi: grawm it.

1325. Kreed braux nyaux rawm:.

1326. Kreem kat hawt yaong:, taong: saw: hawt nyiex.

1327. Kreh yeung bru, ku yeung meeik.

1328. Krid paoxtix yaox kah ling:, ing: paoxtix yaox kah cheu:.

1329. Krid iien: riien ceem.

1330. Krid ceem ang: lih to: pu, krub khu: ang: koe: lhax pih.

1331. Krid mai: ka: sen:, hen: mai: lang: thoi:.

1332. Krid nawt ku biang tai, krai nawh ku biang kum:.

1333. Krid nawh mai: tai, sai: nawh mai: eep.

1334. Krih khiien: cai:, sivai lawm rhang:.

1335. Krih grai: sivai yum.

1336. Krim preue: yhaok ang: koe: tix the:, ble muan taix ang: koe: tix khawn:.

1337. Krim tix khawn:, kawn: tikaux.

1338. Krim mhawm: bre, ble mhawm: yuh.

1339. Krim rawng the:, ble rawng sawng:.

1340. Krim sidax le, ble sidax toeg.

1341. Krim siyoi:, soi: siyaug.

1342. Krix kah rub kawn: yeei:, glup kah lox pui tang:.

1343. Krix caong maix eux lawk kuah khawm:, kawm: kraung maix eux lawk sidaux singax.

1344. Krix sim: kah nyax, krix kax kah kreem:.

1345. Krawk khrawm: tawm rux.

1346. Kroing: khaing: paox kukak, lhak khaing: paox kuceu.

1347. Kroh plong: rung praix.

1348. Kroek luang cun:, khun: luang Siiem:.

1349. Krong: moe: raog, braog ting tu.

1350. Krox tix koe: mun, jun: tix koe: kheue:.

1351. Krox num ka: lha:, tha: num tieh kieh viex to:.

1352. Krox num kah lha:, tha: num tieh sidieh kuah.

1353. Krox sux lux yum.

1354. Krawx kah ang: yaox tix ih priex, sigiex kah ang: yaox tix muan pa: ngha:.

1355. Krub pai: vai: sa:.

1356. Krub kah tai, vai: kah nyawng.

1357. Kukaux daux pui.

1358. Kukak paw cawm: ah ku kheu:, kuceu paw cawm: ah ku cawng.

1359. Ku: kak pui viang ah ku keu:, kuceu pui viang ah ku cawng!

1360. Ku: kit ah, ku: kah krai.

1361. Ku: kit ox daux pang:, sungsang rhawm: daux kaux.

1362. Ku: kih hu: Man: Rai:, ku: tai hu: Pa: Tiag. [NB PNs]

1363. Ku: kram nyiex ang: koe: cao: pih, yu: yih kaing: ang: koe: pui khlao:.

1364. Ku kried mai: pui proe, lu: loe: mai: pui tang:.

1365. Ku rhang: sigah, ku gah krax ting.

1366. Ku ngeg ku gawng, ku klawng: ku ngawd.

1367. Ku ngeg ku rawng, ku gawng ku lua.

1368. Kua: pon cak, yag pon moi.

1369. Kua: brax riex riang.

1370. Kuad kaing: haing: kre:.

1371. Kuad dux nyawm haok.

1372. Kuad nyiex simiang yaong:.

1373. Kuad nyiex miex yaong:.

1374. Kuad phao: liang, simiang phao: veue.

1375. Kuad song: long ju.

1376. Kuad song: nong: yu.

1377. Kuah tih kax si ang: krawng:, kuah tih yawng: si ang: khaix.

1378. Kuah tih koe piang lat Siiem: Tawng, koe: krax via ngawg Yaong: Man: Mhat. [NB PNs]

1379. Kuah tih koe kah siviex lawng, kuah tih vawng: kah maw: tam.

1380. Kuah tih koe rong: graih, jauh rawm: lhiex ku: it.

1381. Kuah khawm: praok, naog khawm: greung.

1382. Kuah sok ku: teei tix priex, tu: sok sub viex tix sum:.

1383. Kuai nix fang kap peu sun:, kun nix fang: kap peu sawn:.

1384. Kwan krax cax diang.

1385. Kwan con pa: koe: mau, pau caung: pa: koe: nghox.

1386. Kwan ngaig laig tiag.

1387. Kut simie, die siun:.

1388. Kuh tix muan lawk ox, gox tix muan yaong: yiien:.

1389. Kuih plai: ngoi, noi: plai: tom.

1390. Kuih plai: uik niex, diag ngiex uik song:.

1391. Kuih tix sawm: ang: laig, glaik tix it ang: nyawm.

1392. Kuih eeppid naog tawng:, pen: khawng: phak naog nyax.

1393. Kuih eep nha: khawm: bia:, cia plai: niex khawm: tom.

1394. Kuih maix nyaux, baux maix sawm:.

1395. Kuih nawh sawm:, awm: nawh it.

1396. Kuih sawm: saih, paih rawng praix.

1397. Kuih sawm: shiang:, liang sawm: moeg.

1398. Kum: kawng: chawk cheng:.

1399. Kum: nyiex giex yaong:.

1400. Kun: kraox ang: teh, bun: nieh ang: cee.

1401. Kun yu: vat pin: kun khi: khan:, phax lung ban: pin: phax khai: sik.

1402. Hap nhak vai ti nawng, kam fawng vai ti pi:.

1403. Hat lhax khaox tum: klang:, bhang: rhawm: nyiex ban: nyo.

1404. Hat khaox dee tum: klang:, hang: rhawm: nyiex hoek nyo.

1405. Hauk paing deeih luang, rhang: glaoh deeih kuah.

1406. Hauk ia: ang: nyang sigrak, rhawm: lhak ang: nyang sidaing:.

1407. Hauk sa: ba: paing.

1408. Haktiex brex brum.

1409. Haktiex nyiex yaong:.

1410. Hak eex ang: pon hak ax, hak ax ang: pon hak ex.

1411. Hak kan: maw: ceet, meed kan: maw: cang:.

1412. Hak hai: vai bix.

1413. Hak sut co lam tawng:, pawng sut co lam mai.

1414. Hai: kah teed lhat graik rung:, rheeng: kah kum: lhat se: mau.

1415. Hai: sam: pi:, di: teeng co.

1416. Hang: cao: kao: khun:.

1417. Haok pui yaox daux raoma:, pu: pui yaox daux pai: awm:.

1418. Haok kah blaong paw deeih gi, vhi: kah bun: vhia: tawm: pon.

1419. Haok ku bawng:, tawng ku nyiex.

1420. Haok khaox tawm: rao, jao: gawng tawm: luan.

1421. Haok khaox awm: goe:, loe: rawm: awm: khiiet.

1422. Haok laong: krax yaox loeh kiang, jiang seh krax yaox loeh dee:.

1423. Haok blaong lih jee.

1424. Haok bawng: khrawng: nyiex.

1425. Haok ngai: lung, jung ngai: paing.

1426. Haok ghaok lih dum:.

1427. Haoh kawn: kax daux rawm:, haoh kraung mhawm: daux laih.

1428. Haoh kawn: kax daux rawm:, haoh bun: mhawm: daux yaong:.

1429. Haoh kawn: bun:, hun: kawn: simex.

1430. Haoh hun: ton: lhee:.

1431. Haoh khaox gu siveue khrawm:, haoh pui mhawm: siveue ngai:.

1432. Hax taix cao: tong:, kong: klix cao: mee.

1433. Hax ma: rhawm:, mhawm: ma: yuh.

1434. Heu: lhai: khai: yoi.

1435. Het kan: nyawm nya, pa: kan: nyawm yeem.

1436. Het heun: coi kha:, het na coi sawm:.

1437. Het na pa: ku:.

1438. Hia: ang: tawng dawng:, awng: ang: tawng daux.

1439. Hia: hoik koe: dawng:, awng: hoik koe: daux.

1440. Hit greem: phai:, grai: grawng: krax.

1441. Hieh mak kram khaing: dee koih veng jawk, thawk kawn: bun: tix khaing: nyiex yaong: hot.

1442. Hing: tauk hauk ih.

1443. Lha: it cao kaoh.

1444. Lhat ex lud simie tai, lhat ex grai: simie pui.

1445. Lhat kah bhaung:, siyaung: kah kuat.

1446. Lhat neung ka:, ya neung khaix. [NB PNs]

1447. Lhauk kah rawm: kuih koi:, toi: kah nge: khix lug.

1448. Lhak pie khaw:, aw: pie ciien:.

1449. Lhak tikaux ang: piien:, riien: tikaux ang: tauh.

1450. Lhak lhiiem: tiiem: phai:.

1451. Lhak cix piien:, riien: cix mi.

1452. Lhak khaing: paox bee:, lhee: khaing: paoxplawg.

1453. Lhak luan ang: koe: paox, aw: lhaox ang: koe: dee.

1454. Lhak luan caox, aw: lhaox laux.

1455. Lhak Sai: Saw:, aw: SiNiex.

1456. Lhak se: maw: yu:, lhak lu maw: khon:.

1457. Lhak yaw ang: pon aw: saik.

1458. Lhang: to: fa, na: to: lin:.

1459. Lhang: kih paing khaing: lhang: tai, miex mai: mhawm: khaing: bun: krih.

1460. Lhaong: pu: tiiem tum:.

1461. Lhaong: pu: tiiem tum:, nu jum deeih giex.

1462. Lhaong: khaing: gawng tiag vaw, grang khaing: haw: Kaung: Miex. [NB: Gengma < mīex/max]

1463. Lhaong: khaing: gawng, hawng: khaing: teet.

1464. Lhaong: dee pu:, nu dee hoek.

1465. Lhax tux klong: khri:, lhax pi: klong: mau.

1466. Lhax koe: pon jhawng:, gawng: koe: pon jo:.

1467. Lhax mhawm: lhawng:, nawng: mhawm: muih.

1468. Lhax khaox lhax ox kawn: cix cu cad, to: sad to: tu kawn: cix sigah. ['to: sad to: tu' sic - cf. 'tosat', 'to: tiag to: dū']

1469. Lhax khaox luah ku plah, simaox sigah ku lon:.

1470. Lhax lang: rawng:, klawng: lang: taoh.

1471. Lhax baug daux bing, ching: nying: awn: ju.

1472. Lhax bug tix bua:, kawn: sua: tix mheem:.

1473. Lhax ot greem: paoxtix ang: rieng,riieng,riang, kiang ot greem: paoxtix ang: yum.

1474. Lhax rieng,riieng,riang sivuat, yiex kuad gox yaong:.

1475. Lhax sibawk naog bau:, caocau naox nyiex. [NB: leaf oracle w/ 64 readings]

1476. Lhee: khaing: moi pa: teed, lhee: khaing: simeeig pa: tieh.

1477. Lheet lhaw: aw: deux.

1478. Lheet yeung daw:, aw: yeung dux.

1479. Lhek sam: mheen: heu: vai: cao: lhaw: khun: khie:, keu: sam: mheen: lhang: vai: cao: hui: khun: loi. [NB PNs etc.]

1480. Lhiex paing poe:, bhoe: pui tang:.

1481. Lhiex praix ang: cix via lhax khaox, jhawm: saux ang: cix via meung kon.

1482. Lhiex praix paung: nyiex gox, caox praix paung: paox aik.

1483. Lhiex praix tum:, sinum praix kuah.

1484. Lhiex praix keud yam koek praix, sak vaig keut yam cairhawm:.

1485. Lhiex praix sawg nyiex gox, krox sux sawg paox aik.

1486. Lhiex tawk ang: saux, pui plaux ang: yum.

1487. Lhiex ki tawk ang: cix saux, pui ki plaux ang: cix yum.

1488. Lhiex hoik vai, praix hoik rieng,riieng,riang.

1489. Lhiex lih jee, keu: haok blaong.

1490. Lhaw: tix koe: saux tik ju, lhaw: tix koe: mu: pon paox.

1491. Lhaw: sivai tix jao: nawng.

1492. Mha: nie rawn nie awn:, pui nie sawn: nie lhak.

1493. Mhak mi: li: pen:.

1494. Mhai: cawm khiiem:, Siiem: cawm nang.

1495. Mhaik ang: cix proe, moi ang: cix keh brung.

1496. Mhaik Saung: pa: raux, daux awng: pa: heeik.

1497. Mhaing: paoxtix sum: khaox kawg, sawg paoxtix ah jhawm leng:.

1498. Mhaing: kawn: yex tix ih dai:, mhaing: kawn: ai: tix ih khlax.

1499. Mhaing: siyawng sawm: gaox rieh, mhaing: siyiex tieh raoma:.

1500. Mheun: khiiet yu: na, mheun: pa: yu: nam.

1501. Mhawm: ah lox Hawx daux rhiiem:, mhawm: ah lox Siiem: daux kih.

1502. Mhawm: pa: een:, teen: pa: sau:.

1503. Mhawm: pa: yaox, krox pa: ngiien.

1504. Mhawm: pruih khaing: tai mak cang, khaw: grang khaing: nang meung Hawx.

1505. Mhawm: tauh mhawm: keem:, mhawm: teem: mhawm: coi.

1506. Mhawm: tawm: taoh, laoh tam: caw.

1507. Mhawm: eei: kawn: shiang:, mhawm: liang kawn: mhaing:.

1508. Mhawm: kah praix, laux kah daux.

1509. Mhawm: kah daux, laux kah praix.

1510. Mhawm: hak brax kaux.

1511. Mhawm: lox khaw: sigah. [NB khaw: = jive]

1512. Mhawm: braux laux daux. -- ge: ak.

1513. Mhawm: jih tauk proing, mhawm: moing ih loeh.

1514. Mhawm: nyiex mai: prang:, grang pui mai: jhawm:.

1515. Mhawm: nyiex mai: prang:, grang yaong: mai: kuad.

1516. Mhawm: sap eux nawh mai: tai, mhawm: sai: nawh mai: eep.

1517. Mhawm: yaong: mai: simex, mhawm: nyiex mai: bun:.

1518. Mhawn: tang: krak, ma: khak raoh.

1519. Mhok cag ka: rag cux.

1520. Mhong: pu: sim: ang: mhong: pu: toeg, mhong: hoek pui ang: mhong: hoek tid.

1521. Mhong: tee: hoik mhong: kiex su: siiep, yaox tee: hoik yaox kiex thiiep juang.

1522. Mhong: kah kaux, yaox kah ngai:.

1523. Mhong: kah yhaok, ang: baox yaox kah ngai:.

1524. Mhong: lox yaox ngai:.

1525. Mhong: saux sawg sidah, yaox simah sawg kuad.

1526. Nhak pen: fa, nha: pen: lin:.

1527. Nham: kre: krak, sigrak kre: moi.

1528. Nham: naog ngai:, bai naog meeih.

1529. Nham: daux vaig, haik daux tam:.

1530. Ngheet khaix lai:, tai: khaix kiang.

1531. Ngheet yam ngie:, glie: yam iak.

1532. Nghe: piang nyiex, pliex piang yaong:.

1533. Nghe: bun: nun kaux.

1534. Nghiiet eux sigu tok maix taing, nghiiet eux sidaing: krai maix lox.

1535. Nghiiet lox mawh shiang:, thiang: lox maix khen:.

1536. Nghoe: ang: sax pruih kukak, rawm: ang: sax lak ku gawng.

1537. Nghox ting gawng:, jhawng: ting mu:.

1538. Nghox ting gawng:, sivawng ting tux.

1539. Nghox tix aong:, yaong: timu:.

1540. Nghox tix saing: ang: tauh kre: krao:, rheng: tikaux ang: ao: yuh min:.

1541. Nghox tix sok naog tix phliex, pui tix nyiex naog tix yaong:.

1542. Nghox kaux kriao: ang: shiao da:, pui lhiao: jheeih ang: tha: gau.

1543. Nghox kaux kriao:, pui lhiao: jheeih.

1544. Nghox kluah nghox ling:, nghox ting nghox iak.

1545. Nghox kawb kre: chee:, pui cee ang: leut.

1546. Nghox kuah daux Leen Seh, koi: keh daux Leen: Laong:. [NB: PNs]

1547. Nghox mhawm: kuah, muah mhawm: plaung.

1548. Nghox hoik tai, koi: hoik kaux.

1549. Nghox cawd khaing: po:, pui to: khaing: yaong:.

1550. Nghox lung nghox lid, nghox pid nghox paing.

1551. Nghox Meung Noi tawm: leun: ang: pha:, koi: Meung Khreng: ka: cha: ang: khon:. [NB: PNs]

1552. Nghox naog kreeb, eep naog krao:.

1553. Nghox naog sawng, sivawng naog nyiex.

1554. Nghox si ai:, plai: sive.

1555. Nghox sivuat khaing: bia:, ia: lhua: khaing: grau.

1556. Nghox viex toi:, koi: viex reeig.

1557. Nhim: lawk lig, big lawk maw:.

1558. Nhawt kah saux kawn: cix khriiem:, vien kah rhiiem: kawn: cix rhaw:.

1559. Nhawng: Plawx Ang: Krag, Nam Cak Nam Toi:. [PNs]

1560. Nhawng: Plawx coeh plai:, Man: Rai: teei kaing:.

1561. Nhawng: Meung Se:, ce Khuing: Ming:.

1562. Nhu: bi: mhaing: tix mawh nhu: ke:, ne: saux mhaing: tix mawh ne: mhang:.

1563. Nhu: bi: khin: tix mhaing: mawh nhu: pak, khao: tiek khin: tix mhaing: mawh khao: pawng.

1564. Nyhak ngai: bai meeih.

1565. Nyhak ngai: brai: maung.

1566. Nyhee: lhax gix, khix aing: moi.

1567. Nyhee: sibloe: mai: rawm:.

1568. Nyhot ang: cix goeh, coeh ang: cix laux.

1569. Haw: lih plih luan.

1570. Hawt pui tix tawm: yeung tak ta:, hawt pui tix yha: yeung kawn: plaw:.

1571. Hawt rhoi: taix, daw khaix caong.

1572. Hawt rhoi: khaix tax, hu: krax khaix keeing:.

1573. Hawt khaix law, daw khaix caong.

1574. Hawt grawng: lawng khaix.

1575. Hawh lih plih luan.

1576. Hoi: daux khang:, nang daux meung.

1577. Hoik tix glaing, paing tih yaw.

1578. Hoik koe: kih loe: khawn:, hoik koe: kawn: loe: kaux. [NB measures]

1579. Hoik caw krih, baox caw sivai.

1580. Hoik lawk sawm: ex eep koe: krat, hoik lawk it ex jhat koe: hung:.

1581. Hoik sidauh loe: simaox phaux.

1582. Hawng: tai: vai lip.

1583. Ho: tawk hak mai.

1584. Ho: fa lha: meung.

1585. Hot pak lak briex.

1586. Hot paw khi:, mi paw gaux.

1587. Hot tawm: singax caong bawng:, bleng: tawm: singawng: jhat it.

1588. Hot nyaux rawm:, sibhawm: ih taux.

1589. Hot nyiex kah saux, laux yaong: kah yum.

1590. Hot rieng,riieng,riang ngiex, briex rieng,riieng,riang ceem.

1591. Hok kah griex ang: saing:, mhaing: nyiex seh nyiex laong: ang: koe:.

1592. Hok nghox mai: paoxtix griex, ot nyiex mai: paoxtix lhang:.

1593. Hoe: tix ih daux mheem: luh, kuh tix ih kah lawk simie.

1594. Hoek plong: khawm: beeih, hoek geeih khawm: glawm:.

1595. Hoek pui sinum, kum: pui sibua.

1596. Hoek tang: tia: yam taing ex grhauk, hoek sigaux yam tok ex prum.

1597. Hoek tix kawm, ngawm tix koig.

1598. Hoek krak tix dig lawng, hoek pui tix prawng meung.

1599. Hoek ia: taing: grau, hoek mau teei bun:.

1600. Hoek ia: singaix taing: grau, hoek mau singaix teei bun:.

1601. Hoek khawm: mu:, cu khawm: kaux.

1602. Hoek diang klawng: paw kieh caux, hoek biang laux paw kieh grai:.

1603. Hoek diang klawng: tee: sang: nyaux, hoek biang laux tee: sang: ngawm.

1604. Hoek diang klawng: mug lhax, hoek diang krax phyawk moi.

1605. Hoek nyo bre tix tawx ih plai:, hoek jhai: bre tix tawx ih nex. [NB: jhai: prophet]

1606. Hoek sim: mox ngai:, hoek lai: mox jheeih.

1607. Hoek sua: pon viah rhang:, hoek klang: pon viah pruik.

1608. Hom: ku: maw: hom: pha:, hom: pha: maw: pa: kan:.

1609. Hom: pha: lai ma: hao:, tai: kam kao: phit kan:.

1610. Hon: pa: raux, khaux pa: yie.

1611. Hon: praix pui ang: tawng daux, khaux praix pui ang: tawng nhu:.

1612. Hon: kiiep daux simaox, khaox ot sinax rang:.

1613. Hong: kai: pai: cao.

1614. Hong: sam: phao:, ao: sam: pawg.

1615. Hawx paoxgrawm, Siiem: paoxmeed.

1616. Hawx ting giien:, Miien vieh yhaok.

1617. Hawx cai: tawng, vawng cai: ce:.

1618. Hawx ot veei priiem, Siiem: ot veei kaung:.

1619. Rhauk gawng lua kah lhiex deeih gaih, jieh nyiex yaong: kah lox pui chaox. [NB]

1620. Rham: plong: kah lhiex, jieh nyiex kah bhaung:.

1621. Rham: caong braux, laux num: sub.

1622. Rham: mai: jhat, krat mai: prux.

1623. Rham: braux kah greeing taw tiex, laux nyiex kah lhiex siah mu:.

1624. Rham: braux mai: lhiex, laux nyiex mai: bhaung:.

1625. Rham: rong: daux tiex, riex pui daux kaing.

1626. Rham: siox, caox nyiex ot.

1627. Rham: yuh braux, laux yuh nyiex.

1628. Rhang: paing mhawm: tix kiied kih, kaing: yih mhawm: tix pih yaong:.

1629. Rhang: kiien: cix viag, dak awn: ang: cix laux.

1630. Rhang: kieb ang: nyang grum, khix num ang: nyang hoek.

1631. Rhang: khri: ngi lied.

1632. Rheep maix rawm: lhax khaox, yaox maix miang pui yum.

1633. Rheep rawm: lhaik kah nax, khax cex o: kah nyawm.

1634. Rheeng: pang: lang: koe:.

1635. Rhiiem: ang: cix kawm:, rawm: ang: cix it.

1636. Rhit tix ngoi, moi tix kawg.

1637. Rhit cia lih plak jee, klong: plai: nyee kah jheeih.

1638. Rhim: ang: pex, riex ang: pon.

1639. Rhim: maix sinax cub, rub maix sinax phung:.

1640. Rhoi: taix khaix caong.

1641. Rhoi: deuh tax, krax prah keeing:.

1642. Rhoi: hu: tax, krax hu: keeing:.

1643. Rhawm: tau mau greem.

1644. Rhawm: rhi: simau.

1645. Rhawm: biong ang: cix vai, rawm: ngai: ang: cix that.

1646. Rhawm: dex nex tau.

1647. Rhuat koi: kieh koe: rhoi:, groi nghox kieh koe: num:.

1648. Rhuat kawn: ia: kaoh koi:, ploi: kawn: moi sawm: glauh.

1649. Rhuat nghox peng toi: tieh, sau: moeg grieh ngawg nyiex.

1650. Rhuat simie nghox khrum:, nyum: sigah ang: ih.

1651. Hu: paoxtix ih khix, bix paoxtix ih ma:.

1652. Hu: plak laong: teug kah vie, hu: plak seh die kah guh.

1653. Hu: plak veue ang: lai: gi, simi plak khaix ang: lai: deeih.

1654. Hu: tix ih krax, diex tix ih tu.

1655. Hu: tix ih laih, paih tix ih kaung:.

1656. Hu: tix ih rawm:, klawm: tix taung: khix.

1657. Hu: ex krax nghiiet braing, yuh ex naing gaig ia:.

1658. Hu: ex ma:, guah pui mee:; yuh ex kaung:, nyee pui lawg.

1659. Hu: ka: da: khaix.

1660. Hu: kah praix mawh miex, hoek kah nyiex mawh mhaing:.

1661. Hu: krax ang: lai: teeing caong, maong ma: ang: lai: kuih ngai:.

1662. Hu: krax paw kieh tuih caong, maong ma: paw kieh kuih ngai:.

1663. Hu: krax pon tix ih kaing:, hu: naing pon tix ih simex.

1664. Hu: krax pon mhaing:, hu: naing pon simex.

1665. Hu: krax ting, ing: krax sidawng:.

1666. Hu: krax koe: blawng, lawng klawng: koe: khaix.

1667. Hu: khaing: yaong: ot, pluat khaing: ngot ngawm.

1668. Hu: khix paw cah pha:, hu: ma: paw sa: juang.

1669. Hu: khix hak paox simex, vawg nghox bix paox bun:.

1670. Hu: lawng pawng: tang.

1671. Hu: ma: cao baih, laig laih cao ing:.

1672. Hu: ma: meung: sawg six, hu: khix meung: sawg bruing. [NB meung: specially]

1673. Hu: ma: giang: lawk, laig laih kawg bau:.

1674. Hu: ma: gha: kaing.

1675. Hu: mai: pui klawm: kih, lih mai: pui yuh lai.

1676. Hu: mai: ting: sang: thiao:, hu: mai: shiao: sang: grhaoh.

1677. Hu: mai: vhaik, hoek mai: sawm:. [NB mai: as conj 'when' (and ff.)]

1678. Hu: mai: vhaik riien tix kah rhauk, haok kah khaox riien tix kah rau.

1679. Hu: mai: lox caox, ing: mai: khaox kiien.

1680. Hu: mai: rawm: huan:,hwan:, luan mai: rawm: ting.

1681. Hu: mai: Siiem: loe: nyiex, hu: mai: SiViex loe: yaong:.

1682. Hu: meung: Hawx dee ting, ing: meung Siiem: dee laoh.

1683. Hu: bix vhi: mawng.

1684. Hu: daux plaik, laig daux kwan.

1685. Hu: daux tiag singeh, veh daux nhik sidawng:.

1686. Hu: dee mawx hu: tau, krau dee mawx krau phung:.

1687. Hu: ngawb jhawp bo.

1688. Hu: nyiex seh, veh nyiex laong:.

1689. Hu: rawm: klawm: khix.

1690. Hu: yaong: seh, veh yaong: laong:.

1691. Hu: yaox pa: pi, gi yaox pa: prah.

1692. Hu yeung meeik, beeik yeung greeing.

1693. Hun: pui lhee: lox, hun: sox lhee: diiep.

1694. Hun: pui hoek mai: nghox, sighox pui ot mai: krao:.

1695. Hun: pui grhaoh, haoh pui ngeei:.

1696. Hun: kawn: sieh, prieh kawn: shiang:.

1697. Hun: nghox sip, cib rhawm: sawn:.

1698. Vhak paoxtix yaox ciem klai:, vai paoxtix yaox ngai: mhawm:.

1699. Vhak vhia: pen: khix, sirix pen: num.

1700. Vhak caong tix kah khaox glhu:, du rhawm: tix kah krawx yaong:.

1701. Vhak lox mox jhawm:.

1702. Vhak bau: prau: niex.

1703. Vhak sivu, cu sigah.

1704. Vhaik praix song: dang:, rieng,riieng,riang praix tawx kaoh.

1705. Vhaik praix song: veng, yuh kaing jim: rhawm:.

1706. Vheuk ex bau: tix kah pang: gu, du ex rhawm: tix kah paox ke:.

1707. Vheuk eux bau: tix mai: rao: rhax, bax eux nyiex tix mai: sao: nang.

1708. Vheuk bau: prau: vaig.

1709. Vhit vaig sang: sawm:, cairhawm: sang: priex.

1710. Vhit vaig nyaig nyoi.

1711. Vhua: keei: mai: bring, thawk phing: mai: li.

1712. Vhua: bring dee tauh dee keem:, siiep lox dee heem: dee khoek.

1713. Yhot lih Kaung: Saung:, laung: hu: Kaung: Miex.

1714. Ia: paing bee:, lig jeeh loeh.

1715. Ia: pon toi:, moi pon sang:.

1716. Ia: praix hoek tix ciah ia: yaong:.

1717. Ia: tix glawm:, tawm: tix grau.

1718. Ia: tot tawm: mawh ia: miang, sox kiied cao: mawh sox vaw.

1719. Ia: tot tawm:, sox pawm cao:.

1720. Ia: ka: tawt kao: gum, mawh tawm: timu: ngie.

1721. Ia: mhawm: tax, lhax mhawm: rao.

1722. Ia: mhawm: tawm: paing.

1723. Ia: mhawm: ux, sox mhawm: leue.

1724. Ia: lang: sinoh, ia: proh sigoe.

1725. Ia: lung uik tix yieh, ia: ngieh uik tix graoh.

1726. Ia: meung Hawx pa: rieh caong rang:, sang: meung Man: pa: tang: lhang: yiien:.

1727. Ia: nguah teei:, pui plud miex.

1728. Ia: jih ngai: klang:, mau tang: ngai: kuad.

1729. Ia: num mai: lhiex, miex sim: viex kug.

1730. Ia: simex koe: dang:, ia: shiang: koe: kaug.

1731. Ia: shiang: maong kaug, kawn: saik kraix mheem:.

1732. Ia: sim: lig sox.

1733. Ia: thong: kawn: tix rieh, prieh thong: kawn: tix keeih.

1734. Ia: ux kah prang:, klang: haok kah ma:.

1735. Ia: ux kah prang:, miang yum kah tiag.

1736. Iiep taing: rheng: dia:.

1737. Iiep kiex teng:, rheng: kiex dia:.

1738. Iiep sang: taing:, rheng: sang: cie.

1739. Iiep sub lai: nawp, jhawm: kap lai: taw:.

1740. Iiep sub lai: nyee, nex mee: lai: tawx.

1741. Iak lawk pliiet, kriiet lawk luh.

1742. Iak nyiex sigiex kaux.

1743. It ang: tawng tix haing:, gaing: ang: tawng tix kaoh.

1744. It ang: nyawm, sawm: ang: laig.

1745. It tau tix prux, rux tau tix jhat.

1746. It tau bang: kum:, yum tau bang: naing.

1747. It kah ku:, hu: daux cheu:.

1748. It mai: paox nyawm, sawm: mai: paox muih.

1749. It dee nyawm, sawm: dee: nyoeg.

1750. It yamin: hoik koe: ku:, hu: yamin: hoik koe: cheu:.

1751. Ih ang: dieh, cieh ang: uik.

1752. Ih plak nie, cie plak lhee:.

1753. Ih priex piang ngu hax dao, vao lox daux laih gleed kaing:.

1754. Ih priex cieb Man: Yang:, ih priex cang: nyiex pui.

1755. Ih priex siu: mai: miex, ih priex sigiex mai: keeing:.

1756. Ih pui ceem mai: cux, thux pui sub mai: klieh.

1757. Ih pui gawng, prawng pui nguah.

1758. Ih eeppid mai: vaw, ih eep naw mai: van:.

1759. Ih eeppid mai: vaw, ih eep naw mai: yum.

1760. Ih eep ciang kah coi, rheep taux roi kah klong:.

1761. Ih ex cang: cod khaing: ot giex.

1762. Ih ex siag raux khaing: siag rung.

1763. Ih ex siag rung khaing: siag raux.

1764. Ih kah kaing:, aing: kah paw:.

1765. Ih kah kaing:, aing: kah kre:.

1766. Ih kih kah nguah ke:, ih ble kah nguah sub.

1767. Ih kih rao lai, ih plai: rao jheeih.

1768. Ih kix moi muk sinax paoxtix?

1769. Ih klong: preeih mai: Man, ih priex khan: mai: Hawx.

1770. Ih kraung caing kah luat, ih priex suat kah thu:.

1771. Ih nghox rhat, khat nyiex sia:.

1772. Ih nghox mawt, yawt plai: prim:.

1773. Ih im: rhim: lhax.

1774. Ih lawk tuh kah tawng, yuh bawng: haok kah khri:.

1775. Ih moik koek hax dao, vao sioh nham: dong:.

1776. Ih dua: tip khaing: kip nawng.

1777. Ih nex tang: taux, nyaux plai: tang: rawm:.

1778. Ih nex tix phoi:, noi: lig timu:.

1779. Ih nex iem:, piem: nex saox.

1780. Ih rung: prang: khaing: tiang mee:.

1781. Ih sibex kah hak lai:, ih dai: kah lhax tux.

1782. Ih sibex koe: hau:, kawg bau: koe: dob.

1783. Ih vaig ak kah paoxtix.

1784. Im: nghox ang: lai: koe: daux gaox, lox caox ang: lai: koe: daux nyiex.

1785. In: an: ang: keud tix krai, nin: nan: ang: mhai: tix cix.

1786. Ing: kah nyiex singao, hoek kah krao: sioh.

1787. Ing: lawk meeik kawng bia:, ing: lawk hia: daux khaox.

1788. Ing: awm: kawn: awng:, sinyawng: awm: kawn: coih.

1789. Ca: ang: ah kah kuad, kuad ang: ah kah lam.

1790. Cap khaing: meu pai:, phai: khaing: meu nad.

1791. Cap ngu mai: nyhee:, lhee: lox mai: plai:.

1792. Cap sim: piang rao ox, raoh sox piang yaong: yiien:.

1793. Cad pu: cu po.

1794. Cau kax grai:, cau rai dud.

1795. Cau kawn: nyawm tee: hu:, tiex daux tu riien saux.

1796. Cau: ing: khing: peeng.

1797. Cau caong cau dot, ot nyiex ram priex.

1798. Caux caong khlax kah rawm:, kawm: taix sibex kah glaox.

1799. Caux un: khun: Siiem:.

1800. Cak sawm: iien:, liien: cax praix.

1801. Cah teei: geei: niex.

1802. Cah kawb kaux cah klang: pui ma:, dai: tie kre: dai: cang: kah pui.

1803. Cah hak sivai, dai: hak siuing:.

1804. Cah lhax lai:, dai: lhax kuax.

1805. Cah caing pui mai: pat tix man:, kaing jhaw: pui mai: an: tix lai.

1806. Cah cawng: man: ang: caux, ot braux haw: ang: rham:.

1807. Cah lawk teei:, geei: lawk niex.

1808. Cah lawk kaing:, gaing: sawm: ngawb.

1809. Cah mai: paoxtix niex plang:, bang: mai: paoxtix daux laih.

1810. Cah dai: ai: nyi.

1811. Cai cawt awt phawn:.

1812. Caik pui cao: tix ang: saux.

1813. Caik tix ih rao loi:, boi: tix ih rao yhon:.

1814. Caik maix yaox pi:, jhi: maix yaox lhax.

1815. Caing paoxtix ih cah, ah paoxtix ih lox.

1816. Caing: paw kieh blak, lhak paw kieh blao.

1817. Caing tix ih kiiep, khiiep tix ih dai:.

1818. Caing lhax lhak, blak lox krai.

1819. Caing hawm: niex tix mai: sigao:, sau: rhawm: vao tix mai: kong: chang:.

1820. Caing lox tax kah bau:, sau: lox yiex daux rhawm:.

1821. Caing bau: viex tix mai: sigao:, sau: rhawm: vao tix mai: kong: chang:.

1822. Caing nawh tau, pau nawh mawh.

1823. Caing nawh lawk chee:, sihee: nawh lawk meeik.

1824. Caing ri: vhak, blak lox krai.

1825. Caing sipid, rid sibeng.

1826. Cang lhek Nya Sai:, cangmai Ta: Li:.

1827. Cang khao: na, an: nya khao: van:.

1828. Cao: pak sawm: pi:, caomi sawm: kaung:.

1829. Cao: po: han: lhong:.

1830. Cao: pon sax, lhax sigaox.

1831. Cao: kuih saih, cao: paih rawm:.

1832. Cao: kuih sawm: shiang:, cao: liang sawm: moeg.

1833. Cao hu: lha: ing:.

1834. Cao hu: ma:, lha: ing: nyiex.

1835. Cao it lha: kaoh.

1836. Caocau mausoi:.

1837. Cao: khix ra: ra:, cao: ma: loe: loe:.

1838. Cao: mee sit giien:, cao: kuih miien: cex.

1839. Cao: gix pliah, cao: briah vaig.

1840. Cao na vai ti lug, puk mai vai ti lhan:.

1841. Cao: rid ji: law:, cao: kaw: meung.

1842. Cao: saik rhang: maw:, cao: kaw: kaing: lox.

1843. Cao: saik rhang: maw:, cao: kaw: rhawm: muih.

1844. Cao: seeng: khun: meung.

1845. Cao: yah gie, cao: giex kaing:.

1846. Caong ia: kieh koe: pon jhaok, yhaok lig kieh koe: pon bia:,

1847. Caong awm: caong sang:, rhang: awm: rhang: brung. -- muah.

1848. Caong sibeem, yeem sidaing:.

1849. Caong sim: pa: krawx, klix Hawx pa: lai:.

1850. Caox ang: mhong:, song: ang: yaox.

1851. Caoxrhawm: jhawm: yiem.

1852. Caox caig saik song:.

1853. Caox jheeih sioe: moing.

1854. Cax tix mawh lao: pang:, grhang: tix mawh Lao: Li:. [NB]

1855. Cax lox ang: cax bwan:.

1856. Cax diang tiang kaing:.

1857. Cax rawm: heem:, ceep rawm: nyaux.

1858. Ceu: cau: nam maw: ceu: cau: pa:, ceu: cau: na maw: ceu: cau: khao:.

1859. Cee: daux rong:, song: siviex nyiex.

1860. Cee: nawh laig daux rong:, long nawh laig daux tiex.

1861. Ceep pre Hawx pa: awn:, sawn: lai Raog pa: yie:.

1862. Ceep tix ih kraung klai, thai: tix ih kraung lung.

1863. Ceep rhi: ih yie.

1864. Ceep man: Hawx jiiet awn:, sawn: lai Raog jiiet yie.

1865. Ceep nawh ih dai:, vai: nawh ih cah.

1866. Ceet paoxtix kah rawm: ten:, lhen: paoxtix kah sigah.

1867. Ceet paoxtix ih nam rag, dang: paoxtix ih plai: ceet.

1868. Ceed paoxtix ih rawm: ten:, lhen: paoxtix kah rawm: im:.

1869. Ceed pui um: ex hu: ciag kaung:, kum: pui naing ex hu: vaing ma:.

1870. Ceet taux tawng nguah kih, bih khlax tawng nguah keei:.

1871. Ceet rawm: nong:, song: haktiex.

1872. Ceed um: kum: lox.

1873. Ceemtiex koe: ku sigrawk, priex nyawm koe: ku bawg yam.

1874. Ceemtiex diag pa: ngaig yuh nghaong:, siniag vawng: pa: pawng yuh vaig.

1875. Ceem cao tai, lai cao tax.

1876. Ceuk sao: va koi: mi tix rawng:, kam siien: sawng koi: pen: khaw: leung:. [NB Thai: numbers and measures]

1877. Ceh mai: gam:, rham: mai: prux.

1878. Ceh mai: gam:, rham: mai: tiex.

1879. Ceh rawm: plai:, lai: rhawm: sawn:.

1880. Ceh yuh nin: gaox lai:, lai: yuh nin: rhawm: biong.

1881. Ci liang tiang pawng:.

1882. Ci nawh yaox, nghaox nawh tawng.

1883. Ci awn: sawn: nhie:.

1884. Ci: raix cix ceung:, sang: seung cix lai.

1885. Ci vo va seu:, ci nheu: va tau.

1886. Ci yaox nghaox mhong:.

1887. Cia plai: niex, yuh priex nha:.

1888. Ciiep kawn: keed siveng groe, yiem kawndoe: siveng nyiex.

1889. Ciiep kawn: keed yoeh maw:, yiem kawn: law yoeh nong:.

1890. Ciied nam lin: kaw: maw: ma:, ciied nam pha: kaw: maw: awk.

1891. Ciiet ghok blok cao:.

1892. Ciied rieng,riieng,riang ca, sa: riieng di:.

1893. Ciiet singie prie lak.

1894. Ciak kah giien:, ngiien kah ngai:.

1895. Ciak daux ding:, siving: daux braux.

1896. Ciag nawh ku bing: proe, krai nawh ku biang kum:.

1897. Cib rhawm: ce:, ple: rham: sawn:.

1898. Cieb tix sawm: vhang:, jiang tix sawm: praix.

1899. Cieb tix sawm: vhang:, grhang: tix sawm: meung.

1900. Cieh pui blux kah ciem grawd nyoi, ploi: pui mau kah soi: rob juang.

1901. Cieh tix mox, sidox tix een:.

1902. Cih rhang: ang: moing.

1903. Ciem grawd nyoi, rhoi: tag taix.

1904. Ciem grawd nyoi, rhoi: cawng: cah.

1905. Ciem grawd nyoi, soi: vien taix.

1906. Cin: pa: yao khao:, cin: lao: yao ngeun.

1907. Cin: tang: cab, ap tang: cu.

1908. Cin: lhai: pie: tawng, hawng: lhai: pie: sing:.

1909. Cin: khao: maw: mi phak, khao: kat maw: mi ngeun.

1910. Cin: khao: mawh tix iiep, kiiep neu mawh tix thu:.

1911. Cin: khao: yeung pet, het kan: yeung hoi:.

1912. Cix pih ang: cix pai:, cix krai ang: cix pawt.

1913. Cix pih ang: cix pai:, cix krai ang: cix lao.

1914. Cix kin rawm: duang tiex klox, cix thox singiien nyaux nyo.

1915. Cix kuaik rib tang:, cix jiang: rib sok.

1916. Cix kuaih kuih ngai: pui, ang: cix teei kuih ngai: cao:.

1917. Cix ih ang: cix yaox, pon viex ang: pon phyawk.

1918. Cix ceep mhok kawn: yaw, cix haok saw singaix.

1919. Cix cox pui caox, ang: pui cix blaox mhawm:.

1920. Cix cox pui si ang: ia: caox, ang: pui cix cox siyaox niex. [NB oracle]

1921. Cix cox ex nah, ang: ex cix thah lung.

1922. Cix khax ex nghe:, ang: ex pon te: yha:.

1923. Cix khio: ang: cix thiang:, cu ciang ang: cu yoi.

1924. Cix lox tauk proing, cix moing ih plai:.

1925. Cix lud ia: dang:, ang: lox tax cix lud glhawk.

1926. Cix dia: ex tix brug brung, ang: ex cix greem tix koe: moeng.

1927. Cix soh tiag praox kah moe:, cix toe: keei: prux kah luat.

1928. Cix sut mu: vhang: piang tiex, cix giex rawm: lhiex mai: ma:.

1929. Cix yaog ex ngawh khaox kaoh, ang: ex cix vaoh pa: yum cung.

1930. Cix yaox klang: cie: lhaong: jhi:, cix yaox fe: ci: tiiem tum.

1931. Cix yuh pui yang: yit tauh koi:, cix ploi: pui cag cheu: yuh kaing.

1932. Caw pa: yie, cie pa: haoh.

1933. Caw kaing teem: paox, yaox priex ih tau.

1934. Caw mau rung: krak, caw mau dak naing.

1935. Caw bawg pot caong tam:, caw bawg rham: caong sub.

1936. Cawk eux duang tix ang: koe: kax, chawk eux miex tix ang: koe: sub.

1937. Cawk kin: pu:, vai: hu: ngam lang: kao:.

1938. Cawk mawk ta:, kliem pha: yi:.

1939. Cawk sinax kaug, laug sinax dang:.

1940. Cawh kiang siviang ia:. [NB oracle]

1941. Coi hawng: tawng: thiiem:.

1942. Coi nam mug, sug nam ta:.

1943. Co: na vai ti lug, puk mai vai ti lhan:.

1944. Co ngu meet, bleet nex im:.

1945. Cod rawm: ngai:, cai: rawm: meeih.

1946. Cod rawm: niex piang bawng:, nhawng: rawm: ngai: ku: it.

1947. Coeh tai lai moi.

1948. Coeh tix cai:, lai tix sawm:.

1949. Coeh cao: ang: pon, con pui ang: cix.

1950. Coeh vaik khawm: sidux, coeh pux khawm: sibug.

1951. Com vhien: ien: ka:.

1952. Cox pa: laux, paw: blaox pa: mhawm:.

1953. Cox pui pa: laux, ang: pui plaux pa: mhawm:.

1954. Cox graih khaix rau kawn:.

1955. Cu ex caux proh khaing: sioh khix.

1956. Cu ex si ang: ia: caox khaing: siyaox niex. [NB oracle]

1957. Cu kawn: awn: pon.

1958. Cu krah khaing: kraing:, cu mhaing: khaing: briex.

1959. Cu ia: lud dang:, ang: cu pui thiang: kawn:.

1960. Cuci: lawk saik, cu: caik lawk le.

1961. Cuci: am: phung: le, cu: ce: am: phung: saik.

1962. Cu: cik hak ma:, cu: ca: haktiex.

1963. Cu cieh lai: luan.

1964. Cu man: pan: yao.

1965. Cu gap lhox khaing: lai: loh.

1966. Cu grux khaing: lai: loh.

1967. Cu: yi: phi: nya.

1968. Cuang tawm: tai nge: khix, ngawm tawm: plix nge: ngu.

1969. Cuang kah num:, kum: kah veei.

1970. Cuang kah num: khaox hawt klawng:, ot kah veei cawng: hawt nyiex.

1971. Cuang kah rieh, nieh kah kaing.

1972. Cuang kah rieh, nieh kah koek.

1973. Cuang lu: lhieh, tieh lung: lhiang:.

1974. Cuang mai: Pa: Lex, dex mai: Siiem: Ngim. [NB PN]

1975. Cuang mai: pot khaox kum:, ot mai: khrum: rawm: ngai:.

1976. Cuang mai: kawng bia:, dia: mai: na kaung:.

1977. Cuang veei deem: dawx, ot yaong: krawx kon.

1978. Cuang veei niex ang: awm: veei teei:, ot mai: pui ang: awm: ot mai: maix.

1979. Cup kaing: tix kah singiien, riien ngawg tix kah SiViex.

1980. Cup kaing: maix kah caw, lhaw: kaing: maix kah krawg. [NB]

1981. Cut greem: phai:, grai: khaing: meung.

1982. Cud um: cum naing.

1983. Cum nawng: prawng tux.

1984. Cun: paoxtix kah nam: meug, ceug paoxtix kah nam san:. [NB tattooing]

1985. Cun: tawm: loek, hoek tawm: rhawm:.

1986. Cun: kah ox praok pang:, hoek kah nang tang: nyiex.

1987. Cun: nawh kah sibeet kawk, vawg nawh kah sivawg rhiiem:.

1988. Cun: sivawng dud riah, tiah rhawm: muih tang: hu:.

1989. Cung piang sang:, tiang piang praix.

1990. Cung tau singit, it tau sidu.

1991. Cung tix jhak, blak tix ngiien.

1992. Kha: tang: cao:, mao tang: khun:.

1993. Kha: kah mawh tix cao:, mao kah mawh tix pui.

1994. Kha: kah mawh tix cao:, vao kah mawh tix kun:.

1995. Kha: rhiiem: kha: lied, yuh nad yuh kawng:.

1996. Kha: man: kon meung.

1997. Khak sau: sawn: lai: cin: pa:, khak het na lai: cin: khao:.

1998. Khaix pui khaix jawng, grawng: pui grawng: simeeig.

1999. Khaix tauh kawn: keem, khaix teem kawn: ngheet.

2000. Khaix koe: kah nawng, grawng: koe: kah tiex.

2001. Khaix vawg kawn: pauh, khaix tauh kawn: keem.

2002. Kham: mai: pa: laux, gaux mai: pa: mhawm:.

2003. Kham: sau: nhau: khun:.

2004. Khao: puk ciiet cawng:, khao: pawng ciiet khliep. [NB Sai: Mhak Budd., PN]

2005. Khao: puk vawng:, khao: pawng nhiao:.

2006. Khao: kat pad sa.

2007. Khao: kaw: hu:, tu: kaw: vak.

2008. Khao: lha: pen: nya ma, lug lha: pen: kha: peun:.

2009. Khao: lheung: feung: sawng:.

2010. Khao: hawng: thawng: can.

2011. Khao: lang: phak kat.

2012. Khao: nam ngam fai

2013. Khaox ang: kawk khaox mhawm: krong: chix, pui rauh rhawm: pui cix tix cau.

2014. Khaox ang: kawk khaox mhawm: krong: chix, mawk ang: jhauk mawk cix yuh naing.

2015. Khaox ang: huan:,hwan:, bwan: ang: hoek.

2016. Khaox ang: lai: awm:, sibhawm: ang: lai: yaox.

2017. Khaox ang: nyawm tix gix ku gawng:, pui ang: cix tix cau kukaux.

2018. Khaox peu tix muih tai, rai peu tix muih vawng.

2019. Khaox pon: pak, cag khrawm: lox.

2020. Khaox praix pui ang: eux sax yaox gawng:, vawng praix pui ang: eux sax tawng lox.

2021. Khaox praix pui paw kid tix klawm:, rawm: praix pui paw dawm: tix nyaux.

2022. Khaox tang: koe: kak, ak tang: koe: te.

2023. Khaox tang: koe: kak, lhak tang: koe: jhawm:.

2024. Khaox tee: koe: kak, ak tee: koe: te.

2025. Khaox teei tawm: daux nong:, plong: teei tawm: daux tiag.

2026. Khaox teei khaing: Sap Lhong:, plong: teei khaing: SiBlaung.

2027. Khaox toe: taix, raix toe: ju.

2028. Khaox tum: toeg, nyiex hoek nyo.

2029. Khaox tum: kha: cak, pak luah kuang: paw:.

2030. Khaox ex khawm: gawng, klawng: ex khawm: taoh.

2031. Khaox kat pui kre:, ne: tie pui daok.

2032. Khaox kah gawng, nawng kah rieh.

2033. Khaox kiien teem: paoxtix grawng:, nawng ting teem: paoxtix gaih.

2034. Khaox kiien kaing nu.

2035. Khaox kiien gaw paoxtix klawm:, priex nyawm kog paoxtix ih.

2036. Khaox kid pui paw klawm:, rawm: dawm pui paw nyaux.

2037. Khaox kid cao: tix klawm:, rhawm: cuh cao: tix ih.

2038. Khaox kawk tawk kaing: cao:.

2039. Khaox kawk ing: hia:, nyiex phia: hoek pui.

2040. Khaox koe: kak, lhax koe: rao.

2041. Khaox koe: kak, cak koe: rung:.

2042. Khaox koe: mawh khaox pot, ngot koe: mawh ngot blhawt.

2043. Khaox koe: num:, rawm: koe: taoh.

2044. Khaox koe: veei, pui koe: sin:.

2045. Khaox koe: yeei sang: kid tix klawm:, meei koe: rawm: sang: dawm: tix nyaux.

2046. Khaox koe: yeei sang: kid tix klawm:, bun: mhawm: grang sang: grhawm: tix cie.

2047. Khaox koe: yeem, grim caomi.

2048. Khaox kraux Kaung: Tum, klawng: mu Van: Pha:.

2049. Khaox kraux mhawm: po:, khaox rho: mhawm: grix.

2050. Khaox kuah tih vawng:, nawng kuah tih awp.

2051. Khaox hat sihoe:, kawndoe: sithek.

2052. Khaox mhai: moe: cao pot, pui dawdrhawm: cao yum.

2053. Khaox mhawm: tix gix, pui cix tix peeng.

2054. Khaox mhawm: veei:, pui mhawm: kaux.

2055. Khaox mhawm: neung yeem, ceem mhawm: neung tai.

2056. Khaox khrawm: tuah tawm: nong: Ang: Yeei, sui: nyix teei tawm: tong Kaung: Saung:.

2057. Khaox laong: krax, rhax hawt lawng.

2058. Khaox mai: khrie:, prie: mai: paox.

2059. Khaoxgix mawh siuing: klai, brung brug mawh sivai preeih.

2060. Khaoxgix jung kah brawk, khao: puk sijhawk mai: khu:.

2061. Khaox glaoh khaix moe:, kawndoe: khaix keeing:.

2062. Khaox grawng: mau greem.

2063. Khaox mawh khaox khun: lhong:, plong: mawh plong: simiang.

2064. Khaox ban: keed.

2065. Khaox ban: keed ra: loe: ban: keed, khun: meed nang ra: loe: meed nang.

2066. Khaox bi: klawng:, nawng bi: krax.

2067. Khaox buat rawm: ciex, sox liex nyiex pui.

2068. Khaox ngawk ngaw: khaox ngawm kang: koi, nyoi laux nang nyoi kawm khun: Siiem:.

2069. Khaox ngawm dia:, phia: ngawm tau.

2070. Khaox jih rhang: koe: ox khawm: pang:, mau riang kuad koe: sang: khawm: kawg.

2071. Khaox jhan: kah nuk, bun: sug kah kaing.

2072. Khaox nyiex rong: krao:.

2073. Khaox nyawm tix gix, pui cix tix shiao.

2074. Khaox ot ngot ngawm.

2075. Khaox raix du pang:, rang: ting du praix.

2076. Khaox raix Yaong: Peng, daux veng Pang: Pat.

2077. Khaox ruah lai:, plong: mhai: meeik.

2078. Khaox sang: klawm:, rawm: sang: nyaux.

2079. Khaox sidu klawm:, rhawm: sidu muih.

2080. Khaox sidu huan:,hwan:, bwan: sidu hoek.

2081. Khaox sidu glawm:, khrawm: sidu jhoi:.

2082. Khaox sidu num:, khrawm: sidu rao.

2083. Khaox yiem kat reei, khaox muih tung: tux.

2084. Khax moeng aing: kawn:.

2085. Khax daog seh kah nghe:, te: daog laong: kah yha:.

2086. Kheu: Kai: Man: Yang:, Bang: Nghox Man: Leng.

2087. Kheem: paoxtix kah nyhee:, vhee: paoxtix kah praox.

2088. Kheem: kah nyhee:, veei kah praox.

2089. Khee: nyhau: mhau: song:.

2090. Kheen: khun: kheen: nai: cang, kheen: nang kheen: nai: seuk.

2091. Kheen: va: pa hiang:.

2092. Kheue: thuk dai:, pai thuk ma.

2093. Khi: khan: nix sop khan:, khak mhan: nix sop man.

2094. Khi: ma: ca: khaw:.

2095. Khi: ok tok cau:.

2096. Khiiet ku gawng cho:, yo ku gawng lhaong:.

2097. Khiien: su: saix, praix jhawm: prawng.

2098. Khiien: su: saix, praix sidah.

2099. Khit gawng prawng see:.

2100. Khie: sam: heun: pen: van:, man sam: van: pen: meung.

2101. Khik nex ia:, jhia: nex lig.

2102. Khin: gra ya rhawm:.

2103. Khin: ra: om: khin: iiet iiet, nghiiet tao: li: nghiiet mhawmmhawm:.

2104. Khing: ma kha: theung:.

2105. Khing: ma kha: theung:.

2106. Khiong: kah pa: riien:, kiien kah pa: nieh.

2107. Khix pi: hoek lai: mawx keem: pang:, num lang: hoek lai: mawx keem: luan.

2108. Khix pi: yi: aw: yi: tawng:.

2109. Khix pruih sidaing:, khix vhaing: cao: bwan:.

2110. Khix tix nge: ang: kub pui co, sub tix to: ang: kub pui yawt.

2111. Khix tix nge: ang: lok yuh mo:, po: tikaux ang: pex yuh naing.

2112. Khix tix nge: ang: lok yuh aw:, pui tikaux ang: hu: kaing yuh.

2113. Khix tix nge: ang: sin: yuh priex, nyiex tix lhang: ang: cix mawh yaong:.

2114. Khix toh singaix lih.

2115. Khix leun: kam khix jauh nham: ia:, khix leun: sam: khix cia nham: lig. [NB - calendar]

2116. Khix mawh nawh pa: klawm:, rawm: mawh nawh pa: hu:.

2117. Khix awk gawng:, khix prawng blawm:.

2118. Khix phru: ngu thiiet.

2119. Khix sidaix, priex sidim:.

2120. Khix siduah cix proe yuh kraung, nang caox maung cix daik yuh nyiex.

2121. Khix siu:, ngu sioh.

2122. Khix viex eux mawh khix pleei:, moe: viex eux mawh moe: raog.

2123. Khlax ang: yaox tix thai:, dai: ang: yaox tix loh.

2124. Khlax piem pex, sibex piem moi.

2125. Khlax thai: dai: loh.

2126. Khlak caong moi, rhoi: dig krak.

2127. Khlu: khlaik ia: khaing: dang:, ang: tau rang khaing: kaug.

2128. Khlut khaing: gruan,grwan, luan khaing: nyiex.

2129. Khaw: kieh kawn: sua: hu: jiang, khaw: kieh kawn: klang: hu: chawk.

2130. Khaw: lox tawm:, mhawm: lox krai.

2131. Khawm: tao: khawm: meue:, khawm: kheue: khawm: nawng:.

2132. Khawm: riah khawm: rao, khawm: taoh khawm: caw.

2133. Khawng: eei: brie liang.

2134. Khawng: ku: maw: cang hai:, khawng: pan: dai: maw: cee:.

2135. Khawng: Miien tang:, sang: Man don:.

2136. Khawng: phak lag sawn.

2137. Khop pi: khuai: leun:.

2138. Khop pi: sivi num.

2139. Khot rawm: maw:, kaw: haktiex.

2140. Khot rawng mawng phai:.

2141. Khoek paoxtix kah rawm: siu:, ngu: paoxtix kah plai: sikiied.

2142. Khoek taix caong tix blang:, lang jheeih jhai: tix nyu:.

2143. Khoek tawm: plang:, lang: tawm: paing.

2144. Khawx ang: pui chun:, bun: ang: pui ih.

2145. Khawx ang: chun:, bun: ang: cheung:.

2146. Khawx tix saing: ra: loe: tom plai:, lai tix phuk ra: loe: nyiex khu:.

2147. Khraing: tawm: ang: shiao hok, sok tawm: ang: shiao boe:.

2148. Khreeing: pui kah nyhak ngai:, brai: pui kah nyha: meeih.

2149. Khre: pui gaox tauh gaox keem:, khre: pui plai: teem: plai: coi.

2150. Khre: tai tie tix lawm:, khre: sibhawm: tix hoek.

2151. Khre: tai griex tix lawm:, priex rhawm: tix kah bleng:.

2152. Khre: nawh rhit tix lih plak jee, yee nawh plai: tix haok plak blaong.

2153. Khri: tix diex, siyiex tix gaong:. [NB measures]

2154. Khri: loe: lhang:, sang: loe: kawg.

2155. Khrieh ku lawg, sawg ku nyiex.

2156. Khrawm: paoxtix yeung khrawm: eep kuat, phuat paoxtix yeung phuat maox hung:.

2157. Khrawng: tong: gam: riex, phliex tong: gam: awn:.

2158. Khrum: lhax khaox taug cix poe:, voi ngai: baoh tee: koe: ceu.

2159. Khrum: lhax sang: poe:, peei: ngai: sang: it.

2160. Khrum: lawm: tai, grai: rhawm: muih.

2161. Khrum: rawm: ngai:, dai rawm: meeih.

2162. Khwan: nghox khwan: koi:, khwan: soi: khwan: plaung.

2163. Khuang: khaox veue ia:, jia: lox veue lud.

2164. Khun: ang: cheung:, reung: ang: luah.

2165. Khun: kang cang mie.

2166. Khun: mao: sao: nang.

2167. La peu ting lox riag, awm: ngie siak pa: pu:.

2168. Lat prang: lhang: nyiex.

2169. Lat prang: rawng nyiex.

2170. Lat teei daux nong:, plong: teei daux tiag.

2171. Lad ling: bo, to: ling: sawm:.

2172. Lauh kah khaox ang: riag, biak kah tiex ang: nge:.

2173. Lauh luang tawm: vai, rhawm: biong tawm: grai:.

2174. Lauh ngu paung: ang: tien co, sin: priexbo ang: tien ih.

2175. Laung: kah koek, yoek kah plai:.

2176. Laux paw kieh yix yaox, caox paw kieh yix mhong:.

2177. Laux pui kix mai: caojhai:, grai: meung kix mai: pui chaox.

2178. Laux kah paoxgrawm, yawm kah paoxmeed.

2179. Laux nghox simiang koi:, laux soi: simiang kawm:.

2180. Laux lung rhang: ang: shiao ciiet veun:, laux jeun: rhawm: ang: shiao peun: gau.

2181. Laux miang rawng, simiang grawng nyiex.

2182. Laux Yaong: Glaox kah jhai:, laux Yaong: Krai: kah brung. (NB - PNs)

2183. Laux yuh khaox kie: lhong:, phawn: yuh plong: simiang.

2184. Laux yuh gawng, phawng: yuh praix.

2185. Lag khao: tai: khawm: ye, lag me tai khawm: seu:.

2186. Lai pawd ax hawt lai veung: cing:, blawng: ting: ax khaw: blawng: ceung: cheux.

2187. Lai tawng: khrawng: su: saix.

2188. Lai: lhat kah deem:, keed lhat kah jhawk.

2189. Lai lhax lhak, phak nam oi:.

2190. Lai mha: hu: daux klawng:, lai klawng: mawng: haok kah gawng.

2191. Lai ciak siak puing:.

2192. Lai: lee hoik saik nawh ih tang:, lai: tang: hoik sau: nawh ih keu:.

2193. Lai: ling ing: tiang.

2194. Lai: lu pu yhaok, kawn: lhaok lawm rhang:.

2195. Lai: lu pu yhaok, kawn: meeik siah nyoi.

2196. Lai: lung hoek kah kaing: ak, lai: sigrak hoek kah toeh te.

2197. Lai: muih lai: rhawm:, lai: khrawm: lai: priex.

2198. Lai phen: tiex.

2199. Lai phen: tiex, nyaox tieh giien:.

2200. Lai sang: jhak, cag sang: shiao.

2201. Laig tix ih laih, paih tix ih kaung:.

2202. Laig ku lawg, haok ku bawng:.

2203. Laig laih ang: hu: giex, priex tiag ang: daig paox.

2204. Laig laih paw hu: giex, ot nyiex paw ot it.

2205. Laig laih cao ka:, hu: ma: cao ing:.

2206. Laig laih cao bah, hu: ma: cao ing:.

2207. Laig laih bang: lao, khao: Hawx mai: Siiem:.

2208. Laig laih yuh tix ih nex, dex cawng: yuh tix cix lai.

2209. Laig biang lao, khao: biang kum:.

2210. Laig daux saung: mawh sawg kax, hu: krax laih mawh sawg mau.

2211. Laih ak dud mai: ngai:, lawm vaig sai: mai: ngawg.

2212. Laih pleek nyawm sa:, laih ka: ku pui. [NB - calendar]

2213. Laih Maox coeh dua:, Yaong: Kua: kua: jheeih.

2214. Laing: Man: Rai pa: jeeih vaig lawm, lai Hawx vawng pa: sawn: khun: lhak.

2215. Laix tai brai: juang.

2216. Lan yuh lhiex lhax khaox ku num:, yum yuh saux kawn: pui kukaux.

2217. Lang: taix tix cawk jiang, lang: diang tix laig laih.

2218. Lang: te puing: klang:, lang: rhawm: viex been.

2219. Lang: hauk kaing:, ngaing: rhawm: keud.

2220. Lang: hauk bieh mawh bun:, pa: yuh con tee: mawh simex.

2221. Lang: hauk jheeih, preeih hauk ngai:.

2222. Lang: lhax khaing: nghox daux bing, ting plix khaing: tux taoh thok.

2223. Lang: nhu: ang: tau lang: riah, nyawm nyiah ang: tau nyawm prawng.

2224. Lang: nhu: peun lang: riah, ngai: ngiah bieh lhaong: keud.

2225. Lang: khix rheeng: num.

2226. Lang: daing phai caong.

2227. Lang: ngawg khaing: sigaux kum:, ting phum: khaing: sinum praix.

2228. Lang: ju bu rhang:.

2229. Lang: ju sidu bwan:.

2230. Lang: sawm: lawk awng: sin: taw.

2231. Lao pie dawd, lawd pie ngoing:.

2232. Lao: maw: vhan: maw: khai:, kai: maw: cee: maw: hong:.

2233. Lao Vu pang: chang:, Lao Yang ta: cing.

2234. Laoh kah kaing, daing kah lox.

2235. Laoh kaing: gu, u: kaing: plong:.

2236. Laohlie tie: lhong:.

2237. Laohlie ngai: riieng.

2238. Leu ma: kha: cau:.

2239. Leed prux bi: kheem: ngai:, khuai: taix caong nyawm it.

2240. Leed singib cao tai, krai singaix cao klip.

2241. Leem li pi fing.

2242. Leem li pi blawng.

2243. Leun: maw: nhi:, pi: maw: kua:.

2244. Leun: sam: tawm: ti:, leun: sitawm: sau:. [NB - calendar]

2245. Leun: sam: kaw: rao, leun: kao kaw: kuat. [NB - calendar]

2246. Leun: sam: nhawk ti, leun: sika: fan; leun: cet sai:, leun: piet mai:.

2247. Leun: sida:, leun: ha: brawm.

2248. Leun: sigrheuh sim: sua:, leun: ha: lhua: simie.

2249. Leung: leuh lawk koe: iien:, leung: leuh singiien koe: gaox.

2250. Leue: tawm: krup, nyhup tawm: pon.

2251. Li: kin: li: san, li: yu: li: kran.

2252. Li mheun: mai tawng: liang:, hiang: mheun: sai: van kheen:.

2253. Lia khaox ku gawng:, lawng krax ku nyaing.

2254. Liag lai si ai: coeh.

2255. Liag mawh sam: the:, se: mawh sam: pak.

2256. Liag dieh caw pa: lung, liag brung caw pa: brug.

2257. Liag neung tai, sai: neung mau.

2258. Liag Raw Mawng mang kram tix mheen: tix mawk, kawg Num: Khum: rawm: tix ngaix tix mung:.

2259. Liiem lia: kia: ngiien.

2260. Liiem nyex mai: vhaik, laig laih mai: beung:.

2261. Liang moi ploi: yung:.

2262. Liet mai fai rao.

2263. Liet awk mawk vai.

2264. Liek jhie: khrie: khix.

2265. Lig pon toi: cix keh, ia: pon preh cix tawm:.

2266. Lig eei: beei: raox.

2267. Lig haok bawng:, kawng haok nyiex.

2268. Lig mhawm: ngia, ia: mhawm: jheet.

2269. Lig lai pai: pix.

2270. Lig lai mhai: ce:.

2271. Lig maix dia:, ia: maix brawm:.

2272. Lig goi: moi krawx.

2273. Lig miang rawng, khawng: rawng nyiex.

2274. Lig miex koe: tix dang:, moi tang: koe: tix kawk.

2275. Lig brax sawm:, khrawm: brax plaung.

2276. Lig ngeeh mai: dawng:, ia: ngawm mai: kaug.

2277. Lig sieh vawk rhang:, moi tang: lang: rung:.

2278. Lig sox ax ang: yaox tix sawm:, yawm yag ax ang: yaox tix plieh.

2279. Lig sox ia: sim:.

2280. Lig sox ot mai: nyu:, moi krak hu: mai: kluing:.

2281. Lih pui piang lhax lhak, biak pui piang mhaik paing.

2282. Lih kiex tix ka: teex, peex peex tix ka: ong:.

2283. Lih lhiex khraox ang: tien gaig rawng, hoek lox vawng ang: tien tawng ceu.

2284. Lih yhia: gu khaing: rang: daux maw:, hu: lien: vawng khaing: haw: Peux Cing:. [NB]

2285. Lih khaing: lawng ang: lai: yaox kawng, lawng daux krax ang: lai: yaox kawm:.

2286. Lih khaing: gua, lhua: khaing: kaing:.

2287. Lih khaing: jee tiag jhon:, hoek kah ton: ngawg nyiex.

2288. Lih khaing: jhat pua:, lhua: khaing: nyiex ot.

2289. Lih khaing: siviex koe: ra: sidim: bawng:, lih khaing: lawng koe: ra: sidim: krax. [NB -numbers]

2290. Lih mai: vhaik, laig mai: sawm:.

2291. Lih reem tai ku ngaig ku rawng:, pawng: rhawm: muih ku gawng kukaux.

2292. Lih rawm: ngiex khaing: po:, to: miex khun: khaing: nyiex.

2293. Lin: pen: lin: cao:, khao: pen: khao: kha:.

2294. Ling: tao: pao: fu:.

2295. Ling: khix pa: tum:, ling: num pa: lang:.

2296. Law ang: tiied law ang: koe: gip, pui ang: phit pui ang: koe: mau.

2297. Law Hawx gaw ex tang:, sang: Man: gaw ex taw.

2298. Lawd khix sinax grux, pux kawn: sinax pui.

2299. Lawd dak tawm: lang:, ang: moing tawm: vieh.

2300. Lawd nyex dex juang.

2301. Lawd vaig lawd gawn:, sawn: rhawm: sawn: rhi:.

2302. Lawd vaig biang laux, jaux maox diang klawng:.

2303. Lawd vaig yaox raog nao, jao: gawng yaox bun: mhawm:.

2304. Lawk tuh khawm: jao, singao khawm: jung.

2305. Lawk kaing: paing tix num tix ve, pre mhawm: taing: tix num tix pheen:.

2306. Lawk kaing: kheem: ngai:, dai: yung: pih tiex.

2307. Lawk caong paing ang: eux sum: ceep, eep mak tawng ang: eux sum: sawm:. [NB: sum]

2308. Lawk caong pie: blhix, dai: rhix pie ngawng.

2309. Lawk khluh ang: sum: kang: kai:, ngai: preeih ang: brai: muih.

2310. Loi ku: kak, pak tu lhong:.

2311. Loi: lhax gix, plix sime.

2312. Loi cam: nam khio:.

2313. Lawm ak tawm: pon puing: klang:, lang: rhawm: tawm: pon prawng meung.

2314. Lawm ak mai: te, pre yaong: mai: kuad.

2315. Lawm: tai pruih, rhawm: muih koe:.

2316. Lawm tete pon muag, ruag,rwag te: te pon krai.

2317. Lawm: tih kax, hax sak rhawm:.

2318. Lawm: tih kiien: khaing: lawm: tai, miexmai hai: khaing: bun: krih.

2319. Lawm tix ih sibeem, kreem tix ih sivie.

2320. Lawm ku jhit, cix kuceu.

2321. Lawm khaw: ang: pon thaw: thai:.

2322. Lawm: khawm: ngiex, miex khawm: keeing:.

2323. Lawm: buang: caux, laux mai: nang.

2324. Lawm sibeet, rhawm: keud sibun:.

2325. Lawm vaig ang: awm: lawm gawn:, rhawm: kawn: ang: awm: rhawm: keeing:.

2326. Lawng krax kieh see, lih jee kieh sidawng:.

2327. Lawng: raux daux pu.

2328. Lawng rawm: ngup tawm: die, lawng rawm: mie tawm: deek.

2329. Loh tix ih kraung lai, thai: tix ih kraung lung.

2330. Loh ngai: thai: kaux.

2331. Loh rong: dang: plai:, thai: gwang nyiex ot.

2332. Loe: khix cix ngiah, liah khix cix ngawm.

2333. Loe: mawk sian Man, loe: khan: mau Hawx.

2334. Loe: saing: sibiex, loe: phliex koi: luang.

2335. Loe: sivhwan:, phuan:,phwan: siyieh.

2336. Loek mhawm: rawn, kawn: mhawm: sidiex.

2337. Lon: kih kiied koe: pon sok tai, phawng: mau cai: koe: pon sok jhon:.

2338. Lon lon: nex tawm: cix vhahrhawm:, mhawm: lai tiiem: tawm: pon mawh seung.

2339. Lox ah sigah krai.

2340. Lox ang: tang:, rhang: ang: siyox.

2341. Lox ang: caox tix haoh, sigah ang: caox tix lhee:.

2342. Lox ang: lai: koe: ex ah, sigah ang: lai: koe: ex krai.

2343. Lox pon tawm: paw kieh lheem: khaing: taix, jhawm: pon krai paw kieh grai: khaing: kaux.

2344. Lox tix gum, cum tix dauh.

2345. Lox timu:, hu: tix diang.

2346. Lox tawm: loe:, jhawm: krai lud.

2347. Lox tawm: miex vien kah niex, lox sidiex keeing: priex daux rhawm:.

2348. Lox tawm: jhawm: krai.

2349. Lox keeing: een: piang griex, lox miex priex piang sibaong:.

2350. Lox keeing: num: tax, lox tax num: dix.

2351. Lox krai lai pawd.

2352. Lox krai maix phlat khaing: gawng, krax lawng maix hawng: khaing: teet.

2353. Lox mhawm: jhawm: cix.

2354. Lox mhawm: sang: krai krai, lox nai: paw: cawm: ah.

2355. Lox hoik hoik, moik hoik sin:.

2356. Lox hoik luan ah, sigah hoik luan krai.

2357. Lox caox khaox kiien.

2358. Lox caw pui cix awx ku gum, phum: cux pui cix baig kukaux.

2359. Lox miex sigah keeing:.

2360. Lox mawh timu:, hu: mawh tix diang.

2361. Lox [sic] bak ang: tum:, phum: cux ang: luah.

2362. Lox bun: cun: tiex, lox simex tiex naing.

2363. Lox daux nyiex, sigah daux yaong:.

2364. Lox daix lox dum, lox cum lox prawng.

2365. Lox doe: silawg, lox bawg cawk cawm:.

2366. Lox nu ngu ting.

2367. Lox sang: krai, lai sang: yuh.

2368. Lox sibaox, jhaox singai.

2369. Lu: ap kab tan.

2370. Lu: lhek tieh tix mawh rhiiem:, pa: biiem: tieh tix mawh cao:.

2371. Lu li piang tiex sigrak, lu: lak piang mhaik paing.

2372. Lu li pui piang tai mhak, lu: lak pui piang mhaik paing.

2373. Lu: lieh vaig khaing: giang tat jhauk, lung: liang: rhawm: khaing: kaux deuk to:.

2374. Lu: liex mai: ding:, lai: sing: mai: nyaox.

2375. Lu: lik Siiem:, lhu: lhiiem: Hawx.

2376. Luat sivu ang: kieh maix taing:, kaing nu jhaw: ang: kieh maix yuh.

2377. Luat sivu, kaing nu jhaw:.

2378. Luat sivu, su: kaux cao:.

2379. Luah proing tawng mai: law tang: toi:, rawng: lox klieh mai: moi tang: kih.

2380. Luah proing tawng, rawng: lox prie.

2381. Luah teettawng, rawng: lox klao:.

2382. Luah nad Kaung: Tum, sinum mawg Kaung: Kaw:.

2383. Luah deem: taong:, rawng: lox prie.

2384. Luah rawm: dee koe: simaox, caox lox dee koe: priex nyawm.

2385. Luah yuh nong:, tong yuh kuad.

2386. Luan khaing: vhaik, laig daux riieng.

2387. Luan khrauh mawh ox, luan nghox mawh tiex.

2388. Luan thawk ex keei: mai: bring, luan thai: ex fing: mai: li. [NB - fing]

2389. Lud tibawg, kawg tix ju.

2390. Lud ka: ang: lai: kieh lud khai:.

2391. Lud kah nghox caw sivai, lud kah tai caw SiViex.

2392. Lud khaing: nex tong: sox, lud khaing: lox lang: Thoi:. [NB - Toi]

2393. Lud li pi grawh.

2394. Lud lawk toe:, loe: lawk cox.

2395. Lud meu se: pan, lud van se: roi.

2396. Lud gloe loe: glhawk.

2397. Lud moe: loe: lox.

2398. Lud simie tai, grai: simie pui.

2399. Lug tang: can, lhan: tang: heun:.

2400. Lug kah moe: ang: biag, liag kah mau ang: pon.

2401. Lug ho: to: hang:.

2402. Lug im: sim pha:.

2403. Lug khix kah giien:, riien ngawg kah hak.

2404. Lug li: maw: keeng: fo: ca.

2405. Lug maw: mi paw, taw: maw: mi hang:.

2406. Lug nying tem: hai:, lug cai tem: kat.

2407. Luk sawm: rhawm: muih.

2408. Lug van: hang: son:.

2409. Luh paing paw:, law koe: rung:.

2410. Luh tix daux, taux tix tawg.

2411. Luh cax nyax dee:.

2412. Luik ia: khaing: dang:, ang: cix rang khaing: kaug.

2413. Luik ia: khaing: dang:, ang: cix rang khaing: maix.

2414. Lung lhax loi:, soi: lhax gix.

2415. Lung rhang: grang kaux.

2416. Lung rhang: grum ngiah, luah caong grum hu:.

2417. Lung khaing: coih, nguah khaing: khri:.

2418. Lung awm: lak, sigrak awm: toi:.

2419. Lung awm: suah, nguah awm: shiang:.

2420. Lung: sawm: krak, prak sawm: moi.

2421. Lung: sawm: brawk, klawk sam: piax.

2422. Ma: ang: keeig cix lih kawng, see: ang: prawng cix mawh naing.

2423. Ma: cun: num: ox, ma: mox seh yaong:.

2424. Ma: singai ang: kieh maix hu:, kaing nu ang: kieh maix yuh.

2425. Mau ang: ron, kawn ang: kip.

2426. Mau tix khuai: kah cix pon cak, mau tix phak kah cix pon moi.

2427. Mau mhawm: mai: lied, nyiex kied mai: bun:.

2428. Mau khawm: ngoi, moi khawm: kawg.

2429. Mau khri: hoik tawx ex bax, ma: kaung: hoik guah ex cie.

2430. Mau roi moi mu:.

2431. Mau sinax gip, rib sinax mee:.

2432. Mau sawm: paox, gaox sawm: prie:.

2433. Mau Yaong: Nong:, kong: Man: Rai.

2434. Mak cuk suk nai: yum, num nang suk nai seu:.

2435. Mak lai hai: piak.

2436. Mag nam mag tang pa:, mag na mag tang khao:.

2437. Mai lu: lie: mai tiak, kon lu: liak kon lu.

2438. Mai see: cang thang: pe:, kon tai cang cau kan:.

2439. Maix khaw: tong: eux khliak hak, maix khaw: plak eux ih dai:.

2440. Man: taing: paw kieh lud lai, lox krai paw kieh grai: ceu.

2441. Man: Hawx peun awn: tix ceep khaing: man: Raog, lai Raok peun yie tix gau khaing: lai Hawx.

2442. Man: Rai aing: krax.

2443. Man: Rai ih ku: khawx loe: saing:, Yaong: Ting ih ku: kaing: loe: kaux.

2444. Mang meg pui ang: eux sang: kawng:, mau pawng: [sic - phawng: ?] phui [sic - būi] ang: eux sang: cai:.

2445. Mang meg pui viang koe: tix khrawng:, mau phawng: pui viang koe: tix phliex. [NB - vīang]

2446. Maox tix gliien:, giien: timu:.

2447. Maox tix nyaing, kaing tix ceu.

2448. Maox tix nyaing, mhaing: tikaux.

2449. Maox rhiiem: lang: khaing: lang:, been tang: mhawm: khaing: mhawm:.

2450. Maox rhix khuai: gawng, maox rhiiem: tawng kaux.

2451. Maox rhix sivug prang:, klix lang: silawd nyaox.

2452. Maox rhix sivug gawng, rawm: rawng ghua: meung.

2453. Maox Cu: Six pa: kid kaing: gawng, Cu: Cong: Li: pa: prawng haktiex.

2454. Maox Cu: Six lhee: khaing: miex lih, kong: chang: tang: cix khaing: keeing: keut.

2455. Maox grawd ngawg khaing: grix taing tawk.

2456. Maox ruih pa: vawng:, rawm: rawng pa: ing:.

2457. Maox vien khawm: mad, lat rauh khawm: lhang:.

2458. Maox vien lawng, gawng caing: praix.

2459. Max singiien khaix nyaux rawm:, phawm: sileed mai: tawm simaox.

2460. Max singiien mai: nyaux tix rawm:, phawm: sileed kah klawm: tix khaox.

2461. Mee pai: lai: nawp, jhawp sub lai: tawx.

2462. Mee: ex krax, nax ex klawng:.

2463. Mee: lai: tiang, bang: lai: laig.

2464. Meet kah mhaux, plaux kah phon:.

2465. Meeik krin: daw tu, kru naing hawt grawng:.

2466. Meeik daw kawng bia:, yhia: baux plawng: khaox.

2467. Meeik siah nyoi, moi lang: rung:.

2468. Meeing mai: blax, miex mai: keeing:.

2469. Mex paih muah teem:.

2470. Mex lai: puah, muah lai: taing.

2471. Mex lang: plawng:, jhawng: lang: baux.

2472. Meung Ting: King: Krum:.

2473. Meung Tum tawng, Meung Tawng vai.

2474. Meung Tum phawng:, Meung Tawng laux. [NB - Naing Pa: Jao]

2475. Meung Hawx cai: tawng, meung vawng cai: hi:.

2476. Meung Hawx dee yiien:, meung Miien dau raux.

2477. Meung Lun Meung Lao, Meung Tao Meung Yang.

2478. Meung Noi Toi: Tum.

2479. Meung siviex, praix sivai.

2480. Gaux le: le:, he: voeg voeg.

2481. Gah paw cung, lung: paw veh.

2482. Gaih maox rux, dux maox mee:. [NB]

2483. Gaing: sawm: ngawb, yiiep sbm bo.

2484. Gam: ang: kuah, suah ang: plaung.

2485. Gam: kuah suah plaung.

2486. Gaox paing gaox sawk, bun: jawg bun: grang.

2487. Gaox paing sawk, kawn: jawg miex.

2488. Gaox tix klong:, yaong: tix lug.

2489. Gaox kawng: iien: sip.

2490. Gaox luang gam:, Am: luang I:.

2491. Gaox mawh gaox tau tix greem:, mheem: mawh mheem: tau tix glhawng:.

2492. Gaox nax chax la.

2493. Gaox sut eux sinax suah, pui ruah eux sinax Pa: Raog.

2494. Gee: lhiex niex koek.

2495. Geeih rawm: mung:, gong: rawm: mia:.

2496. Geng: nghox ang: koe: to:, bun: aw: ang: koe: li.

2497. Gi plak mawx ang: lai: yaox niex, bliex plak mawx ang: lai: yaox ngai:.

2498. Gi: mhawm: krom singax.

2499. Gi khaix gaig veue.

2500. Gip kong pat man:, siseung an: lai.

2501. Giex pui ngawm, kawm pui ot.

2502. Giex taix miien: caong.

2503. Giex tawm: kiien:, miien: tawm: sied.

2504. Giex khaox lang:, giang: khaox nguh.

2505. Giex khaox nguh sivang:, viex vaig lang: sigheet.

2506. Giex khaw: raw: ghut.

2507. Giex mawh sigleem:, greem mawh sigeug.

2508. Giex nyoeg lhax nawh tawm: lang:, gang: miex keeing: nawh tawm: kaux.

2509. Gix pliah tiag vaig.

2510. Gix khaox mai: daw tix sidawm, riien: rhawm: mai: krai tix lox.

2511. Gla kap nyhap moing.

2512. Glaoh tix mawh dim:, im: tix mawh pui.

2513. Glaoh lhax lhum:, cub nyawm khraox.

2514. Glaoh lhax rho:, cho: lhax gix.

2515. Glaoh rhang: law kah sawm: tix rib, saux klip pui kah tawx tix fu:.

2516. Glaoh sum: dim:, im: sum: sub.

2517. Glaox dig moi, rhoi: dig krak.

2518. Gleh lhax nghox dai: num: tix, thai: nyawm khraox been ot tix.

2519. Glip biang laux, raux biang kum:.

2520. Glip ngai: grai: lox.

2521. Glup kah cu: yi: Man, blan kah cu: yi: Siiem:.

2522. Gawn: pawd pi:, Li Kai: Sin:.

2523. Gawn: pawd phen: ang: lawm kah bee, bun: lhee: jheeih ang: cee kah kaing.

2524. Gawn: tix mag, ak timu:.

2525. Gawn: tix mag, krak tix miex.

2526. Gawn: giieb nyoi, soi: vien taix.

2527. Gawng Pok pok sim: pok sai:, pok lai: pok kiang. [NB PNs]

2528. Gawng Pok rhaw:, Gawng Toi: ngoi:.

2529. Gawng pu: pungpiang, praix riieng caong ma:.

2530. Gawng tai giah nong:, gawng song nghox kut.

2531. Gawng toh koek, nyiex hoek nyo.

2532. Gawng tum: lak, pak sawm: moi.

2533. Gawng: klix nawh lang:, rawm: ngang nawh lhee:.

2534. Gawng: nghox kieh tip, rib ma: kieh yie.

2535. Gawng: hu: plak tiak, plix niag plak lung:.

2536. Gawng caing hawt nyex, simex hawt bun:.

2537. Gawng ceh iien:, praix yiien: pui.

2538. Gawng nam tak, pak man: teue:.

2539. Gawng: cho: maw choek.

2540. Gawng: sub koe: pon ox caong grah, plah sub koe: pon pak Rawm: Saung:.

2541. Goh awm: ghot, hot awm: sia:.

2542. Goeh pon pu:, sivu pon yaog.

2543. Goeh kah cu: yi: Man:, lan kah cu: yi: Hawx.

2544. Goeh kieh cix pu:, sivu kieh cix to:.

2545. Goeh sidaix, laix sidim:.

2546. Goeh yuh po:, to: yuh miex.

2547. Goeh yuh phaux, laux yuh nyiex.

2548. Gong: lawk rawm: mia: sox.

2549. Graig rung: lig kah teed tix ma:, fax moi tang: kah tiex tix pui.

2550. Graih dee cuang, yaong: dee ot.

2551. Greeik khaix loek, hoek kah nyiex.

2552. Greem ma: cha: ceuk.

2553. Griex lhaong: sibaong: tiiem.

2554. Griex singao, krao: sioh.

2555. Grim sawm: ma: hu:.

2556. Grix taing: tawk khaing: jhawk grawd ngawg.

2557. Grix kah kat rhax hawt lawng, lhat kah beed plong: daux krax.

2558. Grix simhat, lhat siyaung:.

2559. Grawh hu: toi:, rhoi: hu: praong:.

2560. Grawm Siiem: kaux giex, grawm SiViex ngiex ngawg.

2561. Grawm Siiem: nyawm priex, grawm SiViex ngiex ngawg.

2562. Grawng: een: tax, krax deuh keeing:.

2563. Grawng: deuh tax, krax hu: yiex.

2564. Grawng nex sigex mau.

2565. Gu: pa: kiien, kliien pa: ting.

2566. Gu klaox nghaox ceu.

2567. Gu krawg mai: gaox paing, yuh naing mai: eeppid.

2568. Gu krawg muag kaing:.

2569. Gu: caox yaox mhawm:.

2570. Gu khaing: in: ang: lai: krawg, sawg khaing: in: ang: lai: yaox.

2571. Gu khaox ting, kling: khaox yia.

2572. Guah tix tawng, prawng tix yaox.

2573. Guah ma: la rawm:.

2574. Guah bug lug ru.

2575. Gwang ma: nhu: ke:.

2576. Gwang nyiex biang ma:.

2577. Gut kaing: aing: ngai:.

2578. Gum ta brie khawn:.

2579. Mi mhak lhak ru.

2580. Mi lug nying tha: cin: sa: cin: sawt, mi lug cai tha: nawn fu nawn fie.

2581. Mi ma viang kan: si,miyex mi i: viang kan: mawn.

2582. Mi mag sak vaig.

2583. Mi mai: phan:, mhan: mai: grawng.

2584. Mi nam kaw: mi pa:, mina kaw: mi khao:.

2585. Miien tiiem Siiem: vhit.

2586. Miien nam cak ang: sax pieh bi:, vi daux tong: ang: sax ih pui.

2587. Miang miex cax keeing:.

2588. Miang rawng grawng nyiex.

2589. Miao: sang: eei: ex mawh miao: cix teei kiang, shiang: sang: eei: ex mawh shiang: cix pao: pui.

2590. Mie tix cuang kah num: lawm: caux, mie tix kum: kah veei laux nang.

2591. Mie tix mawh siboig pa: poe:, mie tix mawh sibroe: pa: tum:.

2592. Mie tix mawh sim: tum: kah ox, mie tix mawh lox luah mai: bhaung:.

2593. Mie: nawh mawh gaox, sang: tauh tix keem; mie nawh mawh nyawm, sang: teem tix ngheet.

2594. Miex ing: khawm: gaing:, mhaing: ing: khawm: yip.

2595. Miexmai loe: tawng:, miex hawng: loe: rai. [NB - measures]

2596. Miex roik koi: dha: tix sau: lox iak, miex tak ta: hawt tix riag lox ting.

2597. Mim: kiied ngai:, jhai: kiied dot.

2598. Min kawn: sawn: ju.

2599. Maw: Lao Li, khri: Lao Vu.

2600. Maw: mi ha:, maw: ma ku:.

2601. Maw: mi nad pob neu, maw: mi seu: pob sao:.

2602. Maw: mi nam maw: cang khang: pa:, maw: mina maw: cang rang khao:.

2603. Mawt lawk nyawng, phawng: lawk nyaox.

2604. Mawk lang: gang: raoh.

2605. Mawk nya maw: leem pi:, kan se: maw: leem cao:.

2606. Mawh pakpeung, mawh phing: li.

2607. Mawh paox siah sidawm, mawh paox nyawm sidu.

2608. Mawh plix pieh tix kum, mawh pui teem: tix ngheet.

2609. Mawh puing: pieh pa: raog yuh khrawm:, mawh klieh lin: pa: mhawm: yuh praix.

2610. Mawh ex taing ang: koe: jhawn:, mawh ex kawn: ang: koe: miex.

2611. Mawh ex sim: kix khawm: kaug, mawh ex lhaok kix khawm: mheem:.

2612. Mawh keeing: ex khawm: nyiex, mawh miex ex khawm: meung.

2613. Mawh klip sang: klawm:, mawh rhawm: sang: muih.

2614. Mawh koi: mie ex tix gox, mawh lox mie ex tix mhong:.

2615. Mawh kawx nyiex bang: ca: koe: ngot, mawh kawx pui hot ca: koe: rhawm:.

2616. Mawh khaox ex khawm: num:, mawh rawm: ex khawm: taoh.

2617. Mawh nawh gawn: kah eux mgiap [sic - giieb ?] nyoi, mawh nawh soi: kah eux vien taix.

2618. Mawh siboig poe: kah ciem lawk kaing:, mawh sibroe: tum: kah daing: taing: maix.

2619. Mawh sim:, silai: tix koe: rhang:; mawh kang [sic], silai: tix koe: pruik. -- Mawh blak. [NB syntax]

2620. Moi ang: sug, lug ang: cee.

2621. Moi paing Nam Cak, krak teed Ngim Nheu:. [NB PN]

2622. Moi tang: lung ji: lung kaing: tix daux siyiex. -- Mawh griex.

2623. Moi ting sigao:, pui vao sigah.

2624. Moi krak brung law.

2625. Moi hai: kah teed graig rung:, pui hai: kah dung: se: mau.

2626. Moi haok Ang: Krag, krak lih Kaung: Ngim.

2627. Moi lhee: taug tee: yie fa, pui lhee: kha: tee: yie yum.

2628. Moi mhaing: sawg gha:, krak ngha: sawg teed.

2629. Moi mhawm: mai: rung:, brung mhawm: mai: sigu.

2630. Moi mhawm: box, sox mhawm: raoh.

2631. Moi cu mhawn:, kawn: cu lox.

2632. Moi loe: plak, krak loe: mu:.

2633. Moi luang khawm: kawg, nghox mawt khawm: krao:.

2634. Moi naog kawg, phrawk naog klong:.

2635. Moi jao: nghaong:, kaong: jao: tu.

2636. Moi sideed rung:, brung sideed keu:.

2637. Moik bi: pid ang: shiao sau: kih, rhawm: muih khiien: ang: shiao ih mau.

2638. Moik bi: pid ang: shiao: sau: kih, bun: krih mhawm: ang: shiao pak tai.

2639. Moing sivai, ngai: simiang.

2640. Moe: prim: ang: lai: jhauk, ceuk prim: ang: lai: pheuex.

2641. Moe: tang: blax, krax tang: nyaing.

2642. Moe: khawm: blax max khawm: keeing:.

2643. Moe: lawm pon mug, lox rug pon krai.

2644. Moe: lawm ceed, paoxmeed prim:.

2645. Moeg piang pre:, ce piang ton:.

2646. Moeg Nghoe: doe: daux tiag.

2647. Moeg laong: lawng, klawng: seh nyiex. [NB water spirit]

2648. Moeg gawng nawng praix.

2649. Moeg sidim: gawng:, nhawng: sidim: mu:.

2650. Moeg Yaong: Maw: mawh singiien rang:, haw: Yaong: Griex mawh sigang: lih. [NB PNs]

2651. Moeng miex priex kawn:.

2652. Mox tix cum yie laux, mox tix saux yie yum.

2653. Mox tix saux yie yum, mox tix cum: yie laux.

2654. Mox kaing: lih kre:.

2655. Mox deem: kheem: veei.

2656. Mox jheeih tix kah lai:, mox ngai: tix kah kiang.

2657. Mawx pa: pon gun lhiex siveue, ca: hoik caux.

2658. Mawx sang: tawx lig sox ax sawm:, mawx sang: kawm kawn: ai: ax it.

2659. Mu: paoxtix yeung daix, kraix paoxtix yeung dum.

2660. Muag priiem liiem meung.

2661. Muag prum: sum: nyiex.

2662. Muag tix ih ma:, sa: tix ih yeem.

2663. Muag tawm: khrum:, cum tawm: dud.

2664. Muag ia: klax ih deem:, kheem: nyawm aw: kah lox.

2665. Muag dee mawx muag gum:, cum dee mawx cum dud.

2666. Muag sawm: sum: nyiex.

2667. Muah tix reu kawn: tang: sigah, pui tix dauh kawn: tang: dee lih.

2668. Muah tix reu, ceu timu:.

2669. Muan ngu hax, muan kax to:.

2670. Muan ngu yie gleeing, pui naing yie yum.

2671. Mug ak pak laih.

2672. Mug ang: lawm, dawm: ang: hax.

2673. Mug priiem riiem rib.

2674. Mug kah moe:, lhoe: kah vaig.

2675. Mug kaing: gaing: hauk.

2676. Mug khaix ak, bag khaix mat.

2677. Mug khaox kieh mhawm:, rhawm: ma: kieh cix.

2678. Mug lat nyat prang:.

2679. Mug laing: gaing: simaox.

2680. Mug mawh ak, pang: mawh yaong:.

2681. Mug mawh ma:, sa: mawh kaing.

2682. Mug naing gaing: caox.

2683. Mug nawh kah vaig lawm, awm: nawh kah bau: caox.

2684. Muih mau ang: muih cao:, (cu nawh tix) cin: khao: maw: cin: neu.

2685. Muih pui sawg tix pieh, ang: pui sang: tieh tix iak.

2686. Muih nawh hu:, cu nawh hoek.

2687. Muih sawng tang: khaing: khaox glawm:, muih ngawm nyiex khaing: ngawm yaong:.

2688. Mung: nyaux braux ot.

2689. Na: mhawng: tawng hio:.

2690. Na: ca ta: caox.

2691. Na: ca ta: ced.

2692. Na: pau: cau: seu:.

2693. Na: sau: cau: ki:.

2694. Na: sao: kao: can.

2695. Nad pai: kut daux bing:, nad ting bih daux naing.

2696. Nat kat tawng, miex rawng nyiex.

2697. Nad klawm: sip sawng: diex, vaig viex lawm sijeen: krawng:.

2698. Nat lang: sigang: raoh.

2699. Nat thux koe: tawng:, jhawm: prawng koe: ceu.

2700. Naix mawh tix rhoi:, jhoi: mawh tix mad.

2701. Naix rao doi:, jhoi: rao nad.

2702. Nam pai: kaw: hui:, koe: pai: kaw: vhi:.

2703. Nam tin: lai mee.

2704. Nam tix ih yoe yoe, koe tix ih thek thek.

2705. Nam Kawn blawn daux meeik daux tawn, Nam Cawk cawk cex moi cex krak. [NB -PNs]

2706. Nam hai: peu pha:, mha: hai: peu cao:.

2707. Nam: It kax Nam Mu ram thang:, Pha: Chang: kax Rang: Prieh sa: ngai. [NB -PNs]

2708. Nam Cawk grawn, Nam Kawn chawh.

2709. Nam: khawp to:, fo: khawp me.

2710. Nam La kla: sox. [NB -PN]

2711. Nam li: peu pu: tak, phak li: peu pu: soe.

2712. Nam awk vo:, mo: awk kon.

2713. Nam pheuk ti lau: pen: nhang: lin: tai, fai sawng: ti lau: pen: nhang: lin: la.

2714. Nam phet nix sam: hoi:, nam oi: nix sam: pan.

2715. Nam som: cang khao: le, kam te cang theung: kie:.

2716. Nam thai: teung, meung thai: cao:.

2717. Nam va: ka: hiang:.

2718. Nam va: maw: tem: tao:, khao: va: maw: tem: ye.

2719. Nang Plawx Ang: Krag, Nam Cak Nam Toi:.

2720. Nang sawng: dai:, cai sawng: se:.

2721. Naog tix ce, pre tix gawng.

2722. Naog tix gawng, nyawng tix tu.

2723. Naog kah kaing, geng kah kre:.

2724. Naog kah jhat ox, sikhox kah jhat saux.

2725. Naog krao: ao: nyiex.

2726. Naog krao: bao sawng.

2727. Naog krao: seh, kreh rhao: laong:.

2728. Naog daux krao:, ao: kah pon.

2729. Naog rawm: ciex kah lhax sidaing:, haoh pui hot braing: kah daux meung.

2730. Naog simaox kah ce, pre kuceu kah gawng.

2731. Ba: cak hak poeh.

2732. Bag yuh leem:, neem piang blawg.

2733. Baig ang: simi daux deem, neem ang: simi diang khlax.

2734. Baig gaig plakngai:, phrai: gaig plak kre:.

2735. Baog su: ciag rawng, sip sawng: paog kaung:.

2736. Baoh ma la rawm:.

2737. Baox ceem piang cua:.

2738. Bee: ang: dieh, pieh ang: dak.

2739. Bee: (ex) sang: sawk pa: paing, lawk kaing: (ex) sang: sawg pa: raoh.

2740. Bee kawn: poeh, loeh kawn: cak.

2741. Bee:, khaw: tix bee: pa: ang: koe: kak; pak, khaw: tix pak pa: ang: koe: soi:.

2742. Beeik rheep nyawm khaing: tawg ceet kih, thawk bun: mhawm: khaing: yaong: beuh kaing.

2743. Beeik rib khaing: pai:, grai: muih khaing: kaux.

2744. Beeik singiien ang: lai: naog, geng singaix ang: lai: deeih.

2745. Beeik yuh iien:, yiien: yuh sin:.

2746. Beem: cex koe: pon ke:, mau se: koe: pon laing:.

2747. Been tax krax yiex.

2748. Beuh kah kaing, daing: kah lox.

2749. Beuh khwan: nyoi, voi khwan: re:.

2750. Beuh seung: hawx, rawx seung: thi:.

2751. Beuh sibrawm, yawm sibrawk.

2752. Be awm: be cawk pyawk, bawg awm: bawg cawk cawm:.

2753. Bia: ang: koe: kawng, bawng: ang: koe: glhawk.

2754. Biaoh cix puing:, siuing: cix tot.

2755. Bieh prum: brum praix.

2756. Biex kawn: moi greem: nyeex [sic - nyiex ?] kie: kam, yiem kawndoe: greem: bawng: caomi.

2757. Bing: tai klak, pak hawng: khu:.

2758. Bing koe: luh, doeh caomi.

2759. Bing: sawm: cak, pak sawm: moi.

2760. Biong paung: beei:, lox ngeei: toeg.

2761. Bix lak kiex toi:.

2762. Bix lak kiex toi:, bix Thoi: kiex Nya.

2763. Bix lai: pawk, jawk lai: tauh.

2764. Bix lai: laig, tag lai: hu:.

2765. Blaong siblaung, jee daux saung:.

2766. Blek blia: kia: ngiien.

2767. Bliex ngeg ang: lai: yaox lawng, bliex gawng ang: lai: yaox nyiex.

2768. Bliex sigaig, blaig sijiang.

2769. Blawng een: tax, rhax sum: keeing:.

2770. Blawng vah krax ting.

2771. Blung khaix pliah, piah khaix vaig.

2772. Blux tix nyoi, moi tix miex.

2773. Blux bloi moi krak.

2774. Bawng: tawm siyiex, nyiex sum: siyawng.

2775. Bawng: nyiex siviex ma:.

2776. Brah kah cuang tix mai: Pa: Lex, khreeing: kah dex tix mai: caomi.

2777. Braing guax tuax hu:, braing dawm: tawm: deeih.

2778. Braing sidien naok, paog tiang krax.

2779. Brang: paw krai mawh sang:, sang: paw krai mawh fe: ci:.

2780. Braog ting tu, mu ting vaig.

2781. Brax paw: nieb gaux, saux paw luan voi.

2782. Brax kah sawm:, yawm kah kaing.

2783. Brax chuang: brax chi:, brax vhi: brax vhang:.

2784. Briex tix prawng, nawng: pix priex.

2785. Briex tibawg, kawg ling: ju.

2786. Briex gaox jhi: dhawng:, briex brung jhi: maox.

2787. Briex brung deeih maox, briex gaox deeih chee:.

2788. Braw cawd khaing: yau, nyawm cau simiang.

2789. Bru kaoh khaing: daux rang:, brang: kaoh khaing: daux tiex.

2790. Brug maix brung eux lawk giex ngawg, tawk maix cum: eux lawk jhawp krong:.

2791. Brug brung brax, ih khlax dah.

2792. Bruih yeung tai, brai: yeung cawng.

2793. Brung ang: tiied mawh brung siyiex, pui ang: briex mawh pui siyawng.

2794. Brung ang: tiied mawh brung siyiex, simex ang: he: mawh simex aw:.

2795. Brung pan nyiex, sox liex pan bawng:.

2796. Brung mhawm: sidax, kax mhawm: sigu.

2797. Brung hoek khawm: mu:, bun: cu khawm: kaux.

2798. Brung Hawx ang: uik tang:, lhang: miien ang: uik taw.

2799. Brung lang: sigu, bun: nu sigah.

2800. Brung liag tix bruk brung brax, krax sawg tix hu: krax ting.

2801. Brung law moi krak.

2802. Brung brug mawh tiex, niex cah mawh ma:.

2803. Brung chup pui keu:, law nyee pui maox.

2804. Bua: tai awm: mheem: plaw:, lhaw: keei: awm: maox pat.

2805. Bwan: pa: cao:, ngao pa: tham:. [NB]

2806. Bwan: klix mie tix cha:, bwan: kla: mie tix cheu:. [NB]

2807. Bwan: bun: ghuaing: cex, bwan: nex ghuaing: bee.

2808. Bwan: daux siviex, bliex daux doh ding:.

2809. Bwanson: khwan: ngao.

2810. Buk rhit bug kah cieh, jieh yaong: jieh kah bun:.

2811. Bun: ang: koe: cex, simex ang: haok ngha:.

2812. Bun: ang: cix riem daux nyiex, simex ang: cix giex daux yaong:.

2813. Bun: ting koe: pon miex, sawg tix koe: nyax; simex ting koe: pon keeing:, tax tix koe: tawng:.

2814. Bun: koe: kaux, ngaux koe: rawm:.

2815. Bun: kraox ngiex, simex jiex tix yaox.

2816. Bun: krih ting taix, bun: miex ting teeih.

2817. Bun: krih ting ngai:, miex mai: ting teeih.

2818. Bun: mie tix cim kla:, simex mie tix cha: deem.

2819. Bun: dai: tai pak.

2820. Bun: siyiex, miex siyawng.

2821. Bun: Siiem: siah nyoi. --Mawh grix.

2822. Dap nix pung:, thung: nix hoi:.

2823. Dauk taing: kaing yuh.

2824. Daux tiag, ang: cu nawh ot mai: lhiex; daux tiex, ang: cu nawh ot mai: greeing.

2825. Daux keh siveh rheem:.

2826. Daux kreeb kawn: khrawng:, daux hawng: it miex.

2827. Daux deem greem: klaik, sam: sai: ai: nyi.

2828. Daux deem greem: ba:. [NB]

2829. Dak lhax lhak khaing: ox pru: tai klawh khaing: khaox.

2830. Dak awn: kawn: pex rhang: riex.

2831. Dak sibex ang: yaox cao: blaox, glaox khlax ang: yaox pui sidaux.

2832. Dak yuh Yaong: Ting, ing: yuh Man: Rai.

2833. Dahrhawm: tiiem ngai:.

2834. Dai: cux prux caox.

2835. Dai: khiiep siyiiep cex.

2836. Dai: lang: khiiep, kiiep lhaong: jaong.

2837. Daok huan:,hwan: muan ting.

2838. Daok dawn: kawnpraix.

2839. Dax hoik boi:, nyoi hoik khawp.

2840. Dee ang: paog ang: cix lih mawh tai, dee ang: thai: ang: cix lih mawh nghox.

2841. Dee ang: plong: koe: riah, dee ang: giah koe: rao.

2842. Dee ang: sim: koe: sidax, dee ang: kax koe: si ang:.

2843. Dee ang: sox lai: raoh juang, dee ang: pui lai: tawng kaux.

2844. Dee tauh dee keem, dee heem: dee khoek.

2845. Dee tah ak, dee vhak bau:.

2846. Dee taox pai: awm:, dee mhawm: haktiex.

2847. Dee tok nyiex greeih kah phia:, dee ing: hia: gu kah beung:.

2848. Dee ton: sau: ngiex sawk, dee klawk sau: bilaing:.

2849. Dee ton: tawk, dee klawk thie:.

2850. Dee kaoh dee keut, dee ot dee koe:.

2851. Dee: koe: khawm: griang, kiang koe: khawm: daux.

2852. Dee ceet blux, dee tux pui.

2853. Dee coeh dee cai:, dee lai: dee gee.

2854. Dee laig awm: hia: dawng:, dee lawng awm: hia: gu.

2855. Dee glauh dee grum, dee kum: dee rhawm:.

2856. Dee gleh lhax lhum:, dee yum Pha: Cao:.

2857. Dee dah yuh nawh dawd, dee dawh yuh nawh tan:.

2858. Dee deuh lhang: tai, dee vai: lhang: sub.

2859. Dee siah caong priiem, dee tiiem caong ma:.

2860. Dee sit pui sa:, dee sa pui lox.

2861. Dee yah kleen:, dee een: rhawm:.

2862. Dee yum yiex kih, dee: ih phi: nya.

2863. Deeih kling: kah ngeg pu: awng:, deeih ing: kah nhawng: prawng goe:.

2864. Deeih saux kre:, gi saux ngawg.

2865. Deuh tix sidiex, priex tix gau.

2866. Deuh nawh yaox pa: mhawm:, tawm nawh yaox pa: jiiet.

2867. Dex paox bang:, siyang: paoxnyiex.

2868. Dex, ex mawh sivai; singai, ex mawh paoxnyiex.

2869. Dex kah ngai:, singai kah caong.

2870. Dex raongu yie gleed, plud khaix con yie laux.

2871. Deun: kap dao:, bao: lie: sao:.

2872. Dia Moeg Kawm: dee kuih sawm: shiang:, gawng Man: Raix dee liang pui moi.

2873. Diiep mawh cao: thiiep sidug, bruing mawh cao: brug grawh. [NB: word play]

2874. Diag tix kawng:, nawng: tix priex.

2875. Diang klawng: pui paw dawm tix nyaux, biang laux pui paw nyah tix ngawm.

2876. Diang klawng: tawm sibauk, dee rhauk tok maox deei.

2877. Diang klawng: sau: maix nyaux, biang laux khre: maix kum:.

2878. Diang klawng: dee nyaux, biang laux dee kum:.

2879. Diang khlax siviex dai.

2880. Diang nyiex siviex ma:.

2881. Dieh pui pruik tix ah phrang: phrang:, greeik pui rhang: tix ah kreeik kreeik.

2882. Dig paox simiang, tiang paox simex.

2883. Dig tiex blhawn: caong, maong ma: khlieh ngai:.

2884. Dig lhax khaox ah proik, ih moik ngawb ang: sak.

2885. Dig mhaik dee riieng, tiang rawm: dee thaw:.

2886. Dig caw kaong:, maong caw kuih.

2887. Dig khaix law, daw khaix caong.

2888. Dig khaox phru: phrang:, dig rang: phru: phrat.

2889. Dig laing: aing: nyiex.

2890. Dig lawm saw:, daw lawm vaik.

2891. Dig lawng prawng meung.

2892. Dig loek hoek nyiex.

2893. Dig daux tawn, blhawn: daux meeik.

2894. Dig nawh awm: aing: ia:, via nawh awm: aing: sox.

2895. Dig rawm: tawm: sigu:, hu: krax tawm: sidauh.

2896. Dig simaox phru: phrang:, pha: rang: phru: phrat.

2897. Dig siviang tiang ba:.

2898. Dih kah pak, vhak kah graih.

2899. Ding: tiex ing: hia:, nyiex haw: kia: pui.

2900. Ding: eux liex ding: phia:, dia: eux liex dia: mhawm:.

2901. Daw klawng: lawng tu.

2902. Dawh awm: lhax lhak, plu: plak awm: pai: awm:.

2903. Dawh awm: lhax lhak, dak awm: kru naing.

2904. Doik eux mawh kawn: sim:, miem eux mawh kawndoe:.

2905. Dawm tix khoek, hoek tix kum:.

2906. Doh plak piang, riieng plak greem:.

2907. Doh tix plawng: ang: doh ra: plawng:, tawng: tix ceu ang: tawng: ra: ceu.

2908. Doh ku plawng:, tawng kuceu.

2909. Doh blawng tawng praix.

2910. Doh si ang:, hang: rhawm: keud.

2911. Doh yeung blawng:, hawng: yeung teet.

2912. Dud nhu: tu: sok.

2913. Dud lawk toe:, loe: lawk cox.

2914. Dud maox dee siah, ngiah pui meung: hot.

2915. Dud simie, die sigeug.

2916. Dud simie, die riang nyiex.

2917. Dud sit siuing: tiang krax, yum puing: sang: cax nong:.

2918. Dwie: kawn: ia: mawh phung: toi:, dwie: kawn: moi mawh phung: cak.

2919. Duing: kiex yeung hung: kliiet, siyiied kiex yeung ble mu:.

2920. Duing: laih ak maix niied, diiet diang hu: maix phai:.

2921. Duing: maox miiet koe: ra:, dia: rheng: cie koe: loe:.

2922. Dum: dawx krawx kon.

2923. Dung: nawh kah jao nad, mad nawh kah maox hung:.

2924. Dung raux daux nu.

2925. Dung rawm: niex eux yaog tix cah, jauh rawm: ngai: eux nyah tix ngawm.

2926. Nex ang: koe: kih mawh taux, laux ang: koe: kraung mawh cawng.

2927. Nex ang: cix sit kawn: cix ciah kah taix, kaing: ang: cix laug kawn: cix krai kah jheeih.

2928. Nex tix khik, lig timu:.

2929. Nex tix phoi:, moi timu:. [NB - measures]

2930. Nex tong: sox, mau mox moing.

2931. Nex tawx awng:, grawng tawx moeg.

2932. Nex nham: kaux hak.

2933. Nex lai: pa: loeh, nex poeh pa: bee.

2934. Nex lig kaung: klox, nex sox siblaung.

2935. Nex lig loeh, nex goeh piao:.

2936. Nex maw: ko: fai, cai maw: ko: kan.

2937. Nex nawn kawn: keeing:.

2938. Ngai: ang: khiiep eux toh su: sai:, rhawm: ang: pi eux lai: kuceu.

2939. Ngai: kroh baoh lheun:.

2940. Ngai: liag tiag caong.

2941. Ngai: ngawng plawng: taix.

2942. Ngai: ngud sioe: hoek.

2943. Ngaig lawk bua, nyua: lawk kraox.

2944. Ngaig mawh te:, tie: mawh peut.

2945. Ngaig mawh dong:, song: mawh roing.

2946. Ngaih tang sigun:, bun: tang simex.

2947. Ngao hak sakse:.

2948. Ngeg ang: sax lawng, gawng ang: sax hoek.

2949. Ngeg toi: klawng:, gawng toi: tieh.

2950. Ngeg dee lawng, gawng dee hu:.

2951. Ngeg sidu maix lawng, gawng sidawng: maix hoek.

2952. Ngeun pex vao:, khao: pex nhum:.

2953. Ngeun hak cang, nang hak fo:.

2954. Ngeun sip maw: kum: van, ngeun pan maw: kum: co.

2955. Ngiah ah ha:, phra: ah heue:.

2956. Ngiah pie khaw:, lak law: pie jiiet.

2957. Ngiah ha: ha:, gha: yawb yawb.

2958. Ngiah mhawm: rhawm:, phawm: mhawm: kaux.

2959. Ngiah moi tawm: glaoh rhang: tix, tang: law [sic] tawm: pot praok tix.

2960. Ngiex taix tik ble, ngiex klix se: mau.

2961. Ngig pui yaox, nghaox pui mhong:.

2962. Ngawb hu: bo ing:.

2963. Ngawd cuang eux ang: koe: pui briex, praix ot eux ang: koe: pui con.

2964. Ngawd dee cuang eux khaox kawk loe: gaw:, yaong: dee ot eux nyiex haw: loe: lhang:.

2965. Ngawg koe: pon aong:, kraong: koe: pon taix.

2966. Ngawg koe: pon laing:, kaing: koe: pon po:.

2967. Ngoing: rhawm: keud, dawd ngai: gaig.

2968. Ngoing: khaox pawt, dawd ju pui.

2969. Ngawm piang khaox lak lu:, it piang ku: sikiied.

2970. Ngawm piang nuk, brug piang sigu.

2971. Ngawm ex yaong: khaix tax, ot ex nyax khaix keeing:.

2972. Ngawm khaox paw kieh tang: tia:, ngawm phia: paw kieh vang: vod.

2973. Ngawm khaox tawm: pot, ngawm ngot tawm: doh.

2974. Ngawm khaox mai: maix sigiex, ot nyiex mai: maix sikiied.

2975. Ngawm mai: paoxtix loe: ngot, ot mai: paoxtix loe: ngaix.

2976. Ngawm mai: eux tix ngot, ot mai: eux tix nyiex.

2977. Ngawm mai: ngot, ot mai: pheen:.

2978. Ngawm mai: phia:, dia: mai: pheen:.

2979. Ngawm mai: Siiem: loe: nyiex, ot mai: SiViex loe: yaong:.

2980. Ngawm ngot hak sivai, ot nyiex lai siuing:.

2981. Ngawm ngot ngawm dia:, ngawm phia: ngawm tau.

2982. Ngawm ngot ot meung.

2983. Ngawm ngot ot nyiex.

2984. Ngawm ngot ot yaong:.

2985. Ngawm nyiex giex yaong:.

2986. Ngawm viang bia:, dia: viang pheen:.

2987. Ngot cuang yaong: ot.

2988. Ngong: pex ih rhit, sigid pex ih plai:.

2989. Ngu lhax gix, khix aing: moi.

2990. Ngu: rawm: khoek ngai:, cia plai: phak moing. [NB]

2991. Nguah tawng gawng liang.

2992. Nguan:,ngwan: sawm: tawm it.

2993. Ngud ngai: lung baoh.

2994. Nguh kah lawk, tawk kah khaox.

2995. Nguig le: le:, sit kaing: ble:; he: veeig veeig, se: kaung: keeing:.

2996. Niiep tix plah blie: awng:, plah lheung: plah klai; yah tix kia: khwan: pui, lai taix lai caong.

2997. Niiep nawh yeung niiep braik te, bre nawh yeung bre ci: na kaung:.

2998. Niak [?] lhax plong: khaix lih pui jee, jee rhawm: nang khaix lawng khun: krax.

2999. Niag sibia cia praox.

3000. Nieb ang: tawx sibawk tix pan:, nieb ang: ploi: kraung muan tix hoek? [NB]

3001. Nieh tawm: sawg tix ih pa: yie, kawd tawm: grhang: tix cie pa: lhee:.

3002. Nieh lawk gau, pau: lawk khoek.

3003. Nih paoxtix mhong: ku nai:, krai paoxtix mhong: kuceu.

3004. Nih pui ih piang man:, khan: pui ih piang pre.

3005. Nih kah pak, vhak kah graih.

3006. Nih sin: piang man:, yuh tan kah moi.

3007. Ja: niex kiex teei:, veei miex kiex keeing:.

3008. Jauh tiex tix loi:, jauh moi tix biex.

3009. Jauh tix klieh mai: rawm:, jauh tix ngawm piang tiex.

3010. Jauh tix ngiah roi, jauh tix koi hu:.

3011. Jauh jaw: kaw: num:.

3012. Jauh ox tipang:, jauh mhang: tix kuah.

3013. Jauh rawm: meeih eux ku glhawk bawng:, nyawng: rawm: ngai: eux ku ma: hu:.

3014. Jauh rawm: rang:, tang: rhawm: muih.

3015. Jao: kiang kaing: miao:.

3016. Jee Rawm: Tawng, blaong Pa: Ku. [NB - PNs]

3017. Jeeih pui gawn: mai: laing:, taing: pui man: kah cag.

3018. Jeeih tix ih ling: kling: tix ih tai. [NB]

3019. Jeeih tix vau, gau tix lhak.

3020. Jeeih ex awn:, sawn: ex lhak.

3021. Jeeih keei: ling:, kling: keei: lhaw:. [NB ling/gling]

3022. Jeeih lawm gawn:, sawn: rhawm: lhak.

3023. Jeeih vaig ku gawn:, sawn: pui kukaux.

3024. Jiang dee kum:, tum: dee klieh.

3025. Jieh tai lai: rhawm:.

3026. Jieh lhax khroi:, soi: lhax gix.

3027. Jih koe: kah ngai:, lai koe: daux rhawm:.

3028. Jih man: luang, juang nyawm meed.

3029. Jih naing Man:, blan naing Hawx. [NB]

3030. Jih riieng hoik hu:, du lig taug hoek.

3031. Joeh saux nyoi, coi saux gleh.

3032. Ju keeing: ang: krup tix diex, ju miex ang: krup tix gaong:. [NB - measures]

3033. Ju max pan: keeing:.

3034. Jud khaing: kih tix gie, die khaing: rheng: tikaux.

3035. Jud gaox sawm: cawng: lih Man: Rai, die mau cai: cawng: hu: mai: Hawx.

3036. Jud gaox sawm: lih Ngim: Tau, die mau cai: hu: Meung Kheen:.

3037. Jud gaox sawm:, die rawm: nyaux.

3038. Jud simie tai, grai: simie pui.

3039. Jud yuh nin: bring taing:, bleng: yuh nin: priex ngawb.

3040. Jum pat siyawng, been prawng siyiex.

3041. Jum sijie:, brie simah.

3042. Jun koi: gox, krox lox krai.

3043. Jun nghox ang: koe: nghox, krox mau ang: koe: mau.

3044. Jun khrauh mawh ox, jun nghox mawh tiex.

3045. Jung eux yhaok tix kah lox braing, ngeem eux kaing: tix mai: lox pui.

3046. Gha: moi mhaing: pon cun: kloh, kieh kuad yaong: pon laoh rhang:.

3047. Ghang: yhiok mai: vaw, sinaw klieh mai: bun:.

3048. Gheen: rawm: lauh, jauh rawm: maux.

3049. Glhawk dig moi, rhoi: dig krak.

3050. Ghok phlai: si ang: eek.

3051. Grhang: tix mawh Lao Li, teei tix mawh Lao Vu.

3052. Grhaoh mai: paox sinum, kum: mai: paox sibua.

3053. Grheeng: gam: nghox gam: koi:, cai: phoi: mau phoi: khri:.

3054. Grheuh tix lih khaing: bawng:, prawng tix lih khaing: nyiex.

3055. Grheuh Loi Shiang:, tiang Loi Mu.

3056. Grhip nghox lhox sibix.

3057. Grhawm: tix teem, greem tix ngheet.

3058. Nawk kaing: gaing yhaok.

3059. Nawg siyiex, tiex siyawng.

3060. Nawm: naix kraix khrawm:.

3061. Nawng: priex sak, nawng: lhak yum.

3062. Nawng: priex sak, nawng: yak yum.

3063. Nawng: tix priex, briex tix prawng.

3064. Nawng: tix priex, briex tix cie.

3065. Nok kaw: va khawng: ku:, nhu: kaw: va khawng: khing:.

3066. Nog thai: hang:, nang thai: sen:.

3067. Nong: ting bing vieh.

3068. Nong: yiem sigrit, ngawd it sivai.

3069. Bhaung: pliao: niex, lhiex see: juang.

3070. Bhaung: keu: sinum mai: ma:, koek pied sigla: mai: tiex.

3071. Bhaung: saux suat, kuat saux sin:.

3072. Bheeik krim ang: koe: cao: sut, lud lox ang: koe: cao: toe:.

3073. Bhieh tiex gawng kah lhiex deeih gaih, phawng: meung ot kah kah Cao: Tie:.

3074. Bhawng: khaing: tai krawp, awp khaing: tai nghoe:.

3075. Bhoek khaing: gruan,grwan, luan khaing: nyiex.

3076. Bhuih paoxtix yaox tai, krai paoxtix mhong: lox.

3077. Bhuih tix ih ling:, kling: tix ih tai.

3078. Bhuih khaing: paox tang: koe: ling:, ing: khaing: paox tang: koe: muih.

3079. Bhuih khaing: paox tang: ling:, ing: khaing: paox tang: nyiex.

3080. Jhat it bi: tawm.

3081. Jhak kre: ge khaix.

3082. Jhak gi: simi jung.

3083. Jhak seh krax yaox loeh kiang, jiang laong: krax yaox loeh dee:.

3084. Jhai: pon tawm:, jhawm: pon krai.

3085. Jhai: Hawx pa: khiien:, jhai: Miien pa: rug.

3086. Jhax ang: luan, kluan:,klwan: ang: hu:.

3087. Jheeih ah bak bak, kaing ah chieh chieh.

3088. Jheeih pa: khiong:, caong pa: kiien.

3089. Jheeih lai: ngai: klang:.

3090. Jheeih lawm khaing: to: thai:, lai cix khaing: pui meung.

3091. Jheeih jhai: ngai: baoh.

3092. Jheeih nyawm oi:, nyoi siboig.

3093. Jhi: pui yaox, nghaox pui mhong:.

3094. Jhawp tawm: kiien:, kliien tawm: kaux.

3095. Bhawp ia: shiang: daux kaug, laug bun: krih sinax pui.

3096. Jhawp mawh nyiex, giex mawh yaong:.

3097. Jhawp been khaw:, daw krax mawh.

3098. Jhawm: ang: krox, lox ang: khaw:.

3099. Jhawm: tai eux khwan: ah, jhawm: brah eux khwan: teet.

3100. Jhong: piak diag vaw.

3101. Jhong: khix mee: num.

3102. Dheet khix tix nge: ang: pon lok yuh tawng:, phax tikaux lawk hoik phawng: yuh meung. [NB]

3103. Dheem: lox thox moing.

3104. Dhua: cix kha: simaox mawh rhiiem:, dhua: cix tiiem: sibia mawh nad.

3105. Dhua: khix taung: tix ang: koe: num:, dhua: rawm: nyaux tix ang: koe: taoh.

3106. Nu kah kaing, daing: kah priex.

3107. Nuk pai: ling:, ding: tiex tawk.

3108. Num prim: caox, num khraox mhawm:.

3109. Num: tai koe: pon ke:, mau se: koe: pon laing:.

3110. Num: tiah riah praix.

3111. Num ka: taug kieh klieh, num tieh taug kieh koe: grawm.

3112. Num ka: koi klieh, num tieh koi ngiah.

3113. Num kix ex lawk num sim: tawm:, mawm: kix ex lawk mawm: ia: kawn:.

3114. Num: koe: nyaing hauk, rao koe: yih kaing:.

3115. Num: koe: yih kaing:, rao koe: nyaing hauk.

3116. Num: nghox pang: koi:.

3117. Num: hon: hawt krax, ling: lax hawt klawng:.

3118. Num: khaox kaing: beei:, veei khaox lak lu:.

3119. Num: khaox maox toi:.

3120. Num: ox rieh lak, ma: rieh khak raoh.

3121. Num: rang: pang: braik.

3122. Nyaux ax rawm: ang: shiao kaong: dung:, bruk ax brung ang: shiao ih maox.

3123. Nyaux pui rawm: daw lhax lai:, cai: pui mau plah lhax khaox.

3124. Nyaux rawm: koek bheeik dao, vao sigah awm: sux.

3125. Nyaux rawm: sawm: eep.

3126. Nyah tix ngawm, tawm tix it.

3127. Nyah nyak nyawm:, ngawm nyak nyo:.

3128. Nyax laux yaong: mrāng.

3129. Nyeeig kawng rham:, nham: sivai kia:.

3130. Nyeuh pui ex gawm, gawm ex; kawm pui ex it, it ex.

3131. Nyeuh ex ngawm, kawm ex it.

3132. Nyeuh Hawx kieh ngawm, kawm Siiem: kieh it.

3133. Nyeng kawn: kiah, riah kawndoe:.

3134. Nyex koe: luat kah kre:, sang: koe: khri: kah rung:.

3135. Nyex khawm: khang:, sang: khawm: kawg.

3136. Nyex nyoeng moeng kawn:.

3137. Nyiex plaung kat pi:, nyiex hi: cawk lawng:.

3138. Nyiex plong: jauh lhiex, ding: tiex rieh ia:.

3139. Nyiex preeih cangmai, nyiex lai cangkam.

3140. Nyiex tang: nuk, sibug tang: ru.

3141. Nyiex tih nyiex taux, nyiex saux nyiex yum.

3142. Nyiex tix lhang:, prang: timu:.

3143. Nyiex koe: khaox gaong, yaong: koe: khun: prawng.

3144. Nyiex koe: guah teei:, yaong: koe: yeei niex.

3145. Nyiex kram ang: kieh maix paung, kraung kawm: ang: kieh maix ceep.

3146. Nyiex lhaong: jauh lhiex, nyiex tiex rieh sia:.

3147. Nyiex lhaw: aw: iak.

3148. Nyiex cong: rong: kaux.

3149. Nyiex khraox khaox klai.

3150. Nyiex lai: haok, bawng: lai: lih.

3151. Nyiex laong: paw veh, nyiex seh paw paung.

3152. Nyiex gox caong rang:, nyiex bang: daux tiag.

3153. Nyiex gox lang:, gwang ma: vieh.

3154. Nyiex gox sum: eux tawm: Man: Yang:, nyiex bang: koe: eux tawm: Pha: Pheuk. [NB - PNs]

3155. Nyiex ra: rong:, plong: ra: tiiep. -- Mawh ia:.

3156. Nyiex saux ang: pui viex eux kum:, nyiex yum ang: pui viex eux hu:.

3157. Nyiex seh nyiex laong:, nyiex blaong nyiex jee.

3158. Nyiex singao, krao: sioh.

3159. Nyiex Sip Khrang: Va, nyiex Ca: Lha: Meung. [NB - PNs]

3160. Nyiex sawg ex tix ot nyiex lhaong:, yaong: sawg ex tix ot yaong: hun:.

3161. Nyiex sum: siyawng, bawng: tawm siyiex.

3162. Nyiex vad Pang: Nhai:, nyiex jhai: Pang: Khawn:. [NB - PNs]

3163. Nyiex vad piang gawng, nyiex vawng daux meung.

3164. Nyiex vad Siiem: kaw:, nyiex haw: Siiem: tum.

3165. Nyiex vieh yaong: hun:.

3166. Nyiex yaong: jaong krawg.

3167. Nyawk mawh keei: mawh luat, nyawk mawh kuad mawh nyawm.

3168. Nyawm puing: nad loi:, nyawm ploi: nyaox nyawng.

3169. Nyawm kraik ngoi: khaing: nyawm oi: gawng:.

3170. Nyawm kuih plai:, lai: kuih eep.

3171. Nyawm cuang ang: kieh ax nyawm cod, nyawm ot ang: kieh ax nyawm ngawm.

3172. Nyawm mex khaing: nyawm vawng, bhawng: plai: khaing: bhawng: nex.

3173. Nyawm mex khaing: nyawm vawng, bhawng: khun: khaing: bhawng: pui.

3174. Nyawm nex preh, singeh cex nan:.

3175. Nyawm nex khaing: nyawm plai:, nyawm miexmai khaing: nyawm bun: krih.

3176. Nyawm ot siu: koe:.

3177. Nyawm yam laig, saik yam lih.

3178. Nyo ang: cix sak, lak ang: cix yoek.

3179. Nyo nang nyax, SiVax neung ma:. [NB dial.]

3180. Nyoeg mai: lhax, tax mai: yiex.

3181. Nyu: khaing: siuing:, kluing: khaing: sivai.

3182. Nyu: lawk lai: tang:, plang: lawk lai: lee.

3183. Nyu: simaox, caox siyawng.

3184. Nyu: yuh graih, baih yuh nyiex.

3185. Aw: tiex ang: pex aw: tawng, vawng Vax ang: pex vawng Man.

3186. Aw: kuih ting khaing: aw: khang:, taux ih lang: khaing: taux lig.

3187. Aw: lied nyhak, lhak ih priex.

3188. Aw: mai: kuad, muad mai: nyawm.

3189. Aw: ot yhot proe.

3190. Awp kah sighaux, laux kah um:.

3191. Awt kah tix kah ang: vai, pai: kah tix kah ang: brax.

3192. Awt kah sinai, pai: kah sidah.

3193. Awk lawk na, ba la theun:.

3194. Awk yam mha:, ma yam khet.

3195. Awm: tai iien: greem: khaox, awm: camaox greung sawm:.

3196. Awm: ing: meeik kawng bia:, awm: ing: hia: dawng: khaox.

3197. Awm: lox krox sux.

3198. Awm: meeing: [sic - meeik ?] daw kawng bia:, awm: ia: shiang: maong kaug.

3199. Awng: tix daux, laux tix nyiex.

3200. Awng: khaix ngu, hia: gu mai: lhiex.

3201. Awng: lung daux yia, hia: paing daux yeem.

3202. Awng: yu: ti sao.

3203. O: brax caik, aik brax te:.

3204. Ot ang: nyawm, sawm: ang: laig.

3205. Ot ang: nyawm, sawm: ang: sak.

3206. Ot ang: siu:, hu: ang: sikiied.

3207. Ot piang brung, cung piang sang:.

3208. Ot piang dieh lung, cung piang dieh raoh

3209. Ot teu: neeng lai: pin: cao:, ot kao: teu: lai: pin: khun:.

3210. Ot tix co, to: tix gawng.

3211. Ot kah rieh kah cix pang:, ot kah rang: kah cix kuah.

3212. Ot kawx diang klawng: ang: cix caux, ot kawx braux pui ang: cix glip.

3213. Ot mai: paoxtix ling: shiang:, kliang: mai: paoxtix ling: ju.

3214. Ot mai: tiex, nyiex mai: greeing.

3215. Ot mai: lox sinum, kum: mai: nyiex sibua.

3216. Ot mai: moing sivai, phum: mai: ngai: SiViex.

3217. Ot mai: siya:, kha: mai: sikuat.

3218. Ot mai: Siiem: loe: nyiex, ot mai: SiViex loe: yaong:.

3219. Ot greem: tawm:, ngawm piang ba:.

3220. Ot blawm: ngawm liiep.

3221. Ot daux duang mawh kawn: kax, ot daux krax mawh kawn: sinaw. [NB sinō]

3222. Ot daux nyiex moik ngawb moik bo, to: daux tiag plix tiah plix tung:.

3223. Ot du: gu: caox.

3224. Ot nyawm ngawm singeh.

3225. Ot sang: sawm:, ngawm sang: it.

3226. Ot voe doe: khaix. [NB vōui]

3227. Ot vu: viang phia:, dia: vu: viang pheen:.

3228. Ox tang: plawng:, gawng tang: praix.

3229. Ox te lai: rid, kawn: krid lai: sawm:.

3230. Ox te riex ang: shiao rawn, kawn: lhak lox ang: shiao gau.

3231. Ox tix plawng:, lawng: timu:.

3232. Ox tix gaw ang: cix mawh pang:, prang: timu: ang: cix mawh nyiex.

3233. Ox tix jhong: ang: piien: mawh pang:, nyiex tix lhang: ang: pre mawh yaong:.

3234. Ox koe: plawng:, klawng: koe: ngawd.

3235. Ox mhawm: krong: gawn:, bun: mhawm: sang: nyiex.

3236. Ox mhawm: krong: chix, nang cix kah rhawm:.

3237. Ox mhawm: mha:, ta: siox seung:.

3238. Ox mhawm: mai: pang:, nyiex grang mai: bun:.

3239. Ox mhawmmhawm: mai: pang:, yaong: grang grang mai: kuad.

3240. Ox lang: plawng:, rang: lang: taoh.

3241. Ox sum: tax pot kah bhaung:, rhax sum: keeing: laux kah naing.

3242. Pha: pheuk pheuk moi.

3243. Phak ngoing: vaig lang:, jheeih kiien: riang iak.

3244. Phak nawh ih tawg, sawk nawh ih gaox.

3245. Phak sigun: tawm: paing, mhaing: sigah tawm: sidauh.

3246. Phai: taix phai: caong, phai: phuih phai: taing.

3247. Phan: ex koe: taix, kraix ex koe: caong.

3248. Phan: nghox naog griex, yuh priex naog tung.

3249. Phan: bun: taix bex, phan: simex taix dawm:.

3250. Phan: ya: ki:, mi ya: kho:.

3251. Pheet laih ak ex nyu: liiet liiet, niied prawm: vao ex lhaong: leei: leei:.

3252. Pheen: klawk tawg cho:.

3253. Pheen: rhan: man: pre.

3254. Phi: sawng: na:, pha: sawng: gawm.

3255. Phit koe: kukaux, laux koe: ku nyiex.

3256. Phit koe: ku siviex nyiex, briex koe: ku siviex lawng.

3257. Phit cao: nghox caw sivai, phit cao: tai caw siviex.

3258. Phaw: kix lox, cox kix rhawm:.

3259. Phoi: nex lig, khik nex moi.

3260. Phawm: seng: peng pak.

3261. Phawn: tawm: nam cak, pak tawm: nam toi:.

3262. Phawn: khaox caox gawng:.

3263. Phawng: tiex kiag khaing: tiex haik meeik, siah keei: kling: khaing: luat aing: kawng.

3264. Phawng: tiex ciag, niag nghox ma:.

3265. Phawng: lawk tao, nao lawk thun:.

3266. Phawng: lawk nyaox, laux lawk nyia.

3267. Phriiet mai: ngu, phru: mai: rawm:.

3268. Phu: phrat yeung to: tang:, phu: phrang: yeung toh nex.

3269. Phuat paoxtix yeung maox hawm:, khrawm: paoxtix yeung eep kuat.

3270. Phuat mai: hawm: niex, priex mai: hawm: teei:.

3271. Phuat greem: niex, priex greem: teei:.

3272. Phyawk pui Cao: Kam: Phat, pat pui riied Klawng: Pung. [NB -PNs]

3273. Phyawk pui briex, giex pui con.

3274. Cha: tix gaong:, lhaong: tix tawp. [NB - measures]

3275. Cha: deem teem kawn:.

3276. Chat ak bie te.

3277. Chat te bie ak.

3278. Cheu: siox ku glhawk, chawk sinaw ku grawm.

3279. Cheh krak tawx tix roi, cheh moi tawx tix tawng:.

3280. Chawk paoxtix num: sidaing:, mhaing: paoxtix caong sidup.

3281. Chawk paoxtix num: sidaing:, mhaing: paoxtix brawk po: tauh.

3282. Chawk tix caing, mhaing: tix cie.

3283. Chawk tawm: cheng:, mhaing: tawm: pon.

3284. Chawk tawm: saux kaing:, mhaing: tawm: saux jheeih.

3285. Chawk tawm: sidaing:, mhaing: tawm: sidauh.

3286. Chawk kukaux, baux ku nge:.

3287. Chawk man: man:, vien kaux kaux.

3288. Chawk ra: dum:, cum ra: bawg.

3289. Chawk yuh lung taug pon, kwan sidaing: taug yaox.

3290. Chawh kawn: sang: hu: jhe:, nghe: kawn: sang: hu: jheue:.

3291. Chu: tawng: tiex ang: pon cau, ngau kawn: nyawm ang: pon nyaw.

3292. Chu: aw: mawh lok, kok pui mawh koe: kaing.

3293. Chu: chiien: prux dak, cu cag yhaok gleed.

3294. Chu: chiien: glaoh ngiex, lu liex rhawm: biong.

3295. Chuang: chi: vhi: vhang:.

3296. Chup paoxtix daux glie, khie: paoxtix daux rhawm:.

3297. Chup pix kah hau:, pau priex mai: Hawx.

3298. Chup nang tix daux iiep pai:, dai: nang tix daux iiep sub.

3299. Chuh lawk graik, haik lawk tam:.

3300. Chuh dawng: hia:, dia: kawn: lien:.

3301. Ra: loe: khui: tang:, ra: loe: lhang: law.

3302. Ra: loe: van ax plaung yeung geeih, phuan:,phwan: liah khix ax bleeih yaong: ot.

3303. Ra: loe: van kawn: Hawx koh rhiiem:, phuan:,phwan: liah ngaix kawn: Siiem: sawg mau.

3304. Rau kah rhauk, tauk kah maox.

3305. Rau khaing: rhauk, prauk khaing: rang:.

3306. Raug tin: sinum, grum tin: sibua.

3307. Rauk rawm: awm: chax.

3308. Raug rum grum rux.

3309. Rauh te pig tam: pon puing: klang:, lang: rhawm: keud tawm: pon prawng meung.

3310. Rauh te ce um:.

3311. Rauh krax hu:, sidu krax hoek.

3312. Rai Seung: Pang: Pat, Shiang: Nap Man: Tong. [NB PNs]

3313. Raix Yaong: Ung:, rung Yaong: Soi:.

3314. Raog khaox paw gu, ku pui paw laig.

3315. Raog khaox paw: gu, nu krax paw: lai.

3316. Raoh sox paw to:, yo pui paw cung.

3317. Raoh sox pui tuah plong:, kong: klix pui cia plai:.

3318. Raoh sox ux ia:.

3319. Raox nyiex kawn: sang: sawm:, raox nyawm kawn: sang: klieh.

3320. Reeig pui ngawm: hauk sang:, tang: pui ngawm tang: kak.

3321. Reeig ting ble, le lang: gaoh.

3322. Reeig riiem briiem: juang.

3323. Reeig sigu, gu sidax.

3324. Reem tai vai juang.

3325. Reem roi brux, lux siyiex pa: yawk.

3326. Riied mawh cao: tawx, krawx mawh cao: yeen.

3327. Riag ponbo, yo ponsawm:.

3328. Riah awm: yu, ju awm: tawn.

3329. Riiem maix ah, rud maix ah; dud maix ah, dai maix ah.

3330. Riiem groe nhawt, hawt khaix caong.

3331. Riiem riex priex jhong:.

3332. Riien: ang: koe: rawm: taux.

3333. Riien tix kah khaox ciak paw:, riien tix kah braw ciak ngai:.

3334. Riien: tawm: yaox tix sak, lhak tawm: yaox tix mi.

3335. Riien: kaing khaing: miex ia: taw:, haing: it khaing: miex yaw nong:.

3336. Riien: rhawm: tix kah pui ang: mhawm:, priex rhawm: tix kah kaing ang: mawh.

3337. Riien ngawg maix kah hak!

3338. Riieng kah ma:, sa: kah tiex.

3339. Riieng khix cai: [sic], lai: rhawm: khun: Siiem:.

3340. Riieng khix cai [sic], dai: rawm: khaox.

3341. Riang nyiex krax ma:.

3342. Riang simex, nex sivai.

3343. Rib glaoh khaix proe, kawndoe: khaix keeing:.

3344. Rib glaoh sawm: tawn, nyawm awn: liang moi.

3345. Rib bluh guh jhan:.

3346. Rib riiem tawm: jhuih, lawm: muih tawm: iak.

3347. Rib riiem lai: juih, rhawm: muih lai: ih.

3348. Rib riiem yix liiep nghox kiex koi:, soi: nhang: yix liiep miex kiex keeing:.

3349. Rid bug lug ru.

3350. Rid rong: dang: plai:, thai: dang: aw: ot.

3351. Rid sibeng, greng sidu.

3352. Rieh pa: tang: ang: koe: maox breuk, rang: pa: nya ang: koe: glhawk dig.

3353. Rieh ru gu jo:.

3354. Rieh saik mawh rawng, gawng paih mawh kaung:.

3355. Riem ma: gla kaing.

3356. Raw ang: raw koe: mai: miex, sidiex ang: sidiex koe: mai: keeing:.

3357. Rawg bwanson:, teei khwan: tan.

3358. Roik rawm: ngai:, bai rawm: meeih.

3359. Rawm: aing: kax, lhax aing: sim:.

3360. Rawm: ang: sax hit khaing: Krawng:, vawng ang: sax die khaing: Hawx.

3361. Rawm: peu peug rawm: rau khaing: rang:, Krax Loi Khang: krax hax Keeing: Kat.

3362. Rawm: taux beeik khaing: tawk.

3363. Rawm: tai puih keem: siah keei: kling:, ting ngu phru: keem: nyawm eep kuih.

3364. Rawm: tai puih khaing: tai klaw:, khaw: lox krai khaing: kuad yaong:.

3365. Rawm: hia: pa: ton, khao: mun pa: tie:.

3366. Rawm: lhiex to khuang:, rawm: rawng kuang meung.

3367. Rawm: hu: dee tiiem:, pui liiem dee laoh.

3368. Rawm: ciex piang hiax, rawm: lhiex piang ma:.

3369. Rawm: lauh jauh maux.

3370. Rawm: mia: lai: laig, jhiien: ia: sitauk.

3371. Rawm: maw: Man: Yang:, rang: tiiem Kaung: Saung:.

3372. Rawm: naog sak, ak priex yie.

3373. Rawm: dig sigu:, krax hu: sidawng:.

3374. Rawm: duang lhax kawn: khao: khrap, kax duang Saung: kawn: kawb gai.

3375. Rawm: dung nyaux vi, dee vhi: kawnpraix.

3376. Rawm: neem ia:, rawm: mia: goe:.

3377. Rawm: ngub dee taong: eux kie, rawm: mie dee vie eux tod.

3378. Rawm: niex lai: lawk yaog tix cah, rawm: ngai: duang lawk nyah tix ngawm.

3379. Rawm: nyaux taux rheep.

3380. Rawm: chax chu:, ta: pu lon:.

3381. Rawm: rawng paw kieh hit khaing: phai:, ngai: lai paw kieh grai: khaing: rhawm:.

3382. Rawm: rawng naog phai:, ngai: lai naog phuk.

3383. Rawm: thai: teung:, meung thai: cao:.

3384. Rawm: thai: diang:, simiang thai: cao:.

3385. Rawn ax pot ox tix mha:, hu: ax pot ma: tix krax.

3386. Rawn paoxtix ih khaox diak, tiag paoxtix ih kong: feung:.

3387. Rawn pui te eux lawk rawn thu:, hu: pui naing eux lawk hu: ma:.

3388. Rawng: rhax tax du.

3389. Rob pen: gloe, toe: pen: daung:.

3390. Rong: teei tawm: pang: pat, lat teei tawm: pang: hawm:.

3391. Rong: krao: sao: heun:.

3392. Rong: geeih krao:, sao: sang: nyiex.

3393. Rong: geeih si ang:, rong: tang: simaox.

3394. Ru Nam gawng:, Rawm Mawng goe:. [NB PNs]

3395. Ru Nam Siiem: Tawng:, Rawm Mawng Gawng Han:.

3396. Ru seh theh aing: lig, ru laong: nghaong: eeppid.

3397. Ru seh theh aing: lig mawh bee, ru laong: nghaong: eeppid mawh sibo:.

3398. Rub kax ang: pon, briex bun: ang: hoek.

3399. Rub kax ang: pon, jao: khiong: sivun; jun: laux ang: hoek, jao sikhox nyiex.

3400. Rub kax ang: sax pon, mhaing: bun: ang: sax cu.

3401. Rug yeung shiang:, kliang: yeung lox.

3402. Ruih plaok khaux lawn.

3403. Rung: praix sibried klawng:, kroh gawng hit rawm:.

3404. Rung: cak dak sang:.

3405. Rung: cut ma:, kla: cut tiex.

3406. Rung sum: tax, rhax sum: keeing:.

3407. Sa: [sic] paoxgrawm ang: koe: nyiex it, phit moeg yaong: ang: koe: dee paung.

3408. Sa [sic] pui cao: tix ang: kaig, caik pui cao: tix ang: saux.

3409. Sa di: peu san:, kan: di: peu co:.

3410. Sap pui nad ex klawm: krong: khaw:, phaw: pui naing ex hu: thai: ma:.

3411. Sat paoxtix kah sigah lang:, sang paoxtix kah sigah kin:.

3412. Sat paoxtix ih sigah lai, krai paoxtix mhong: sigah lhak.

3413. Sat pui hauk ku rhang: sigah, ah pui lai ku: gah krax ting.

3414. Sat nawh lawk hauk, baug nawh lawk shiang:.

3415. Sau: paoxtix koe: cee, yee paoxtix koe: mu:.

3416. Sau: paoxtix ngawm mhawn:, nyawn: paoxtix ngawm khaox.

3417. Sau: tix ih koi:, groi tix ih nghox.

3418. Sau: kah tiex, priex kah tug.

3419. Sau: koi: lha: kaux, sau: taux lha: kuah.

3420. Sau: nghox ang: cix lai:, sau: tai ang: cix bruih.

3421. Sau: nghox kuah, sum: muah plaung.

3422. Sau: rhit plak jee, yaog meei plak blaong.

3423. Sau: lawk kaing: khleep dee, jee ngai: kaig dang: aw:.

3424. Sau: greem: gleut, keud daux rhawm:.

3425. Sau: blum: pid kah ak, sawn: rhawm: lhak mai: kaing.

3426. Sau: daux bau:, tai: hawt juang.

3427. Sau: daux ngai: kah ang: kuih, lhuih daux jheeih kah ang: khap.

3428. Sau: simie koi:, ploi: simie nghox.

3429. Sau: simie daux ma:, van: kla: daux kaung:.

3430. Sau: sub kah iiep, thiiep nyhee: kah hau:.

3431. Saux ang: koe: ra: dum:, yum ang: koe: ra: bawg.

3432. Saux ang: lai: ah ia:, ngia ang: lai: ah lig.

3433. Saux ang: lai: kum:, yum ang: lai: khu:.

3434. Saux ang: lai: khit, phit ang: lai: lang.

3435. Saux ang: lai: awm:, sibhawm: ang: lai: yaox.

3436. Saux ponsawm:, yhawm: pon priex.

3437. Saux pruik sim: kah kuah tix plix, saux nex pui kah yuh tix kaing.

3438. Saux taix kah yaog tix moe:, peei: nyoi kah klawm: tix khaox.

3439. Saux tix dum: mai: ox tix plawng:, yum tix dauh mai: lawng: timu:.

3440. Saux tix dum:, yum tix dauh.

3441. Saux tot siuing:, yum puing siyiex.

3442. Saux kah tawm:, yum kah keh.

3443. Saux kaing: tawx ih plai:, saux ngai: kraix ih sidah.

3444. Saux kaoh greem: ngai: liag, yum kaoh greem: tiag caong.

3445. Saux klip kah klawm: tix moe:, meei caong kah loe: tix khaox.

3446. Saux klip kah klawm:, beuh rhawm: kah bleng:.

3447. Saux kawn: cix khriiem:, rhiiem: kawn: cix rhaw:.

3448. Saux kawn: grawn miex.

3449. Saux koe: ku jhong: rhit, phit koe: kukaux pui.

3450. Saux krat mai: bi:, saux hi: mai: nyaox.

3451. Saux krih dum: hoek, yoek sivai dum: praung:.

3452. Saux nghim: kah caik tix koi:, saux nyoi kah ploi: tix cang:.

3453. Saux nghim: kah caik tix koi:, saux nyoi kah raox tix hon:.

3454. Saux nghim: kah caik tix vhang:, saux rhang: kah ih tix taux.

3455. Saux nghim: kah diex tix, sigiex kah biong tix.

3456. Saux hoik khit, phit hoik cai.

3457. Saux hoik moi:, soi: hoik paing.

3458. Saux rhang: braing:, saux kaing: kap.

3459. Saux ia: tang: tawm:, yum bun: tang: keh.

3460. Saux cao tum:, yum cao grai:.

3461. Saux mai: paoxtix dum:, yum mai: paoxtix bawg.

3462. Saux miex sigiex kawn:.

3463. Saux mawh nin: tix dum:, yum mawh nin: tibawg.

3464. Saux dee mawx tix dum:, yum dee mawx tibawg.

3465. Saux nyoi kah ang: kawg, saux ngawg kah paog rawng.

3466. Saux sigla:, ngia sigheen:.

3467. Saux vaig kah moik bi:, siki: ngai: kah ding: tawng.

3468. Sak kah an: sieux, kreux kah an: sang: hao:.

3469. Sak mai: taux, kaux mai: brie lai.

3470. Sak awm: toeg, yoek awm: lak.

3471. Sak sawm: nyawm it.

3472. Sak sawm: nyawm nyaux.

3473. Sak sawm: nyawm ot.

3474. Sak vaig naog tu.

3475. Sak veg thek rhang:.

3476. Sak yuh toeg, yoek yuh lak.

3477. Sai: am: lap, tap am: yiien:.

3478. Sai: Saw: kaw: praix.

3479. Sai: Saw: rhaw: gep, moek tung: jung klix.

3480. Sai: Saw: brug brung, Yaong: Rung cah dieh.

3481. Saik ang: tie suang:, tawng ang: tie yung.

3482. Saik paoxtix ngawm tang: kag, vhak paoxtix ngawm tang: neung.

3483. Saik tix ih kaing: daw:, kaw: tix ih kaing: nuk.

3484. Saik kiex mawh rong: du, su: kiex mawh mex moeng.

3485. Saik rhang: maw:, kaw: been mhawm:.

3486. Saik rong: haw:, taw: gum: lox.

3487. Saik rong: jawn:, sawn: rhawm: lhak.

3488. Saik simaox koe: juang, prawng haktiex koe: mee:.

3489. Saih tuih siyawng lawd.

3490. Saing: ang: shiao hok, sok ang: shiao boe:.

3491. Saix Meung Kreu, ceu Meung Mao. [NB - PNs]

3492. Sam: pak ca tivud ticu, ha: pak cad ling: ju ling: phan:. [NB]

3493. Sam: pak ca, ha: pak cad. [NB]

3494. Sam: pak mo: khao:, sawng: kao: fak tu:.

3495. Sam: pi: ho: nya, ha: pi: ho: fēug.

3496. Sam: pi: cee: cai: ma, ha: pi: cee: cai: kun.

3497. Sam: pu: thao:, kao: pu: nhum:.

3498. Sam: ing: tawk eux lon: tiex thai:, sam: ing: vai: eux rawm: daux kaung:.

3499. Sam: Sai: Ai: Nyi.

3500. Sam: sip hiang: ma, ha: sip hiang: vo.

3501. Sam: van tok , hok van tiek.

3502. San: khawt sawt lang:.

3503. Sang: plud eux mai: mawx khaix moe:, sang: toe: eux mai: mawx kaing yuh.

3504. Sang: priex ngiex jheeih.

3505. Sang: kaw: fa:, la kaw: meung.

3506. Sang: lhek veng tawng.

3507. Sang: khao: na, an: nya khao: van:.

3508. Sang: mawh nyiex, pak mawh yaong:.

3509. Sang: sawg nawh tix vien simie, sang: sawg nawh tix kie sigeug.

3510. Sang: sawn: awn: pa.

3511. Sang: yaox pui haok khaox lhaong:, sang: pon praong: cix tix taong: jhawk.

3512. Sao: lhong: pen: lhek pen: ka:, keng kha: pen: kham: pen: ngeun.

3513. Sao: lhong: tiiem tao, sao: kram tiiem lin.

3514. Saoh kiex krang: su: saix plai: prim:, kiex khun: Ok Piem: Sam: Law. [NB - PNs]

3515. Seu: cang lang ca.

3516. Seu: pha: keut lun to:, pho: me kan: keut lun cu.

3517. See: nawh yeet, preet nawh grai:.

3518. Seeb kon yeung hang: kai:, thai: kon yeung pan: nya.

3519. Seeb hoi: toi ngeun.

3520. Seet kah num:, sum: kah tiex.

3521. Seet nawh koe: num:, sum: nawh koe: ceu.

3522. Seet si ang:, pang: simaox.

3523. Seet si ang: ia:, kia: camaox khiien:.

3524. Seet simie bi: kah nawm:, sawm: simie nghox kah ma:.

3525. Seeing: pui eux mawh miexmai, brai: pui eux mawh pui nong:.

3526. Seeing: tai brai: maung.

3527. Seeing: ex kah saux, laux ex kah yum.

3528. Seeing: kah ngai:, brai: kah juang.

3529. Seeing: kah priex ex yum kia:, seeing: kah ngha: ex yum kroh.

3530. Se: tawm: ngai: tix khaing:.

3531. Se: mau sam: pak, se: krak tix rheng:.

3532. Si ang: eek ghok plai:.

3533. Si ang: ia: caox, camaox khiien:.

3534. Si ang: caox khaing: siyaox niex.

3535. Si ang: gaik paox, camaox nghiiet miex.

3536. Si ang: seet eux loe: beng mawk, lhax sibawk eux loe: beng bia:.

3537. Si aoh praix kieh tum:, sinum praix kieh kuah.

3538. Sitawm: blai, krai tawm: phawng:.

3539. Sikiied rhawm: kah rawm: moik bi:, siki ngai: kah sai: ding: tawng.

3540. Sikhi: pi: man:.

3541. Silid viex yix ang: koe: mee pai:, plai: viex yix ang: koe: su: saix.

3542. Simah pui tang: vaig tix diex, tu: tiex kax tang: rawm: tix dung.

3543. Simah ngawb mhawm: bo.

3544. Simah sim: mai: peeb tix tai, simah pui mai: vai tix juang.

3545. Siman: pui mhong: maox, sibaox pui mhong: lai.

3546. Siman: pui yaox maox, sibaox pui mhong: lox.

3547. Siman: maox awng: luang viex blie, sibaox lox klang: cie tiex bhaung:.

3548. Simaox koe: gawm, nyawm koe: jhawm:.

3549. Simeem meeik mai: tiex riang goe:, sigoek pui mai: biong paung: toeg.

3550. Simeem meeik mai: maix khawm: bee:, sighee: pui mai: maix khawm: uik.

3551. Simex keen kheue:, bun: koe: nyiex.

3552. Simex mhaing: paing paw:.

3553. Simex lang: diang, simiang ting klix. [NB]

3554. Simex lang: diang, simiang ting bwan:.

3555. Simex mawh khaox jaong lawng, bun: mawh gawng caing praix.

3556. Sigaux maix daux lawng:, sigrawng: maix hu: gawng meeig.

3557. Sigah caox lox nu.

3558. Sigah mai: pa: lheet, teet mai: pa: aw:.

3559. Sigah mai: pui aw:, lawk law: mai: pui kuad.

3560. Sigah mai: nyawm: kieh siduad, sigah mai: kuad kieh tawng.

3561. Sigah mai: Siiem: kieh deuh niex, sigah mai: SiViex kieh deuh vaig.

3562. Sigah mai: Siiem: kieh awx, sigah mai: Hawx kieh ee:.

3563. SiGang: Raix coeh khrawng:, Laih Klawng: coeh jhat.

3564. Sigiieb lung pa: lung khaing: coih, kla: koi pa: ngoih khaing: khri:.

3565. Sigit ang: pon priex, siyiex ang: pon yaox.

3566. Sigit piang rang:, sigang: daux meung.

3567. Sigit ting pang:, simiang ting ceu.

3568. Sigit kah griex, siyiex kah khwan:.

3569. Sigit ih ex ox tipang:, sigang: lih ex daux timu:.

3570. Sigit nex ma:, ga nex kroh.

3571. Sigit jhaok kieh maix poek, moeg yaong: nong: kieh maix paoh.

3572. Sigit pha: yawng:, kawn: vawng meung Hawx.

3573. Siging: klawng: ang: tai, rheng: vai ngai: ang: vhah.

3574. Sigawm: rhit, sigid plai:.

3575. Sigrit kawn: sawg paox o:, sido kawn: sawg paox aik.

3576. Sigrit mhaing: tix ba:, sigra: mhaing: tix rawm.

3577. Sigrit laklo:, sido lang: kaing:.

3578. Sigrit lang: ba:, sigra: lang: caong.

3579. Sigrih yaox vaig, sigaig yaox rhawm:.

3580. SiGu ang: tau tang: phliex, SiNiex ang: tau tang: ru.

3581. SiGu klawm: kraung priex, SiNiex viex kraung it.

3582. Sigu: klawng: kawn: tawng tix cawk, sijhawk krax kawn: tawng: tix awng:.

3583. SiGu mawh SiGu tau tix nyiex, SiNiex mawh SiNiex tau tiru.

3584. SiGu riex, SiNiex vao.

3585. Sigu: rawm: khaix hu: klang: kax, singax nyiex khaix ing: lien: Hawx.

3586. Sigu: rawm: khaix pu: klang: kax, yiien: yaong: vie khaix to: kawnpraix.

3587. Sigwang rhit, sigid plai:.

3588. Sigun: paing ce: ang: dud, rhawm: muih dud ce: ang: grai:.

3589. Sigun: ih lai: laig, rawm: mia: baig lai: luan.

3590. Sigun: lai: jhauk, jhiien: ia: lai: tauk.

3591. Simi ngeg ang: yaox nawng, simi gawng ang: yaox pui.

3592. Simi ngu hoik tai, simi ngai: hoik deei:.

3593. Simiang ting diex, SiViex lawm vaig.

3594. Simiang daux nyiex, sox liex gawng: krax.

3595. Simiang ngu mawh rawm:, simiang sibhawm: mawh priex.

3596. Simie prim: paw: kieh pruat, sigah kuad paw: kieh grai:.

3597. Simie koi: ang: dak, simie yag ang: grai:.

3598. Simie koi: ang: dak, simie yag ang: grai:. [sic]

3599. Simie koek dawk toh tix co, simie praix dawk bo tix kum:.

3600. Simie nghox tung:.

3601. Simie nghox simie koi:, simie soi: simie kawn.

3602. Simie nghox sok tai.

3603. Simie rib koe: kah nawm:, jhawm: lhak koe: kah kuad.

3604. Simin: diang ku diex, sidiex rhawm: ku: gum.

3605. Sibauk khlut mawx pon toe:, kawndoe: yiem mawx pon priex?

3606. Sibee: nyoig, simawd juang.

3607. Sibeed kaong: maw:, Sai: Saw: kaw: praix.

3608. Sibeed kawk cang lhek Kaung: Kaw:, sivawg rhaw: cang lhaw: Kaung: Tum:.

3609. Sibeed kawk, sivawg rhiiem:.

3610. Sibeem ang: riiem mawh taux phai:, paox aik ang: tai: mawh pui praw:.

3611. Sibeem taux, bang: laux sawm:.

3612. Sibeng lat gu, sidu rhawm: keud.

3613. Sibeng mu:, sidu juang.

3614. Sibex ang: nyang caing khiiep, lox su: siiep ang: nyang mhong: mu:.

3615. Sibex paing een: lai pawd, man: sa: cing: awt rawm: ngai:.

3616. Sibex piem moi, sikhroi: klang: ma:.

3617. Sibex hak lai:, dai: hauk sim:.

3618. Sibex caing cag, sikag caing kong.

3619. Sibex caox reem rux, dai: cux reem roi.

3620. Sibex gawp dhah mai: nyoi, khlax siox seung soi: mai: tiex.

3621. Sibex jung dhah mai: nyoi, khlax siox seung: soi: mai: tiex.

3622. Sibian tix koe: iien:, siviien tix koe: mau.

3623. Sibian tawm: koe: iien:, siviien tawm: koe: mau.

3624. Sibieh koe: cao: thiien:, sibian koe: cao: tieh.

3625. Sibix hawt klawng:, sibawng hawt mee.

3626. SiBlaung Kaung: Khu:. [NB PNs]

3627. SiBlaung Kaung: Miex.

3628. Sibluah tum:, sinum hoek.

3629. Siboig pa: poe:, sibroe: pa: tum:.

3630. Sibrawm pot pon tix toe:, kawndoe: lawt pon tix rheng:.

3631. Sibrawm mhawm: tai, khram: khrai: mhawm: pruih.

3632. Sidauh tawm: kaing:, sidaing: tawm: praok.

3633. Sidah nyawm plai:, sinai nyawm kum:.

3634. Sidaix im:, sidim: kroh.

3635. Sidax toi: ang: tawx eux pak, sigah lhak ang: krai eux mhong:.

3636. Sideed caong kah lon: tiex thai:, su: sai: ngai: kah kraung sang: loh.

3637. Sidiex hu:, simin: ing:.

3638. Sidim: khix hoik koe: ra: ra:, tinga: num hoik koe: ra: phuan:,phwan:. [NB calendar]

3639. Sido brax tiiet, ang: riied brax thiang:.

3640. Sido brax tiiet, kawn: siiet brax blex.

3641. Sidu kaux mai: rawm: huan:,hwan:, sidu bwan: mai: siyiex.

3642. Sidux ang: nyang tawng:, sidawng ang: nyang toh.

3643. Sidux vaig ex ox tipang:, SiGang: lih ex daux timu:.

3644. Singaix hoik klip, singib hoik luan.

3645. Singaong khaing: rawm: duang lhax, singax khaing: kax duang Saung:.

3646. Singax laing, paing yaw.

3647. Singax mai: rawm:, mhawm: mai: kraung.

3648. Singeh ot yaong:, singaong aw: priex.

3649. Singiien kraix, singaix sawm:.

3650. Singiien: mawx ang: max mawh pu:, bun: mawx ang: cu: mawh aw:.

3651. Singiien rang:, SiGang: keut.

3652. Singiien sum: eux dai hawt Saung:, nghox rhuat eux kaung: seh nyiex.

3653. Singie jie see:. [NB]

3654. Singuang soh brex, simex kawn: keeing:.

3655. Singuang teem ruih, rhawm: muih tiang ju.

3656. SiNiex briex moi.

3657. SiNiex riex jheeih, Yaong: Rung jung yhaok.

3658. Sijeen: plawg, sijhawk nyiex.

3659. Sijeen: vaig khawm: krawng:, sidawng: pui khawm: meung.

3660. Sighiiet pang: ox, sighox pang: muah.

3661. Siglhu: hawt law, sinaw hawt bun:.

3662. SiGho: Yaong: Nhawng:, Klawng: Mhang: Taoh Riex. [NB PNs]

3663. Sigrhawm: pui tix cie, simie pui tix mawh.

3664. Sigrhup pui mai: hu: ticu, sivu pui mai: yuh tix kaing.

3665. Sigrhup tu, sivu yaog.

3666. Sighu: taing:, sidaing: lox.

3667. Sinum sim: mai: silawg, luah krawg mai: klawng: mawng.

3668. Sioh yuh tu, siu: yuh yaong:.

3669. Sioe: lhax lhawng:, bhawng: lhax tux.

3670. Sioe: nghaik yuh bawng:, sioe: ngawng: yuh nyiex.

3671. Sioe: ngheei: sang: hawt grawng:, sioe: bhawng: sang: lawng khaix.

3672. Sioe: awp tawm: meung vawng, sioe: bhawng: tawm: meung Hawx.

3673. Siox kai: kaw:, sinaw aw: kaux.

3674. Siox cun: ku glhawk, sinaw chawk ku grawm.

3675. Siox brug prang:.

3676. Siox brug prang:, simiang kheem: kuad.

3677. Sisip nix khio: hang:, ha: sip nix hiang: cud.

3678. Siu: ngu brawk khaing: cawk deem:.

3679. Siuing: paw kieh koe: krax kie, singie paw kieh koe: krax laih.

3680. Siuing: klai, sivai mhaing:.

3681. Siuing: kwan krax, SiVax pau diang.

3682. Siuing: kwan krax, SiViex mug kaing:.

3683. Siuing: khawm: greeih, krih khawm: sivai.

3684. Siuing: lai, sivai preeih.

3685. Siuing: gut kuax, luax pon kaing:.

3686. Sivaig mai: prang:, klang: cie: mai: ma:.

3687. Siviien tawm: mie sox ang: ih aing: tix.

3688. Sivawg kah ding:, hing: ting kah gok.

3689. Sivawg rheeng: rhaw:, sinaw rheeng: riem.

3690. Sivawg lawm mai: eux ku giah, sigah briah mai: eux ku gum.

3691. Sivu kah pliah, siyiah kah bwan:.

3692. Sivu kah maox rhix, krix kah maox loi:.

3693. Sivu kah maox jhong: luh, tuh kah miex kiex keeing:.

3694. Sivun lon: maox tee: jiang: lia, baig rawm: mia: mawx deeih bleet?

3695. Siyeh khaing: paoxtix gawng tang:, siyang: khaing: paoxtix yaong: ot.

3696. Siyiex ang: pon yaox.

3697. Siyiex tee: tawng, siyawng tee: yaox.

3698. Siyawng pa: vien hauk, siyiex pa: jhauk khwan:.

3699. Siyawng kah tiex, siyiex kah ma:.

3700. Siyoeng mu: nghox, siyox lox krai.

3701. Siyox sibhawm:, sidawm sikuat.

3702. Siah tix gix pa: ang: koe: kak, bak tix ih pa: ang: koe: tux.

3703. Siah keei: kling: khaing: luat aing: kawng, phawng: tiex ciag khaing: mhawng: sawm: mawt.

3704. Siah giien: cix koek rib tang:, riien: pid cix jiang rib sok.

3705. Siah giien: khaing: greeing taw tiex, riien: pid khaing: lheux siah mu:.

3706. Siah giien: khaing: miex ia: caw, riien: kaing khaing: miex yaw nong:.

3707. Siah ngai: grheeng:, rheeng: bo kum:.

3708. Siah ngai: grheeng: khaing: ngai: khrang:, nyawm krih loi: khaing: krih lang.

3709. Siiem: tang: prawng nyiex, SiViex tang: prawng yaong:.

3710. Siiem: tieh, SiViex mug.

3711. Siiem: klawm: khrawng:, Hawx lawng krax.

3712. Siiem: Klox tieh jum, Siiem: Tum pheen: meung. [NB]

3713. Siiem: Saung: Kaung: Miex.

3714. Shiang: een: miex eux daux pang: kat, pad een: keeing: eux daux pang: keun:.

3715. Shiang: daux kat, pad daux khaox.

3716. Shiang: Cum: Thu:, Vu: Sang: Sing:.

3717. Shiang: awng: ka: nya pa: lawg.

3718. Sip pi: liieh: sao:, sao pi: ao: me.

3719. Sip pi: maw: peet kaw: pen: ye khao:, sao pi: maw: pao: kaw: pen: me hao:.

3720. Sip pi: yawn ma, ha: pi: yawn vo.

3721. Sip et tem: tawng:, sip sawng: tem: ye. [NB calendar]

3722. Sip et nog nawn, sip sawng: khawn: tieb.

3723. Sip ex tin: khawm: sao ex tin:, kao: ex tin: khawm: nga: ex tin:.

3724. Sip kawng lung gawng: tai, sai kawng klai lhax nghox.

3725. Sip ha: maw: tok, sip rhok maw: yawm.

3726. Sip hok khao:, hok sip awk.

3727. Sip cao: fa, ha: cao: cum:.

3728. Sip caomi, sihan: lhong:.

3729. Sip man: nawg yang maw: taw: ai: sa: kawk ceng nai.

3730. Sip meung khao:, kao: meung awk.

3731. Sip nawh lawk nghox, mox nawh lawk shiang:.

3732. Sip pha: maw: keeng: khan:, sip lhan: maw: keeng: lug.

3733. Sip sak a:, kha: sak rhawm:.

3734. Sip van ka:, ha: van pawg.

3735. Sip van cin: pa:, ha: van cin: neu.

3736. Sit taux lig hawt grawh, yuh yang: yhawh piang ku:.

3737. Sit cao: meu giien: tix, miien: cao: kuih cex tix. [NB]

3738. Sied vaig naog tu.

3739. Sim: ang: tak, lak ang: kuaih.

3740. Sim: peeig tai, pui vai juang.

3741. Sim: peeig tai ha: peeig khawm: kho:, pui vai to: ha: vai khawm: kaux.

3742. Sim: pik pik sim: pot yuh braw, sinaw Ai: hu: vhi: greem: nyiex.

3743. Sim: puing: lhaong: pu:, krax hu: dawd diang.

3744. Sim: tang: lhax, krax tang: hu:.

3745. Sim: tix geh, preh tix mheem:.

3746. Sim: tum: kak tie, nyawm pie bing: krax.

3747. Sim: kah koe: taik, saik kah koe: rawm.

3748. Sim: kaoh meeik, toeg khraox khrie:.

3749. Sim: kawn: tuah tix ih gai, lai: kawn: kraix tix ih braw.

3750. Sim: krix kah nyax, kax krix kah kreem:.

3751. Sim: kut greem: praox, raog kaog greem: yeem.

3752. Sim: lhaox ang: sax yoek kah plix ku:, sinaw ang: sax die krax hu:.

3753. Sim: mhaing: tix ih moik, kiang hoek tix ih kleem:.

3754. Sim: mhawm: hauk, laux mhawm: grang.

3755. Sim: yhang: yhot sim: tot lhax moe, khun: khloe: lox khun: ih aing: lig.

3756. Sim: ih piang, kiang ih greem:.

3757. Sim: luang tiex jhie:, klang: cie tiex bhaung:.

3758. Sim: muih tix co koek, nyawm muih tix poek aw:.

3759. Sim: sai: lai: kiang.

3760. Sim: sai: mhawm: grang, lai: kiang lang: sidax.

3761. Sim: saik ang: koe: nex piang, kax kiang ang: koe: nex seet.

3762. Sim: sang: sawm:, nyawm sang: klao:.

3763. Sim: saox pu:, nyo saox hoek.

3764. Sim: seet ang: sax tuih pang: loi:, Yaong: Soi: ngoi: ang: ih kaing: khlax.

3765. Sim: seet tawm: kah mad nghox jhoi:, lang: Thoi: keut daux haw Peux Cing:.

3766. Sim: sigaux, laux simiang.

3767. Sim: uing: piang ma:, kla: reem greem: tiex. [NB]

3768. Sim: uing: tum: khaing: ma:, sivai pha: daux meung.

3769. Sim: viex te, le viex nyax.

3770. Sin: ex lih tix mawh sin: nai:, tai ex lih tix mawh tai khrum:.

3771. Sin: la: Vu, kru la: pang.

3772. Sin: maix caik eux kah sivid, sin: maix pid eux kah muih.

3773. Sin: maix caik kah eux sivid, sin: maix pid kah eux rhawm: muih.

3774. Sin: mawh kraox sang: yeh tix piiem:, sin: mawh rhiiem: sang: tiiem: tix iak.

3775. Sin: mawh khaox kid tix klawm:, sin: mawh rawm: dawm tix nyaux.

3776. Sin: mawh le tee: hoik sip tiah; sin: mawh viag tee: hoik khliak rang:.

3777. Sin: moik hoik prie.

3778. Sin: moik hoik priex.

3779. Sin: nai: tai khrum:.

3780. Sin: yie brie haoh.

3781. Sawt awn: sawn: leen.

3782. Sawg ax ih tawm: een: raig, paik ax sawm: gaox een: pui.

3783. Sawg pui tix pieh, ang: pui sang: tieh tix iak.

3784. Sawg pui tix kum: kah nyiex caomi, ang: pui sax sawg tix vhi: kah nyiex han: lhong:. [NB]

3785. Sawg tix koe: nyax, tax tix koe: tawng:.

3786. Sawg tix ih krax tiang, jiang tix ih krax to:.

3787. Sawg tix ih ku:, hu: tix ih caung.

3788. Sawg tix soh krax gawng gi:, sawg tix vhi: praix mhawm: grang.

3789. Sawg tawm: yaox, raox tawm: pon.

3790. Sawg ku krax, sivhax ku diang.

3791. Sawg gaox tawm: paing, mhaing: bun: tawm: pon.

3792. Sawg moe: lawm lug liah, tiak simex mhaing: thai: kaung:.

3793. Sawg jaw yaox puing: sim:, taong: deem: yaox dip kiang.

3794. Sawg nyex mai: vhaik, laig laih mai: beung:.

3795. Sawg nyiex seh tix saing:, mhaing: nyiex laong: tix glawm:.

3796. Sawg sikhroi: lhop lhang:, sawg niex plang: tie ngai:.

3797. Sawg sim: tix koe: ra:, sawg ka: tix koe: loe:.

3798. Sawm: ang: mawh sigrit, it ang: mawh bun: krih.

3799. Sawm: paox gie miex.

3800. Sawm: paox miex, priex riang keeing:.

3801. Sawm: pie sak, ngiah pie khaw:.

3802. Sawm: plai: mawt, yawt plai: prim:.

3803. Sawm: praix nyaux klawng:.

3804. Sawm: tiag jhie:, cie gie yi.

3805. Sawm: eeppid, sivid eep paing.

3806. Sawm: eep pruat caong pheen:, ih priex kheen: caong lawng.

3807. Sawm: eep koe: krat, it jhat koe: hung:.

3808. Sawm: eep kuat kre: aw:, ngaw rheep lhung: kre: tawng:.

3809. Sawm: eep kuih tawn, rheep rawm: cawn keed.

3810. Sawm: eep caong rieh, pieh plix caong rang:.

3811. Sawm: eep mawt, ngawt plai: prim:.

3812. Sawm: eep naw pa: awn:, sawn: lai Raog pa: yie.

3813. Sawm: eep awm: koe: krat, it jhat awm: koe: hung:.

3814. Sawm: kaux nyaux nham:.

3815. Sawm: kah kaing:, aing: kah paw:. -- maw:.

3816. Sawm: khaw: tix bleet, it khaw: tix keud.

3817. Sawm: lig miex, priex nyiex hun:.

3818. Sawm: miex priex kuad.

3819. Sawm: re: kle ngai:.

3820. Sawm: riah ciah rao.

3821. Sawm: sang: dang lag.

3822. Sawm: siniag, khliak si ang:.

3823. Sawm: sivai rao rhax, cax kala haktiex.

3824. So: nawh lih, plih nawh hu:.

3825. Sop pin: lin tob.

3826. Sop pot lot yao.

3827. Sop lam: kam kreu.

3828. Sop yam kam ka.

3829. Sok tai simie ke:.

3830. Soh tiag ang: shiao viex pai:, thai: ma: ang: shiao viex khaw:.

3831. Soh krax mhawm: gi:, vhi: praix mhawm: grang.

3832. Soh ma: ang: shiao viex vaig, haik tiex ang: shiao viex phrang:.

3833. Son: mak hak mai.

3834. Son: maw: cag pen: kha:, pi: nawng maw: kha: pen: peun.

3835. Son: yawk pex kai pi, lug li maw: keeng: fo: ca.

3836. Song: priex niex kaing.

3837. Song: mawh priex, niex mawh kaing.

3838. Song: mawh ghin:, kin: mawh lox

3839. Song: mawh ghin:, kin: mawh sidah.

3840. Sox ang: tawng nham:, tam: ang: tawng daux.

3841. Sox ang: baox sawm:, nyawm ang: baox klieh.

3842. Sox ang: uik sawm:, nyawm ang: uik plai.

3843. Sox pau bawng:, cawng raog nyiex.

3844. Sox preeih hauk lai:, moi lai hauk klun:.

3845. Sox kiied cao: eei: tix.

3846. Sox kiied sivai, pui lai: yum caox.

3847. Sox kwan tix kawt aing:.

3848. Sox hawt sawm:, nyawm hawt priex.

3849. Sox hoik sieh, kieh hoik miien:.

3850. Sox cung piang ngu hax, ngaw lu: lax kah lhiex sa: sin:.

3851. Sox lied rawm: kuih.

3852. Sox giang aing: (to:.)

3853. Sox jao: nghaong:, kaong: jao: tu.

3854. Sox ot mai: bawng:, khawng: ot mai: nyiex.

3855. Sox sak (kah) riang lig.

3856. Sox sang: kieh eux mawh si ang:, klang: sang: kieh eux mawh ia: paing.

3857. Sox sijaong raoh.

3858. Sox sawg sawm:, nyawm sawg priex.

3859. Su: kam paw, maw: kam peun.

3860. Su: sai: riieng gix kah ma:, mu ma ting: teung: mai: nyiex.

3861. Su: saix meung kreu: reu: rheu: meung Hawx.

3862. Su: si ang: sax koe: biang tah, simah ang: sax koe: biang kum:.

3863. Su: siiet lhax lai:, su: sai: kraung coeh.

3864. Su: siiet lhax jhie:, ku: kie: na kaung:.

3865. Su: sih caong braux ce: mawh kawng, su: sang caong bawng: ce: mawh khun:.

3866. Suat khaix pliah, piah khaix vaig.

3867. Suah ngu mhawm: gaox, gaox paing mhawm: eep.

3868. Sub ang: koe:, mhawm: tix si ai:; plai: ang: koe:, mhawm: tix sive.

3869. Sub ang: lai: koe: daux hau:, mau ang: lai: koe: kah taix.

3870. Sub ang: baox koe: tix jhoi:, plai: ang: baox koe: tix tom.

3871. Sub pa: nai:, plai: pa: giex.

3872. Sub tix to lai: loh tix bhoe:, nghoe: tix kho: lai: loh tix pak.

3873. Sub kum laux, plai: nyaux simiang.

3874. Sub khiien: cai:, plai: khiien: song:.

3875. Sub dee mawx lhax khaox khawm: gawng, plai: dee mawx rawm: klawng: khawm: taoh.

3876. Sub riah yu, plai: ju tax.

3877. Sub riang pai:, plai: riang sidah.

3878. Sub riang jhai:, plai: riang jheeih.

3879. Sub sai plai: eep.

3880. Sub silig ang: jud khaing: hau:, mau plah mheen: ang: die khaing: taix.

3881. Sub sium: ang: yaox tix bhoe:, plai: sioe: ang: yaox tix nyaux.

3882. Sub sum: tawm: vong paog tai, plai: kuih tawm: vai vawg nghox.

3883. Sub thux ang: koe: tix jhoi:, plai: nyaux ang: koe: tix bleet.

3884. Sub thux simiang Miien, plai: kiien simiang tiag.

3885. Sub yawt jud khaing: hau:, mau cai: yi: khaing: bok.

3886. Sub yum kroh ang: koe: lhax dai:, sox brai: maung ang: koe: ngai: kaig.

3887. Sut pa: ghruieh, rhwieh pa: ya.

3888. Sut paoxtix ih sigun: mha:, pha: paoxtix ih sidah muih.

3889. Sut paoxtix yeung suah, ruah paoxtix yeung gaox.

3890. Sud ex tix lhong:, tong: ex tix hax.

3891. Sut lawk suah, ruah lawk gaox.

3892. Sut mu: lhiex, giex mu: koek.

3893. Sut sime ku plah lhax khrum:, ce simawt ku gum eep sawm:.

3894. Sut sime, ce: simawd.

3895. Sut siyawng lhax lhak sibloe:, khrawm: ceung: fu: kawndoe: ot tau.

3896. Sut sok vhang:, jiang sok rib.

3897. Sut suah ang: ceet cee, ruah gaox ang: jee rhawm:.

3898. Sug kawn: koe: mai: miex, mhawm: nyiex koe: kah keeing:.

3899. Suing: haok bawng:, kawng haok nyiex.

3900. Sum: pam plu laig Ceng: Theng:, sum: lha: heng: laig ka: lah. [NB PNs]

3901. Sum: paoxtix kah deut, keud paoxtix daux rhawm:.

3902. Sum: tix koe: nyiex, priex tix koe: yaong:.

3903. Sum: rhax plax teng.

3904. Sum: khaox ku nyiex, yaox tix phiex plix kukaux daux pui.

3905. Sum: khaoxgix kah pak, vhak blauh blin kah khu:.

3906. Sum: mex cao kuah, sum: muah cao plix.

3907. Sum: mawh nyax, pak mawh yaong:.

3908. Sum: nyiex hawt rang:, tang: aw: daux tiag.

3909. Sum: nyiex lawk nyiex siyawng, saik bawng: lawk bawng: siyiex.

3910. Sum: nyiex mai: dang: ia:, dia: nyiex mai: kawg lig.

3911. Sum: rong: kaux, yuh braux pu.

3912. Sum: sibix ang: tai, krai sigah ang: rug.

3913. Sum: sok bix ang: tai, sau: brie lai ang: kuah.

3914. Sum: sub ang: koe: cai:, krai lox ang: koe: ceu.

3915. Sum: sub pui kleh dai:, kuih plai: pui koh gha:.

3916. Sum: yaong: dee va:, soh ma: dee nhik.

3917. That laih grai: pui.

3918. Thak tix ih khaox ox, cox tix ih nyiex ma:.

3919. Thah khaox tawm: plah, ah lox tawm: kriiem.

3920. Thah lat prang:, sang: grux nyiex.

3921. Thah blak hak bix.

3922. Thah nawh yeung phia:, via nawh yeung kawng.

3923. Thai: ang: klawm: cix rhaw:, khaw: ang: kiag cix khriiem:.

3924. Thai: proh loh gix.

3925. Thai: pui kraung daix kraung dum, tieh pui lox cum lox prawng.

3926. Thai: tix lhang:, prang: timu:.

3927. Thai: kloh loh dee.

3928. Thai: rhawm: thai: rhi:, lhee: khaing: pon mau pon khri:.

3929. Thai: lawk kaung: lang:, giang: lon: eep ting.

3930. Thai: lox cox jhawm:.

3931. Thao: hawk kuad prim:.

3932. Theu: khat pat piiet.

3933. Theun: hai: thai: na.

3934. Theung: pi: rob, khop pi: khuai:.

3935. Thiang: lox awm: khaox, briex gaox se: moi.

3936. Thiet paoxtix yeung siglhie: nan:.

3937. Thieh lox keeing: sivu kah niex, thieh lox miex sivu kah rheem:.

3938. Thieh rang: tang: simaox.

3939. Thaw: rhawm: ngeem ngai:, hai: jhawm: brax blaig.

3940. Thox lawk thox diang mie, vie lawk vie plaung ox.

3941. Uah ngai: bai meeih.

3942. Uik tawm: goe: kawn: koe: ka: su, pot baog su kawn: koe: rhiiem: sawng:.

3943. Uik suat uik caok, uik ghaok uik lawd.

3944. Um: laig vaig, graik laig gua.

3945. Ux ia: ah tang:, riieng praix ah taing:.

3946. Ux ia: ah khrang:, riieng praix ah khroih.

3947. Ux ia: liang, tang: ting praix.

3948. Ux ia: mai: dang:, riieng praix mai: nyiex.

3949. Ux ia: nguan:,ngwan: sawm:.

3950. Ux veue ia:, riieng veue praix.

3951. Ux yeung ux tak ta:, gha: yeung gha: moi praix.

3952. Vad paung: phi:, li kai: sin:. [NB]

3953. Vad Hawx khiien:, kluan:,klwan: miien rug.

3954. Vad Man: Tong kaoh khaing: gawng Ta: Li, li kai: sin: koe: mai: praix Meung Miien. [NB - PNs]

3955. Vaug krax ing:, ting rawm: tiang.

3956. Vak ve: khun: mai: rao gawn:, vak vawn: khun: mai: rao pliah.

3957. Vah SiGang:, tang: lox krai.

3958. Vai tix koe: nyax, bax tix koe: yaong:.

3959. Vai krax lhee: khaing: cax diang.

3960. Vai yuh saux, laux yuh sin:.

3961. Vaik ak khawm: sawm:, gawm: nad khawm: hu:.

3962. Vaig ang: toek cix rhaw:, been ang: phaw: cix pi.

3963. Vaig ang: klaing: ang: lawm, rhawm: ang: sawn: ang: lhak.

3964. Vaig ang: lawm klaing: kah laing:, jhawm: ang: cu mhaing: kah miex.

3965. Vaik ang: lawm, rhawm: ang: muih.

3966. Vaig tang: sidux, pux tang: sidug.

3967. Vaig tix brawm:, rhawm: timu:.

3968. Vaig tix diex, sox liex ling: ju.

3969. Vaik kawg koe: ra: brawm:, rhawm: keud koe: ra: mu:.

3970. Vaig lhung: lhiang:, shiang: lawng: lawh.

3971. Vaig rheeng: rhaw:, sinaw rheeng: een:.

3972. Vaig rheeng: shiao tee: laux, pui rheeng: saux tee: yum.

3973. Vaig khloe: moe: thang:.

3974. Vaig khawm: moe:, kheue: khawm: nawng:.

3975. Vaig lawm pon phu: phrat yuh ox te Taoh Lang:, mawk ting pon pu: prang: yuh rang: ting Taoh Mie. [NB PNs]

3976. Vaig lawm pon soh pang: bu:, rhawm: muih cu tawm: daux nyiex.

3377. Vaig lawm koe: kah ghok, um: rug koe: kah moing.

3978. Vaig lawm mai: laing:, kaing hu: mai: priex.

3979. Vaig lawm soh pang: jhie:, rhawm: muih die: grawng: krax.

3980. Vaig mai: laing:, kaing mai: priex.

3981. Vaig mai: gawn:, kawn: mai: praix.

3982. Vaig mu tu braog.

3983. Vaig dud lawm, rhawm: dud muih.

3984. Vaig dud lawm sijeen: tawm: krawng:, rhawm: dud muih sidawng: tawm: miex.

3985. Vaig jeeih kah laing:, bun: mhaing: daux nyiex.

3986. Van: khao: ngeun, pheen: khao: kham:.

3987. Van li van ka:, van sa: van hong:.

3988. Van: lu peu: pa: so:, mo: lu peu: khao: khiiem:.

3989. Vao bun: goeh yuh phaux, vao simex laux yuh yaong:.

3990. Vax Kut lud blawng, Vax Lad lawng ngawd.

3991. Veeih plak laong: mawh plai:, vai: plak seh mawh priex.

3992. Veh khaing: nawh lawk aing: ia:, via khaing: nawh lawk aing: sox.

3993. Veh jaw riien tix kah kat ciak paw:, hu: laih riien tix kah braw ciak ngai:.

3994. Veng Kaung: Kaw:, haw: Kaung: Tum.

3995. Viag lhax lai:, Pang: Nhai: lai: lox.

3996. Viag sawm: ngai:, khrai: sawm: jhong:.

3997. Viag veh sawm: ngiex, pui nieh yuh kaing.

3998. Viang preeih mawh preeih tod lak, viang krag mawh krag muih bun:.

3999. Viang lung ang: lai: lu: lieh, viang nieh ang: lai: tieh rhawm:.

4000. Viang lung mawh lung sigrak, viang krag mawh krag muih bun:.

4001. Vie nyiex vie yaong:, nghaong: ma: nghaong: sibeem.

4002. Vieh pruik awm: log yang, grang hauk awm: cai: ciied.

4003. Vieh gwang ma:, va: lawk kaung:.

4004. Vieh sibeem tawm: ih lhax ka:, va: kaung: ma: tawm: sawm: eep naw.

4005. Vien paoxtix kah maox raih, kraix paoxtix kah maox rhiiem:.

4006. Vien paoxtix kah mu: brung, vien paoxtix kah jung pui.

4007. Vien tix cie simie, kie tix cie sigiag.

4008. Vien kah klong: nex ang: cix grai:, kraix kah klong: plai: ang: cix uik.

4009. Vien kah niex, priex daux rhawm:.

4010. Vien kah raih kawn: cix khriiem:, kraix kah rhiiem: kawn: cix rhaw:.

4011. Vien hauk jhauk khwan:.

4012. Vien niex giex rhawm:.

4013. Vien sike:, bre siox.

4014. Viex aong: taong phliex.

4015. Viex paoxtix to:, yo paoxtix hawt.

4016. Viex paoxtix lih daux tong, thong: paoxtix hu: daux tiag.

4017. Viex paoxtix yuh lai [sic], dai paoxtix sawg mau.

4018. Viex eux su: saix nyawm plai:, viex eux sinai nyawm ot.

4019. Viex kaux lang, giang: taix yi:.

4020. Viex kix sigah siah sat re:, viex kix been awn: bre meung.

4021. Viex khix khawm: glawm:, viex rawm: khawm: beeih.

4022. Viex gaox tauh tix sidim: saing:, viex kiiep caing tix sidim: ku:.

4023. Viex daux iiep pai:, dai daux iiep sub.

4024. Viex nawh hu: mai: kat lhax lai:, viex nawh hu: mai: ngai: rang: raix.

4025. Viex sibeed klu hu: raox, gao: khlax caox hu: cang:.

4026. Viex vaig lawm tat, vaik ak mhawm: ing:.

4027. Viex vaig gam: hak, vaik ak tap naing.

4028. Viex vaig gix pliah.

4029. Vawd hai: tai: sum.

4030. Vawk khaox mhawm: plaung.

4031. Vawk khaox mhawm: plaung, laux maung mhawm: kawn:.

4032. Vawk nyoi voi rhawm:.

4033. Vawng Tai pen: Kaung: Max, vawng Lax pen: Sao: Hin:.

4034. yo hak hing:. ting: hak kam.

4035. Vo sawn: tang: ca:, ma sawn: tang: an:.

4036. Vo thai: kai pheu:.

4037. Vod khiien: piien: mee.

4038. Vu: Sang: Sing: pang: chang:, Yang: Kong: Liang: ta: [sic - tai: ?] ping:.

4039. Vu: vie riah tawm: nya sai:, kang: kai: rao tawm: kaung: miex.

4040. Vu: vied ang: koe: gung ma:, vu: va: ang: koe: nyiex ot.

4041. Vu: vied ang: koe: diang, vu: viang ang: koe: nyiex.

4042. Vu: vied pui ang: koe: cao: liang, vu: viang pui ang: koe: cao: priex.

4043. Vu vied taix tieh, vu vieh caong yi.

4044. Vug taing: jhaing: keei:.

4045. Vug tix ih lawk kaing:, taing: tix ih maox dai:.

4046. Vug keei: kah jhaing:, tok taing: kah nyoi.

4047. Ya: tawng: kon cai meu het na, ya: tawng: kon nying meu pa tawng.

4048. Ya: hak ngeun siien: tai, ti: lai: hak rai siien: meung. [NB Thai: numbers]

4049. Ya: hom: bau:, cau hom: pen:.

4050. Yaug yu yu, ku lauh lauh.

4051. Yah paoxtix yaox keei:, ngeei: paoxtix mhong: lox.

4052. Yah paoxtix yaox ciem klai, krai paoxtix mhong: jhawm: kin:.

4053. Yah paoxtix yaox soi:, ploi: paoxtix mhong: lox.

4054. Yah taix tix khaing: sidub, khlut caong tix khaing: siviex.

4055. Yah kaing: keei:, bheei: hauk sat.

4056. Yah kix ceng hawm: soi:, jhoi: kix nad rao pliah.

4057. Yah simaox grux, dux simaox mee:.

4058. Yah sibroe:, hoe: siboig.

4059. Yah siyan:, phan: siyiex.

4060. Yaik tix mheem:, cum tix cie.

4061. Yaik khaox kawk tawk kaing: cao:.

4062. Yaik ox ku rao, jao: gawng ku mu:.

4063. Yaik rao ox pai: ling:, kling: rawm: klawng: haok blaong.

4064. Yaik rao rib mawh tai, krai krong: jiang mawh mau.

4065. Yam ang: viex nad sibub nex, yam ang: ih sibex sibub nang.

4066. Yam paing tai eux tix pak, yam lak kraung eux tix muan.

4067. Yam: tix kuih, muih tix cie.

4068. Yam tot klang: simaox, yam yaox ia: singaix.

4069. Yam kaing mawh sox liex, yam priex mawh simiang.

4070. Yam koe: taix pon krong: coi, yam koe: nyoi pon nyoi awng:.

4071. Yam nyhap mi khao: tak, yam yak mi khao: khai:.

4072. Yam hu: koe: pon ngai: kax, yam deeih koe: pon sidax brung.

4073. Yam cah pui ang: eux tawng tix caing, yam kaing pui ang: eux tawng tix jhaw:.

4074. Yam caing eux tix koe: cah, yam jauh eux tix koe: grawm.

4075. Yam lih lhiex keud yam koek praix, yam sak vaig keud yam cairhawm:.

4076. Yam biang moeg, leg nyiex ot.

4077. Yam raog khaox ang: maix cu eux gu, yam ku pui ang: maix cu eux rheng:.

4078. Yam sum: koe: pon ngai: kax, yam ting koe: pon miex ia:.

4079. Yam thom: rawm: piang haktiex, yam paing lhiex piang raoma:.

4080. Yang: yoing: nawp iiep, su: siiep lox krai.

4081. Yaog paoxtix koe: cee, yee paoxtix koe: jhawm:.

4082. Yaog plai: ngoi, noi: plai: tom.

4083. Yaog pui tix teem, greem pui tix ngheet.

4084. Yaog tix kaoh, vaoh tix cung.

4085. Yaog tix klawm:, grhawm: tix bluh.

4086. Yaog tix klawm:, sawm: tix peeih.

4087. Yaog tix ngawm piang graih, gau tix klieh mai: nyaox.

4088. Yaog kraung khaing: nyiex, priex kraung khaing: gok.

4089. Yaog caong tong taix.

4090. Yaog moe: coe: rhawm:.

4091. Yaog nawh piang sigu, vu nawh piang tang: kag.

4092. Yaog nawh koe: cee, yeen nawh koe: been.

4093. Yaog nawh lhaong:, jaong nawh ting.

4094. Yaog aw: khang:, tang: aw: ting.

4095. Yaog saux nyoi, coi saux klip.

4096. Yaog seng: vu, cu lox krai.

4097. Yaog sivu, cu sigah.

4098. Yaog sim: sidax tix poe: hawng: hawng:, sau: laux sigah tix bhawng: yeet yeet.

4099. Yaoh kah kawng, tong kah blawm:.

4100. Yaong: peng haoh khaox, Yaong: Khraox haoh plix.

4101. Yaong: Peng ih mhok kraix, Man: Raix ih mhok teun:.

4102. Yaong: pon piax, nyiex pon yau.

4103. Yaong: Ting cawx cix grai:, Man: Rai cawx cix glip.

4104. Yaong: Ting Man: Rai, Yaong: Krai: Pha: Ce.

4105. Yaong: Kaung: glaox, Laih Maox briex.

4106. Yaong: Lhax pang:, Yaong: Mhang: mi.

4107. Yaong: laux phaux yi:.

4108. Yaong: dex nyiex dawd.

4109. Yaong: Ngeeih coeh tai, Man: Rai lai moi.

4110. Yaong: Rung tung: kax, Cao: Kwan: pon kang [RK: sic - var. for gīang?].

4111. Yaong: Rung dum: plai:, Sai: Saw: yuh rhit.

4112. Yaong: Rung saik daw:, Sai: Saw: kaw: praix.

4113. Yaong: seh hok siging: kah griex, Rawm: Daw nawg siyiex kah khwan:.

4114. Yaong: seh yaong: laong:, yaong: blaong yaong: jee.

4115. Yaong: sigiex, nyiex sibhawm:.

4116. Yaong: siviex, praix sivai.

4117. Yaong: Shiao Nam Mhat, Pang: Pat Yaong: Peng.

4118. Yaong: Soi: ngoi: ang: ih kaing: khlax.

4119. Yaong: sum: tax, rhax sum: keeing:.

4120. Yaox pui lhak ah khaw:, yaox pui aw: ah ee:.

4121. Yaox ex mex sang: paih plawng:, yaox ex khun: sang: tawng kaux.

4122. Yaox kaing ngai: lawk kawm:, yaox priex rhawm: lawk koig.

4123. Yaox khaox teem: paoxtix grawng:, yaox nawng teem: paoxtix gaih.

4124. Yaox lig via, yaox ia: thiiep.

4125. Yaox luh toing:, yaox hoing: bleet.

4126. Yaox singaix kiex khix paoxtix.

4127. Yaox sim: ah keeing: ai:, yaox lai: ah miex yex.

4128. Yaox song: mhong: caox.

4129. Yeed klao: ao: pon.

4130. Yeet klawng: saux khaing: klawng: mhang:, lang: krax hu: eux in: singaix.

4131. Yeet khaing: ngai:, grai: khaing: rhawm:.

4132. Yeet mai: fai, grai: mai: kam:.

4133. Yeet biang: plai:, grai: biang: nex.

4134. Yeet ngu plong:, lhong: nyiex ot.

4135. Yeet ra: loe: mung: plai:, grai: ra: loe: sawm: it.

4136. Yeet rawm: greem: phai:, grai: pui piang meung.

4137. Yeet yai: grai: yiien:.

4138. Yeet yai: yai:, grai: khriiem: khriiem:.

4139. Yeei: krao: ao: pon.

4140. Yeem ang: sax kuah daux kaung:, naung ang: sax kuah daux ma:.

4141. Yeen eux ngai: tix khiiep ang: khiiep, niiep eux rhawm: tix pi ang: pi.

4142. Yeen mhaik laik daux.

4143. Yeen lai kai: cang.

4144. Yeh ex koe: gah, yah ex koe: ru.

4145. Yeh yang: yang: mai: khaox glawm: khrawng:, grang thek thek mai: cawng: tie ngai:.

4146. Yem: kai: teue yao.

4147. Yi daux nyiex, giex daux yaong:.

4148. Yiiep ngai: grai: ju.

4149. Yiem ang: koe: rawm: ngai:, krai ang: koe: jhawm: kah.

4150. Yiem ang: koe: rawm: ngai:, grai ang: mawh grai lung.

4151. Yiem ka: vao:, klao: eeppid.

4152. Yiem kawn: toeg yoeh maw, nge: kawn: daw: praok nong:.

4153. Yiem kawn: yeei: kah khaox kaing: beei:, eei: kawn: Hawx kah rung taoh laih.

4154. Yiem ca: lha: praix.

4155. Yiem khang: khua:, lhua: simie.

4156. Yiem grai ak yawng mai: bing, lai: ling lai: tiex mai: rang:.

4157. Yiem silawg, bawg cawk cawm:.

4158. Yiem sigrit moing daux, nye: sigaux moing mheen:.

4159. Yiem sim: sua:, lhua: jhong: num.

4160. Yiem Yaong: Chaox kah sum: tix ox, grai Pang: Nhai: kah krox tix been. [NB PNs]

4161. Yib nawh kah rao bia:, jia: nawh kah rao nad.

4162. Yie hu: nu deeih.

4163. Yie yam hu:, nu yam deeih.

4164. Yieh kaug laug dang:.

4165. Yiex peeih yiex pai:, yiex lai yiex gee.

4166. Yiex kuad tuat lox.

4167. Yiex guah tax lih.

4168. Yih kaing: ang: koe: pui khlao:, blai kraung ang: koe: pui blaox.

4169. Ying keud meung, yeung kheen: mai.

4170. Ying sam: pho:, ho: sam: kat.

4171. Yaw pui plakngai:, brai: pui plak khaix.

4172. Yawt eux sub khaing: pex ngu teung:, sum: eux nyiex khaing: pex meung Hawx.

4173. Yawt maix sub eux lawk kawk bau:, cai: maix mau eux lawk giex bok.

4174. Yawt silig mai: teung, giex siseung mai: Hawx.

4175. Yawt sub paoxtix yawt nai:, nyaux plai: paoxtix nyaux giex.

4176. Yoi: krax hu:, sud dee ot.

4177. Yawm pon siak, iak pon cie:.

4178. Yawm khaix siag, iak pon cie.

4179. Yoek ang: cix hao:, bao: ang: cix lih.

4180. Yoek tawm: ang: tawng tix hao:, mao tawm: ang: tawng tix ing:.

4181. Yoek toeg kah ih tix mhai:, sak lai: kah sawm: tix tiah.

4182. Yoek awm: lak, sak awm: sivai.

4183. Yoek yuh lak, sak yuh kuad.

4184. Yu: ti kang:, vang ti kheeng:.

4185. Yu: taw law kaw: pen: heun:, nawn taw law kaw: pen: ku:.

4186. Yu: khang: fai, ai: khang: tao.

4187. Yu: lai: man:, tan: lai: meung.

4188. Yu: li kin: vhan:.

4189. Yu: maw: pen:, cin: maw: lai:.

4190. Yu sum: tax, rhax sum: keeing:.

4191. Yu: sung: maw: hee: hai:, yu: tai: maw: hee: kho:, hee: lai: yieb ti kang:, vang ti keeng:.

4192. Yuh patix kah nghox tix seng:, yuh patix kah rheng: tikaux.

4193. Yuh patix kah daux hon: pa: raux, sawg tix kaong: daux khaux pa: yie. [NB]

4194. Yuh paoxtix siu: kah koek, yuh paoxtix yoek kah plai:.

4195. Yuh paoxgrawm mai: Yaong: Lhaik, yuh paox aik mai: Yaong: Peng. [NB PNs]

4196. Yuh plai: awm: maung nyiex, yuh priex awm: maung cao:.

4197. Yuh plai: sidaing: niex, yuh priex sidaing: yhap.

4198. Yuh priex ih laux, cia plai: nyaux simiang.

4199. Yuh tix ih kaing jhaw:, sawg tix ih priex preem.

4200. Yuh tix ih gwang lhax ka:, pha: tix ih gwang lhax mo:.

4201. Yuh tix dug kah paoxmeed, yuh tix lheet kah paoxgrawm.

4202. Yuh tawm: mhawm:, tawm tawm: rauh.

4203. Yuh tawm: sidawng:, prawng tawm: sideh.

4204. Yuh ex koe: taix, kraix ex koe: caong.

4205. Yuh ex lai tawng yah lhang:, kai: ex fang: tawng pang: seu:.

4206. Yuh kaing aing: toeg, sijoeg priex bhieh klawng:.

4207. Yuh kaing ang: awk, tawk naing ang: pex.

4208. Yuh kaing: mhawm:, ngawm nyiex siu:.

4209. Yuh kaing vaing jhaw:.

4210. Yuh kaing sox liex, ih priex simiang.

4211. Yuh kiang ih grix taing: tawk, yuh sim: ih jhawk grawd ngawg.

4212. Yuh kiex mawh gaox rex, yuh kiex mawh mex moeng.

4213. Yuh kix pa: song: kah ngai:, yuh kix pa: cai: kah meeih.

4214. Yuh krax baih, yuh laih keu.

4215. Yuh ceu tix cang cix haok, daok ceu tix cang cix huan:,hwan:.

4216. Yuh lat kah si ang:, yuh prang: kah simaox.

4217. Yuh lat kah sibia, yuh phia: kah plah plong:.

4218. Yuh lai tax, hu: krax doh.

4219. Yuh lai jhat hoek mai: kaux nghox, cix ngeei: lox hoek kah nyiex yum.

4220. Yuh naing vaing to: tiag.

4221. Yuh nawh hoik, bhoik nawh lawm.

4222. Yuh nawh sidawng:, prawng nawh sideh.

4223. Yuh oi: ploi: kluan:,klwan:.

4224. Yuh siox kah khaox khrawm:, tawm daux nyiex kah sui: nyix. [NB]

4225. Yuh yit yit mai: dang:, yuh yang: yang: mai: kaug.

4226. Yum ang: tie koe: ra: bawg.

4227. Yum taih kah laig tix, yum kaig kah maung tix.

4228. Yum tax grai: rhoi:, yum thoi: grai: grawng:.

4229. Yum kah saux, laux kah siyiex.

4230. Yum kah saux, laux yuh siyiex.

4231. Yum keeing: ang: koe: pui sidiex, yum miex ang: koe: pui gau.

4232. Yum keeing: grai: nyiex, yum miex grai: ma:.

4233. Yum kiang meet kix siveng loeh, goeh kuad kum: kix siveng piax.

4234. Yum kawn: ai:, grai: kawn: yex.

4235. Yum krax dawd, klawd krax dah.

4236. Yum khaox koe: greeing, yum keeing: koe: kawn:.

4237. Yum sinai: sinai:, grai: sikriiem: sikriiem:.

4238. Yum sidaix, laix sidim:.

4239. Yung kaux yaox ngai:.

4240. Tsi: peung: cu: yi: ang: ex sum: yaox, lox chao: yaox ang: ex sum: nghiiet.