Lai Riang Khix Cub Caw Ceu Cao Vax Kawn Khrit Com Rawm, Baux Veng Cing Tong

Wa Baptist Association Calendar, Kyaing Tong

2005 Num

Bak Bwa: Tax Ai Rong 1908-2008

1855 num nawh keh ka Yaong Sikho sinax mee: praix. Ceu kaox Mawh (mawh) Ai Rong. Khaix an: nawh gau lai mai: "Tax Pa Cao: Meung:" ka been li Vat 1901-1906 nawh yuh Tax Vat cao: pa gau lai nyiex Vat 5 num heue. 1907 "Tax Pa Cao: Meung:" ploi pui 12 kaux hu Cing Tong son sang gau cu yi pi nga [cu yi phi: nya?] mai: Rev. W. M. Young (Yang:), nawh kawx viex tix daux cub an: heue. Khaix hoit pon nawh tix mhong gum lox buan krax taoh ka Rev M.W. Young (Yang:), 17.4.1908 num nawh riep tix com rawm daux tawm: taix nawh, kheu nan: daux pui ceu Vax nawh mawh pa riep Cao Khrit mai: krax taoh ka: paox tix heue. Khaix an: nawh baox gau tix mai: Rev W. M. Young (Yang:) 3 num. Nawh deeh ing: yaong dee ot tix mai: cu ca: (coca:?) tix krai gum lox buan ka cao kaing: pui ceu Vax 1910 num, nawh tom pon pui khraox 4 kaux heue. Nawh koe: kawn: mai: Yex Ka: 5 kaux (Simex 3 Kaux mai: Sibon 2 kaux). Nawh yuh Sara Ceu Cao ka yaong ot nawh hoek 1940 num tom laig it nawh ka daux Cao Khrit heue.

Nyiex Haw: Doh Keut Ka Tax Ai Rong

Grawh Grawng Jhum: Son sang pon yuh kaing jhaw: Siyiex haog huan ting lhaong

Grawng Pa Sang Shao: Lawg rob rom ti rawg buan, lawg dah dee kum:, Lawg lom Num Li Ting, Lawg lom plak ku cub ku caw, Lawg phat lai (library), Lawg kumpyuta (Computer) mai: thawk lai, Lawg gau lai, Lawg paung Sara nyo sinie mai: Lawg priex kraung khrai.

Bawg Yam Sang Sum Jaung Riah Nom Rung - 2005 Num

Mau Bak Sang Uik - 1045 shien: plah

Dah Dee Sang Sum - Daux Vang: Naong Pha, Baux Veng Cing Tong

17.4.2008 num, ex sang ap mai: yuh pawie naog 100 num ceu pui Vax riep Ka Cao Khrit. Yuh buan son doh keut tix teem ka krax rawg buan, krax tan krax lu son sang pon yuh mhawm mhawm mai: tawx krax keut pa mhawm son ex liak aw-aw.

Cao Giex Kaing Cub Caw Ceu Cao Vax Kawn Khrit Com Rawm,

Baux Veng Cing Tong Jah 1979 num

Rev.Yohan
1980-1988

Rev. Makux Kreung
1989-96

Rev.Nyi Thai
1979-80

Rev.Yohan Khun
1997-1999

Sm. Angela Shwe
2000 - 200

Kaing Pa Bak mai: Pa Yuh Ex Yam In:

Kheu buan son Siyiex kiet ting kiet lhaong ka piang ex pui ceu Vax, Nawh Cao tawx ex luat luan khaing dung raux daux nu khaing pa kit kaing: gaing: hauk mai: plaik ex laig ka daux pa riang mai: krax taoh jah ka Tax Ai Rong 1908 -2008 num dex sang naog 100 num heue.

Phan lih tawx lox buan Num li Vax naog 100 num ex bak tix sang sum Ceu Cao pa khraox 100 mu: mai : Sara cao tawx lox buan 100 kaux heue. Mawh Kheu nan Baux Veng ex Cing Tong jah 1984-2003 paoh ting dang yuh kaing lox buan, 2003-2006 num baox ghauk mawh Nyiex Cawng pa gau Phuk Lai Sigang Khri: heue. Kawn nyawm cawng hoit awng ex tawx hu ka Meung Pawg, Meung Yawn, Meung Tong (Nakawmu) heue. Yam in kawn nyawm gao phuk lai khawm uik koe: 24 kaux heue, B. Th (5) kaux. L. Th (8) kaux mai: kawn nyawm Nyiex Cawng ex Vax koe: 11 kaux heue.

Kaing Lih tawx lox buan pa jhawp ex Baox Veng Cing Tong yam in koe: 10 dah heue. An: kix mawh Meung Pawg, Meung Ka, Cing Tong, Tachiliek, Meung Tha La:, Van: Hong, Meung Tong, Meung Sat, Pung Pa Cing mai: Nakawmu heue. Dah dee ang: koe: Sara kan nie heue.

Pa Ting Ceu Lo Son Ceu Cao Pa Khraox

- Lo tix hu krai lox buan bleeh ku nyiex ku yaong
- Lo tix so: rhawm rhi: kix son sang gau tix chix lai, priex tix singax
- Lo tix tawx krax gau son sang chix sum:, chi eei:, chix coh
- Nyiex Buan pa yuh ka plong: mai: ox lo tix cox mawh brak mai: deng tiex son sang kaux leeing ju.
- Lo tix tawx krax ka Sara Ceu Cao son sang chix tawx rung rao kawn yung haog huan plak khwan ju.

Mawh kheu nan: son sang pon duk pon thang Num Li kaing pa ting pa nie khan kix kawx ex lo nyiex lom dah dee jhawp ex kaing ku cub ku ceu koe: te te heue. Mawh kheu pa lo ex in tom sang jhum: Nyiex Haw: pa doh keut ka Tax Ai Rong ka daux Naong Pha, Baux Veng Cing Tong heue.