[Page numbers and section ids (if any) are visible in Mozilla Firefox and other browsers which support CSS2 -- not Internet Explorer]
Ndēe Līh Lāi Būi Dūx Ndaex Yun Nang
«Pug lāi dui loux» pug ra, yūh dix sōun būi dang mgāe Līg lāi loux Ba rāog, Līg lāi loux Hox, Ndaex pug lāi Dui loux in, nbrēi bih bai grāi lāo eix hmoung jēe bah dōng mgrong Hag diex; Jēe ba dōng mgrong Zi rang; Mgrong būi jēe būi; Jēe ba dōng mgrong Lix see; Jēe bah dōng mgrong Seng hox; Jēe bah dōng mgrong gāing nqo; Jēe bah gin mgrong bah quh; Nbōg yām, Ngāix vō in gix ndaix jēe.
Pug lāi in, mōh Jeng kang sian zi ban goung seex Siao dex fu bod blag lāi Hox, Qang ying sian veng jiao jiux Vuang yin ming tud blag lāi Rāog. Njāo gon iag ba dōng yōm ba jīx yix būi jao yūh lāi in, ndēe lūd ndēe loui rīan dix goui, mīe būi gū gaex bih bai grāi lāo līh, sōun sang gīeh līg lāi yūh yix nyīad hmom pao sax si nyeig.
Bāo lō yaong gaeng 1990.2.22
Loux Grāi Si Veui (0)
1, Jēe Bah Dōng Mgrong Hag Diex (1)
2, Jēe Bah Dōng Mgrong Zi Rang (Zi Ran) (64)
3, Gon Būi, Jēe Būi (99)
4, Jēe Bah Dōng Mgrong Lix See (119)
5, Jēe Bah Dōng Mgrong Seng Hox (146)
6, Jēe Bah Dōng Mgrong Gāing Nqo (180)
7, Jēe Bah Gin Mgrong Bah Quh (209)
8, Nbōg Yām, Ngāix Vō (230)
Ai mēng: Lāo See. Hag diex oud eix in ah būi dix gah?
Lāo See: Hag diex oud eix in mōh Hag ma dīx mu gah ndaex Yi jou. jēe gaex noh mōh Di qiux.
Ai mēng: Hag diex geem mōh lom lei geem mōh bag si dix?
Lāo See: Ndīx ndīx, gon būi dōu jei Hag diex oud eix in mōh bag si dix [**], oud kaix, gaoh keing hu ke Sioux jia Sing jia sōg dix dōng si ndong. Hag diex oud eix in nbāox mōh lom lei ngīe yēng Qiux nan, noh nboui ndaex rāo ma log Si ngāix, kix rīang mai Sim uing, ang goui jēe bah njouih Di qiux nboui ndaex rāo ma gon blu blie dix hu ang njūd.
Ai mēng: Di qiux dīng keng [keing] Si ngāix mai kix rīang liex?
Lāo see: Hag diex dīng keing kix rīang, iag keing si ngāix mīex nyāo. pan eix dīag si ngāix goui ndīng Lang qiux, nan Hag diex sang goui ngīe bōun ping pang qiux yūh nan.
Ai mēng: Di qiux don [dom] rūg goui mīex ndīng box?
Lāo see: Di qiux mōh Qiux lom lei gin dīng dīx mu. dom eix sīao maox goui boun hmeen goung li. dom dāeg houig mgrōd noh dīx kuai.
Ai mēng: Eix būi hu bīang Di qiux nkuai noh dīx nkuai sang sīao nbōg yām mīex nkreeng?
Lāo see: Hu eix būi pai gōi ang om bāox dix, njāo nin, nbōg yām sīao eix gah ang si ndū bāox. pan eix hu dīx ngāix 40 goung li, sang jō dīx hu 1000 ngāix dom dāeg hoig nkuai Di qiux dīx nkuai.
Ai mēng: Blag bīang Di qiux kom uig dou mōh diex dūg liex?
Lāo see: Blag bīang Di qiux blag mē [**] mōh Rom bah hloub bīang, loui sōun goui ngīe dīx sōun dom mōh diex dūg.
Ai mēng: Dix bah mōh diex dūg dīng?
Lāo see: Gah blag bīang Di qiux, diex dūg bah nīe dīng vīeh si nax Rom, eix ah diex dūg dīng gah.
Ai mēng: Dix bah mōh Dao yix?
Lāo see: Gah blag bīang hag diex. diex dūg roi iag oud si nax rom. eix ah dao yi gah. Eix gon būi dom oud bīang Diex dūg dīng mai Dao yix an gix heui.
Ai mēng: Mōh dix bah ah būi Qeex dao gah?
Lāo see: Hroi mgah Di qiux mōh ra blag, blag laong mai blag seih. eix ah hroi Qeex dao gah, noh yēng hroi gāb būi ping pang qiux nan. Blag laong hroi eix dom ah mēng laong hroi [**], hroi blag seih eix dom ah mēng seih gah.
Ai mēng: Ndēe ndīe Di qiux mōh ndēe mox ra ndaeh?
Lāo see: Ndēe ndīe Di qiux mōh Beix jix giex Nan jix. ndēe ndīe mēng laong eix ah Beix jix gah. ndēe ndīe mēng seih eix ah Nan jix gah.
Ai mēng: Dix bah mōh mēng blag līh blag glib?
Lāo see: Rōng hroi nkuai Dix qiux bah jō dix houig gah nan jix giex beix jix eix ah Jin sian gah, noh mgūah Di qiux goui ra blag. dīx blag mōh blag mēng līh, dīx blag mōh blag mēng glib.
Ai meng: Joung gox oud mēng biag mox?
Lāo see: Hod gah mgūah hroi qeex dao. Joung gox oud mēng blag laong; hod gah mgūah Jin sian. Joung gox oud mēng biag līh.
Ai meng: Di qiux oud ndaex rāo ma noh blu blie dix yūh gah mox?
Lāo see: Di qiux oud ndaex Rāo ma noh nkuai Si ngāix mai blu blie jao dix.
Ai mēng: Dix bah mōh goung juan Di qiux?
Lāo see: Di qiux nkuai hu si hveing si ngāix eix ah mōh goung juan Di qiux.
Ai mēng: Di qiux nkuai hu si hveing si ngāix dīx nkuai, sang sīao nbōg yām mīex mglang?
Lāo see: Di qiux hu goung juan si hveing si ngāix dīx nkuai, jō dīx sīao nbog yām dīx num. Di qiux nkuai si ngāix uig dīx nkuai, njū eix būi nīe haog dīx nūm.
Ai mēng: Dix bah mōh blu blie jao Di qiux dix?
Lāo see: Di qiux qux [**] keing nkuai noh si hveing si ngāix, noh gon blu hlie [blie] jao dix hu dīx blag ngīe si nqeeng ang njūd [**]. Di qiux dang blu blie jao dix hu yūh nin eix dom ah mōh zi juan gah.
Ai mēng: Di qiux blu blie dix hu blag mox box?
Lāo see: Di qiux blu blie dix njāeh [**] blag glib hu blag līh.
Ai mēng: Di qiux blu blie dix dīx nkuai sang sīao nbōg yam mīex mglang?
Lāo see: Di qiux blu blie dix dīx nkuai sīao nbōg yam dīx ngāix.
Ai mēng: Si ngāix jīx ang jīx blu blie dix?
Lāo see: Si ngāix mai Sim uing oud ndaex Rāo ma an gix ang jīx blu bie dix. Eix būi dom ah sim uing hreeng gah gix.
Ai mēng: Di qiux jīx ang jīx douh rīang?
Lāo see: Di qiux mōh sim uing ang douh jīx rīang, mōh jee ang si ngax si ngāong.
Ai mēng: Di qiux mgūah dix mōh mīex rān?
Lāo see: Eix būi mgūah Di qiux mōh hloux, dou mai soug loui rān [**].
Ai meng: Ndaex dīx ngāix yūh bah dix jīx goui mai rīang giex mai hvaig?
Lāo see: Yām blu blie Di qiux dix, blag jō vēeih dix blag si ngāix, mōh rīang gouig si ngāix bah dong dom mōh mai rīang, blag glib rīang gouig ngāix ang jō dix dong, dom mōh mai hvaig. Di qiux blu blie dīx nkuai Sīao nbōg yām dīx ngāix, kee nin, ndaex dīx ngāix goui dīx blag dom mōh mai rīang, gouī dīx blag dom mōh mai hvaig.
Ai méng: Rīang gouig Si ngāix dong hu houig blang Di qiux sang sīao nbōg yām mīex mglang?
Lāo see: Si ngāix kan [**] Di qiux gin si ngāi, pan log bah son ke Sioux jia, rīang gouig Si ngāix dong hu houig bīang Di qiux sang sīao nbōg yām Gao fen joung a liah.
Ai mēeng: Yūh bah dix Si ngāix mād [**] dix haog keing blag līh, lāig gah blag glib?
Lao see: Mōh njāo blu blie Di qiux dix njaeh keing blag glib hu blag līh, njāo nin, mēng blag līh dom pai njāeh yāox līh Si ngāix keing meng blag glib. Si ngāix dom om bah haog keing blag līh, lāig gah blag glib nan. Līh Si ngāix mai glib Si ngāix, ang ndouh mōh njāo jīx hu Si ngāix, bēn [**] mōh njāo blu blie Di qiux dix hu.
Ai mēng: Jēe bah oud bīang Di qiux yūh bah dix ang jīx bu hu ndāex rāo ma vīeh?
Lāo see: Mōh njāo jīx ndod Di qiux jèe bah oud bīang bag diex uig. pan jēe bah oud bīang Di qiux ang bēix rīang ndod Di qiux dix, noh ang bōun hu keing Di qiux houig ndaex rāo ma vīeh [**]. In ngāix, Gon būi hoig jīx yūh Rē bu bu ndaex rāo ma vīeh, noh bōun bēix rīang ndod Di qiux dix, bōun bu hu houig ndaex rāo ma dom ndēe si ngāi heui.
Ai mēng: Di qiux blu blie dix hu njēe nblaong, yūh bah dix eix ang dīe yāox Jāong eix oud blag nblāong Gaing eix oud blag njēe?
Lāo see: Mōh njāo mōh Di qiux sim uing goui rīang ndod būi ndaex Rāo ma vīeh, ndāeh mōh [**] blu blie noh dix oud yūh gah mox, eix Gon būi dee ja jūng boud bīang diex, Gaing eix dee ja vēeih boud dix blag rāo ma, kee nin. eix dom ang jīx goui grax njūng Gaīng dix blag njēe, vēeih Jāong dix blag nblāong.
Ai mēng: Di [Dix] bah mōh mēng dīng?
Lāo see: Diex dūg dīng mai Dao yi si hveing noh an gix rōum dīx mōh mēng dīng dīx mu, eix dom ah mēng dīng gah.
Ai mēng: Diex dūg dīng mai Dao yi oud bīang Di qiux mgūah dīx goui mīex mu mēng dīng?
Lāo see: Gon bi mgūah diex dūg dīng mai Dao yi an gix goui meng dīng, jē gaex gix mōh Ya jou, Ou jou, Beix mei jou, La ding mei jou, Da yang jōu [sic], Nan jix jou, Fei jou.
Ai méng: Mēng dīng in gix a liah mu mox bah gin [**] dīng, mox bah gin iag?
Lāo see: Mēng dīng in gix a liah mu, Ya jou gin dīng, Da yang jou gin iag.
Ai mēng: Dix bah mōh rom yang?
Lao see: Rom oud bīang Di qiux bah gin vīeh bag eix ah Rom yang gah.
Ai mēng: Rom oud bīang Di qiux mgūah dix goui mīex mu yang?
Lāo see: Gon būi mgūah Rom bīang Di qiux mōh Tai Ping yang. Da si yang, Ying du yang mai Beix bing yang boun mu. Ndaex si nax gix mōh Tai ping yang bah gin dīng, bah gin iag mōh Beix bing yang.
Ai mēng: Yūh mox būi ah yang Hra gah?
Lāo see: mōh njāo oud Yang beix bīng mēng gin guad gah Beix jix, ling kix ling nūm bīang rom rāng hoig mōh Hra bah gām nbū dix uig, kēe nin, dom ah Yang Hra gah noh.
Ai mēng: Rom hai giex rom yang goui ndēe ang om ndēe mox?
Lāo see: Hai giex Yāng mōh si ndoui dix dāe, ndaeh braog Rom yāng eix dom ah Hai gah. Hai dee hoig mōh nang Rom yang.
Ai mēng: Eix sang yūh dīx dōng ndēe Hag diex brīex ndīg giex blag houig hu rīang Hag diex yūh gah mox?
Lāo see: Sang yūh dīx jix dōng ndēe hag diex brīex ndīg, ja mōh vēeih eix ngai dix blag līh Si ngāix, yāog dob [**] kon Daix dix grēing, nin dom jīx dōng blag vēeih ngai mōh blag līh. blag kaix mōh blag glib, blag ndom mōh blag jō, blag mguax mōh blag dāoh. Yūh dix jīx dōng blag mōh ndaex rīang hag diex. eix vēeih ngai dix blag riang [** sic]. Būi hoig mēed dix din blag nblāong mōh blag dāoh, blag njēe mōh blag jō, blag mguax mōh blag glib, blag ndom mōh blag līh. Sang dōng eix blag mōh ndaex riang hag diex, ja briex dix dōng mgūm loux "nblāong dāoh njēe jō, mguax glib ndom līh" ngīe.
Ai mēng: Bīang Di qiux uig goui mīex mu Gox jīa?
Lāo see: Bīang Di qiux uig goui Gox jīa mai nbaoh mēng ra yīieh haoh.
Ai mēng : Maix mōh būi Gox jīa mox?
Lāo see: Eix dōu mōh būi Joung gox.
Ai mèng: Joung gox oud meng dīng mox?
Lāo see: Joung gox oud ndāog Ya jou blag līh, braog rom Tai ping yang blag glib. [**]
Ai mēng: Joung gox goui mīex ndīng?
Lāo see: Hag diex Joung gox bag vīeh goui 960 hmeen goung li, jō dīx goui 25 mu Hag diex Hox rom.
Ai mēng: Joung gox mōh mgōng dīng si ndāeh uig liex?
Lāo see: Bīang hag diex Joung gox goui mgōng hlaong, goui meng grēing, gon goui nang saeng glong hnong ndūng ndaing nīe. Ndēe dang hag diex Joung gox keing bāox dix mōh blag glib hlaong blag līh dīam.
Ai mēng: Rom glong gin dīng ndaex Joung gox ra mu mōh mox?
Lāo see: Glong gin dīng ndaex Joung gox mōh Qang jiang mai Huang hex.
Ai mēng: Vēing lang goui dīx hmeen li oud ndēe mox?
Lāo see: vēing lang dīx hmeen li oud blag glib ndaex Joung gox. Njāeh blag glib Gan sux seng Jia yi guan, houig blag līh Hex beix seng San hai guan, kom uig lang goui puan hreing li haoh.
Ai mēng: Bīang mēng hag diex ndēe gin hlaong keing bāox [**] oud ndēe mox?
Lao see: Bīang hag diex ndēe gin hlaong keing bāox mōh mgōng Si ma la ya san hag diex Qing jang gao yuan, ah būi "Brang bīang mēng" gah. Mgōng gin hlaong ndaex jūb mgōng Si ma la ya mōh Ju mux lang ma, Hai bax goui ndaix hreing ndaix yīeh si sib bied mi, mōh ndēe gin hlaong bīang hag diex.
Ai mēng: Goui ang goui būi hoig bōun haog bīang mgōng Jū mux lang ma foung?
Lāo see: Jūb būi haog Mgōng Joung gox mai vuai gox dōu hoig haog Mgōng jū mux lang ma foung.Nūm 1988 Jōung gox, Reex ben, Nix box e loui mu Gox jia jūb būi haog Mgōng krom bāox dix haog dīang Mgōng Ju mox lang ma foung dīx nbōg.
Ai mēng: Goui gox jia mox gix uig bah rīeb doui hag diex dix mai braog hag diex Joung gox?
Lāo see: Goui Su lian, Qaox sian, Meng gu, A fu han, Ba ji see tan, Yin du, Nix box e, Six jin, Bu dan, Mian dian, Lao o, Yiex nan in gix gao mu ra rīeb doui hag diex dix mai braog hag diex Joung gox.
Ai mēng: Dao yi oud ndaex Hai bah rīex dīng jīe Joung gox mōh mox?
Lāo see: Dao yi oud ndaex hai bah rīex dīng jīe Joung gox mōh Taix vuang bah hmom brāix glong mī lāoh.
Ai mēng: Joung gox goui Gao yuan mox bōun mu?
Lāo see: Gao yuan jīe Joung gox bōun mu mōh: Qing jang gao yuan, Nei meng gu gao yuan, Huang tu gao yuan mai Yun gui gao yuan.
Ai mēng: Gao yuan in gix boun mu oud ndēe mox?
Lāo see: Qing jang gao yuan oud blag glib ndaex ju gox eix, Nei meng gu gao yuan oud blag dāoh ndaex ju gox eix. Huang tu gao yuan oud ndaoh si nax blag glib giex blag dāoh. Yun gui gao yuan oud si nax glib giex blag jō ndaex ju gox eix gah meng Yun nan giex Gui jou.
Ai mēng: Joung gox goui hag diex grēing vīeh [**] mīex ndaeh [**]?
t
Lao see: Hag diex grēing jīe Joung gox goui Huax beix ping yuan, Dong beix ping yuan mai Qang jiang joung sia yiux ping yuan.
Ai meng, Joung gox mgūah dīx goui mīex mu sēng?
Lao see: Ndaex Joung gox, mēng nklog seng goui sam sib eid mu. si nax gix seng goui dīx nga mu loui, Qi goui puan mu. Jēi dīng goui loui mu. Seng Hai nan kraox sum dix ndaex Nūm 1988.
Ai mēng: Joung gox, Vēing gin dīng keing bāox mōh mox?
Lāo see: Jēi vēing gin dīng ndaex Joung gox mōh Sang hai.
Ai mēng: Maix mōh būi sēng mox?
Lāo see: Ex mōh būi Yun nan sēng.
Ai mēng: Yun nan, sēng oud ndēe mox?
Lāo see: Yun nan seng oud ndaex ju gox ndēe si nan blag glib giex blag jō.
Ai meng: Yun nan seng goui mīex mgūah?
Lao see: Mgūah vīeh hag diex Yun nan Seng goui sam sib bied hmeen si bag goung li [**] haoh.
Ai mēng: Hag diex Yun nan yūh mgrāng gah mox?
Lāo see: Hag diex Yun nan ndēe dang keing bāox dix mōh blag dāoh hlaong, blag jō dīam; Mgōng lūa nīe, Dōung grēing yōm [**], nbaoh blag līh jō dix mōh Yun gui gāo yuan.
Ai mēng: Mgōng lūa Yun nan jān mīex nding?
Lāo see: Mgōng goui ndaex hag diex Yun nan jān mgūan goui Yun nan kom uig gāo sib sōun haoh.
Ai mēng: Yun nan seng goui Dōung grēing [**] mīex ndIng?
Lāo see: Doung grēing vīeh dīng goui dīx hreing boun yīeh si sib mu.
Ai mēng: Yun nan seng hag diex Gox jia rīeb doui dix mai mōh mox gix uig?
Lāo see: Blag glib hag diex Yun nan seng, Gox jia rīeb doui dix mai mōh Mēng mān. blag jō hag diex rīeb doui dix mai moh Yiex nan giex Lao go.
Ai mēng: Hroi si nax mee Yun nan giex Gox jia dang doui goui mīex mglang [sic]?
Lāo see: Goui loui hreing goung li haoh. Ndaex in, hroi rīeb dix doui mai mēng mān goui dīx hreing ndim yīeh gāo sib jied goung li, hroi rīeb dix doui mai Lao o goui puan Yieh goung li, hroi rīeb doui dix mai Yiex nan goui a liah yīeh gāo mu goung li.
Ai mēng: Glong dīng jō dix hu ndaex Yun nan goui mīex glong?
Lāo see: Glong dīng jō dix hu ndaex Yun nan goui Rom hmaig kri [**], Rom grong [**] mai Rom kroung. [**]
Ai mēng: Npom brāix glong [**] Yun nan yūh gah mox?
Lāo see: Yun nan louig keing nbaoh Mgōng hlaong, nbaoh blag nīe dōu sang si u, son dīx mōh jē npom brāix mēng roi aoh.
Ai mēng: Ah būi "vuang gox" bah dix loui jē gah ndaex Yun nan?
Lāo see: Njāo haoh jē ba quh, jē bah sum mai jē hriam si vūn, būi dom hmaing Yun nan mōh "mēng haoh quh", "mēng baoh sum" mai "mēng haoh hriam Si vūn.
Ai meng: Yūh bah dix ah Vēing vō gah kun ming?
Lāo see: Mōh njāo njiad si u kun ming ling nūm, būi dom yō Kun ming ah mōh "Vēing vō".
Ai mēng: Yun nan seng mgūah dix goui mīex mu nbaoh [**] hag diex mai mīex mu sian?
Lāo see: Yun nan seng mgūah dīx [sic] goui gāo [sic] mu puan Di jou, ra mu Jēi dīng mai dīx yīeh gao [sic] mu Sian.
Ai mēng: Yun nan seng kom uig goui mīex mu Sian būi dūx dang krian krei gāing jao dix?
Lāo see: kom uig goui Sian būi dūx dang krian krei gāing jao dīx nga a Iīah mu.
Ai mēng: Yun nan seng mōh hag diex mox gix bah gin hmom Feng jing?
Lao see: Yunnan hag diex ndaing hmom Feng jing ndaing haoh, bah jō son dīx [sic] moh Feng jing ao min mōh Da Ii. Si suang ban nax mai Nōung rang ndaex Lu nang.
Ai mēng: Nyīex yaong maix oud ndēe mox?
Lāo see: Nyīex yaong ex oud Sian dang krian krei Ba rāog gāing jao dix. Qang yuan goui Sang mai jē bah quh jē bah sum gin ngūah gin haoh gah, mēng gīeh hag diex Rom gun mōh mēng ndēe dīe rīan zi ran.
Ai mēng: Lāo see, yūh bah dix Npaeng jīx pru? ndaex rāo ma goui jao Npaeng liex?
Lāo see: Ndaex rāo ma ang ndouh goui jao Npaeng. Pru Npaeng ja mōh jē jīe zi ran, mōh Npom guad mai Npom aoh bah Iai louh bāox dix dom līh dix mōh Npaeng.
Ai mēng: Npom guad giex Npom aoh jīx lai louh dix līh mōh Npaeng yūh gah mox?
Lāo see: Gah ndaex Zi ran jie, Npom aoh haog blag rao ma, kaix haog Npom aoh rāo ma. Npom guad si hreing [**] hu blūd kaix ndēe oud Npom aoh, mōh njāo grax gīan gix ang om bāox dom lai louh ndēe oud dix yūh nin, yām lai louh Npom bāox dix dom blih dix mōh Npaeng. Dox nīe dīng nīe pai lai louh gix bāox dix, Npaeng dom nīe dīng.
Ai mēng: Hliex mōh ang mōh dax si yōng bah pruih lïh keing ndaex rāo ma?
Lāo see: Ndaex rāo ma ang ndouh goui Dax si yōng, Hliex mōh nang jēe jīe Zi ran dīx jēe.
Ai mēng: Līh hliex dom rūg mōh gāing bah dix box?
Lāo see: Jān rom glong saeng hnong hai bīang Di qiux uig. oud mgreem hax gouig bīed [**], dīx nblah dīeh dix mōh Npom Rom haog ndaex rāo ma, Npom rom in gix haog houig dom ndēe hlaong, njāo dīeh npom brāix dix guad dīeh dix mōh mu rom siah in gix rāe [**] bīang hag diex, dom mōh box [**] "līh hliex" ah eix.
Ai mēng: Hra mōh bah gaoh keing ndee mox?
Lāo see: Pan Npom Rom haog rāo ma si ndaeh npom brix guad [**] dīeh dix mōh rom siah mu haog houig ndēe houig vēn du si sib du [sic], rom siah mu in gix gām dix mōh si ndab, Si ndab in gix laix bām gleg [**] bāox dix, nīad gleg nīad dīng, dīeh dix mōh loun hra [**] mai dāi hra [**], mōh njāo rīang ndod [**] Di qiux loun hra dāi rāe [**] bīang hag diex, dom līh mōh Hra ah eix.
Ai mēng: Ndaex rāo ma duih saih mōh ang mōh Dax saih bah yūh?
Lāo see: Ndaex rāo ma ang ndouh goui "Dax saih", "Yīex saih". Duih saih mōh njāo Npaeng bah pru blu bliag rom siah mu mai si ndab an gix ndaex Bai om, gix lai duih [**]bāox dix, dom līh mōh Saih [**]. Bai om vīex Saih "Hmāing" giex bai om vīex Saih "Siang" būng bām bāox dix. jīx bloi Saih līh. Yām līh Saih bah rīang douh eix ba rāog ah "kiab jō" gah. loux būng bām gix bāox dix būi dom ah loux "duih Saih".
Ai mēng: Yām duih saih mōh ang mōh njāeh dix douh rīang dom līh loux kaix?
Lao see: Līh kiab jō giex loux duih saih mōh dīx nbog ngīe.
Ai mēng: Njāo bah dix eix njāeh yāox douh rīang kiab jō vēui, dāeg hmoung loux duih saih kaix?
Lāo see: Mōh njāo hu douh rīang giex loux luah [**] ndaex Npom brax [**] pai hnim ang om bāox, douh rīang rīex pai hu keing loux luah, njāo nin, yām duih saih, eix dom njāeh dix yāox douh rīang vēui hmoung loux duih saih kaix.
Ai mēng: Pan rom ang goui bīang Di qiux, braīx jīx ang jīx hliex?
Lāo see: Pan rom ang goui bīang Di qiux, Npom rom haog rāo ma gah ang goui nang, brāix gah ang jīx hliex.
Ai mēng: Dix bah mōh rān Npom dīng?
Lāo see: Rān npom dīng mōh npom yī gīe [**] Hag diex uig bū ngīe dīx rān.
Ai mēng: Ran npom dīng goui nbū [**] mīex ndīng?
Lāo see: Nbū rān Npom dīng rān gix goui ra loui hreing goung li. Nīad dix ndēix bīang Di qiux, Npom yī [**] rān Npom dīng nīad dix dan [**], nīe hu blag rāo ma, Npom yī rān Npom dīng nīad dix hri [**].
Ai mēng: Dix bah mōh jē bah Rom [**]?
Lāo see: Ja mōh jē bah jīx lā log Rom nan eix ah jē Rom gah uig.
Ai mēng: Dix bah mōh jē bah gām [**]?
Lāo see: Ja mōh jē bah ang jīx la, gām dix gian ngīe, log Si māox, Rang, Kaox, Oux in gix, eix ah jē ba Gām gah.
Ai mēng: Rom moh jē bah dix?
Lāo see: Rom mōh jē bah ang goui Yan sex, ang goui Si oui, ang goui Vei dao. [sic ...]
Ai mēng: Dix bah mōh Npom yī?
Lāo see: Npom yī mōh jēe bah ang goui Yan sex, ang goui Npom si oui, ang goui grax soung grax die.
Ai mēng: Yūh gah mox rom oud ndaex pen hod nbraog [**] Nyiex leui jīx hid si nyeig?
Lāo see: Log jēe bah yūh nin, eix ah mōh haong hid [**].
Ai mēng: Dix bah mōh haong hid Rom?
Lāo see: Njāo dong Gouig Si ngāix, Rom dīeh dix mōh Npom nboui haog rāo ma, jē ba yūh nin eix ah haong hid Rom gah.
Ai mēng: Npom haong rom mōh bah log dix nan?
Lāo see: Npom haong rom giex Npom yī om bāox dix, mōh jē Npom ang goui Yan sex, ang goui Npom si oui, ang goui grax soung grax die [**], mōh jēe bah rīang si ndong plad ngai eix keing.
Ai mēng: Si mōg mōh bah dix bah dīeh dīx mōh?
Lāo see: Si mōg mōh Npom haong rom Si ndab guad, dīeh dix mōh mu rom siah mīex ndīng mox, dom rōum dix mōh Si mōg.
Ai mēng: Rom oud ndaex mēng hag diex hag ma dom lāi līng yūh gah mox?
Lāo see: Rom oud bīang Di qiux njāo aoh gouig si ngāix, dīeh dix mōh Npom rom hngaong haog houig rāo ma. Si ndaeh guad ndēeih dīeh dix mōh mu rom siah mai dāi hra rāe līh bīang Di qiux, dix nblah nbāox nīad dīeh dix mōh Npom rom haong haog rāo ma, dix nblah hu lāig ndaex glong ndaex saeng, ndaex Hai, ndaex Yāng, in dom mōh mgrong lāi līng rom ndaex hag diex hag ma.
Ai mēng: Mōh rīang bah dix bah jīx gīeh rom līh dix jīx nkuai lāi līng?
Lāo see: Rom mōh ndū [**]dix gah Gouig hax Si ngaīx, Rīang yāog Npom dīng [**], Rīang npaeng mai Rīang ndod Di qiux dom dāeg jīx nkuai lāi līng ndaex hag diex hag ma.
Ai mēng: Loux dom līh keing ndēe mox?
Lāo see: Loux līh keing quh [**] grāeng krai.
Ai mēng: Grāeng krai dix gix bah jīx līh loux?
Lāo see: Ndaeh mōh bah Gām, bah Rom, ndaeh mōh Npom, ja mōh quh, loux dee jīx līh keing.
Ai meng: Yūh bah dix būi jīx hmoung loux luah gū jēe?
Lāo see: Yām līh loux luah grāeng krai gah dix, jīx gīeh npom yī si hveing noh an gix quh nang, līh dix mōh glia loux gleei [**] dix hu gū blag gū vāng. Glia loux luah hu lāig ndaex hyaog būi, gīeh nang jēe bah ah būi Gu mox gah quh, nbāox hu houig dom mgrēng Hyaog, jēe bah jun jih [**] loux luah in ndō [**] seng jīn houig ndaex ndīeb ndoung [**] būi, dom jīx gīeh būi hmoung loux gū jēe.
Ai mēng: Sim yūh gah mox jīx bu?
Lāo see: Sim mōh ndū [**] dix gah Bruig dix dom jīx bu. Yām ndīeh Sim bruig dix, bruig sim yīb npom yī hu blag mgreem blag kaix. Npom yī dom jīx teex [**] Sim haog blag hlaong hu blag vēui. Sim ndīeh [**] bruig dix ang njūd, noh dom jīx bu haog nblāong hu vēui ndaex Rāo ma ang njūd.
Ai mēng: Jag bu yūh bah dix njāeh dou ndaex grax dāeg yāog dix bu kaix?
Lāo see: Ndāeh mōh Jāg bu Yīa nblag [**], ndāeh mōh Jāg bu pruih npom [**], dōu mōh sīao gix rīang kaix npom yī, Jāg bu dom jīx pai dou bīang bag. Jāg bu nīe dou nīe pai, Npaeng houig keing si vēui nīad houig nīad dīng, rīang yāog bruig Jāg bu nīad dīng si nyeig, dox pan rīang yāog in dīng keing ndīng gīan Jāg bu, Jāg bu dom dāeg jīx yāog dix bu.
Ai mēng: Dēi ngū [**] mōh ndū dix gah rīang bah dix dom bōun teex noh haog rāo ma?
Lāo see: Dēi ngū mōh ndū dix gah rīang mgaih [**] pruih npom līh keing mglēeing [**] ngū dom bōun teex noh haog rāo ma.
Ai mēng: Gax mōh ndū dix gah bah dix dom jīx leui [**] dix ndaex rom?
Lāo see: Gax mōh ndū dix gah vūg vīed bruig dix dom jīx leui hu ndaex rom. Gon goui, Gax ndū nang dix gah nīe iag npom ndaex nblaeng dix, noh dom jīx pan [**] dix oud ndēe raex ndēe to [**].
Ai mēng: Grāeng krai yūh bah dix jīx goui gīan?
Lāo see: Grāeng krai goui gīan mōh njāo mōh Di qiux bah ndod dom līh dix gīan.
Ai mēng: Būi jīx ang jīx bōun bu haog rāo ma?
Lāo see: Eix būi, pan eix ang goui dix hu gah grāeng bōun nprud [**] dix keing rīang ndod Di qiux, eix ang ndouh bōun hu keing Di qiux, lāi līng ndaex rāo ma.
Ai mēng: Hoig goui nang bōun haog ndaex kix rīang liex?
Lāo see: Gon būi hoig ngōm ndaex Rē bu rāo ma hu houig ndaex kix rīang.
Lāo see: Ndaex kix rīang goui Rom goui Kaox goui jē bah quh [**] nang liex?
Lāo see: Ndaex kix rīang Rom nīem [**] ang goui, kaox Oux Rīb rīem mai jē bah quh gah ang goui.
Ai mēng: In ngāix [**] bīang mēng hag diex kom uig goui Gon būi mīex gaex?
Lāo see: In ngāix ndīng goui Gon būi bīang mēng hag diex hoig houig ha sib hmeem hmeem gaex būi haoh.
Ai mēng: Jōung gox goui būi mīex gaex?
Lao see: Joung gox mōh Gox jia gin nīe Gon būi gah bīang mēng hag diex, in ngāix hoig goui gao hmeem hmeem gaex būi haoh, puan sōun goui dīx sōun ndaex Gon būi bīang mēng hag diex.
Ai mēng: Ndaex gox jīa eix, ndēe mox gix bah nīe Gon būi, ndēe mox gix bah yōm gon būi?
Lāo see: Gon būi Gox jīa eix ang si ndū prei [**] dix oud, blag līh blag jō Gon būi nīe hun, blag glib blag dāoh Gon būi dūx yōm [**].
Ai mēng: Gox jia hun būi hmom ang hmom liex?
Lāo see: Gox jīa dīx mu yām ang nyāng mī, Gon bai qaox hun ang mōh Gāing hmom, bēn [**] ko dix yūh ji hua gah gīeh [**] ha, pan bin [**] grax sang haoh hun Gon būi ko ngīe.
Ai mēng: Bīang mēng hag diex goui jēe būi dix gix uig?
Lao see: Bīang mēng hag diex ju yao goui jēe būi si mgraing, jēe būi bāing, jēe būi lūng mai jēe būi ngūd.
Ai mēng: Būi Joung gox mōh jēe būi bah dix?
Lāo see: Būi Joung gox mōh jēe būi si mgraing.
Ai mēng: Jēe būi bāing oud gix mēng hag diex mox uig?
Lāo see: Jēe būi bāing mgūah dix oud gah Ou jou, Ya jou, Beix mei jou, Fei jou, La ding mei jou mai Da yang jou.
Ai mēng: Jēe bai si mgraing mgūah dix oud mēng hag diex mox gix uig?
Lāo see: Jū yao oud gah Ya jou, Beix mei jou mai La ding mei jou gah goui dīx nblah nang.
Ai mēng: Jēe būi lūng mgūah dix oud ndēe mox?
Lāo see: Jēe būi lūng oud gah Fei jou, Beix mei jou mai La ding mei jou gah goui nang jeeix.
Ai mēng: Je būi ngūd [**] oud gix ndēe mox?
Lāo see: Jēe būi ngūd jū yao oud gix gah Da yang jou, dīx nblah oud gah Ya jou blag jō.
Ai mēng: Joung gox goui mīex jēe Ming qux?
Lāo see: Ndaex Joung gox kom uig goui ha sib hroug jēe Min qux.
Ai mēng: Ndaex ha sib hroug jēe Ming qux in gix, Min qux mox bah gin nīe būi?
Lāo see: Ndaex ha sib hroug je Min qux in gix mōh Hox bah gin nīe. būi Joung gox kom mu mgūah dīx yīeh sōun, gāo sib sōun mōh Hox. Jēe Min qux an gix kaix mōh būi dūx yōm [**], eix dom ah Ming qux dūx [**] gah.
Ai mēng: Ming qux dūx yōm in gix ndaex eix Joung gox, ju yao oud gix hag diex mox gix?
Lāo see: Ming qux dūx yōm eix Joung gox ju yao oud gah nbaoh Si nax blag glib giex blag jō, si nax blag glib giex blag dāoh mai si nax blag līh giex blag dāoh ndaex Ju gox eix.
Ai mēng: Gox jia eix, Ming qux zi zi qi goui mīex mu?
Lāo see: Gox jia eix goui qi dang krian krei puan mu, gix mōh: Nei meng gu, Sing jiang Veix vū e, Ling sia, Si jang mai Guang si.
Ai mēng: Yun nan seng goui Gon būi mīex ndīng?
Lāo see: Yun nan seng goui būi loui hreng mai loui yīeh hmeen haoh.
Ai mēng: Yun nan seng goui jēe būi Ming qux mīex jēe?
Lāo see: Yun nan seng jēe Ming qux roi nīe goui dīx nga jēe boun.
Ai mēng: Jēe būi dūx yōm ndaex Yun nan goui mīex ndIng?
Lao see: Jēe būi dūx yom ndaex Yun nan kom uig goui dīx hreing hmeen haoh, loui sōun jān dīx sōun ndaex būi Yun nan.
Ai mēng: Yun nan seng goui mīex mu Jou, mīex mu Sian Hag diex dang krian krei?
Lāo see: Yun nan seng goui ndaix mu Jou, dīx nga a līah mu sian hag diex dang krian krei.
Ai mēng: Goui Jou Jēe būi dix gix uig ndaix mu?
Lāo see: Yun nan seng goui Jou hag diex dang krian krei in gix ndaix mu: Da li jou, Nu jiang jou, Dix qing jou, Qu siung jou, Dex hōung Jou, Houng hex Jou, Ven sang jou, Si suang ban nax Jou.
Ai meng: Ndaex Yun nan mōh jēe būi dūx yōm mox bah gin nīe gaex būi, mōh mox bah gin dūx?
Lāo see: Ndaex Yun nan si nax jūb būi dūx dīx nga boun, jēe jūb Yix qux yīex [sic **] nīe, jūb Gon būi Dūx loung qux yīe [sic **] gin dūx.
Ai mēng: Maix mōh jēe būi Ming qux dix?
Lāo see: Ex mōh Ba rāog.
Ai mēng: Ba rāog kom mu uig goui būi mīex ndīng?
Lāo see: Yun nan seng Ba rāog goui būi sam sib ha hmeen gaex.
Ai mēng: Ba rāog doun [**] nīe oud hag diex mox gix?
Lāo see: Ba rāog mgūah dix oud gah mēng Yun nan seng hag diex Lan qang, Gaeng līam, Si nblāeng [**], Si meng, Qang yuan, Gaeng mīex, Young dex mai Jeng kang sian in gix.
Ai mēng: Ba rāog oud hag diex Young dex, Jeng kang in gix, būi hag diex an gix ah jēe būi dix gah?
Lāo see: Ba rāog oud hag diex Young dex, Jeng kang gix, būi hag diex an gix ah "Būi hēen" [sic **], dīx nblah ah "Ben qux" gah gix.
Ai mēng: Lāo see, Gon būi gaoh keing ndēe mox?
Lāo see: Gon būi mōh Yuan dom yām njū mox ndīx bah dīeh dix mōh.
Ai mēng: Njāeh dom mōh būi Yuan houig dom dīeh dix mōh būi in gix ngāix, hoig jō luan nbōg yām mīex mglang?
Lāo see: Hoig jō lūan nbōg yām loui yīeh hmeen nūm.
Ai mēng: Būi Yuan njāo bah dix jīx dīeh dix mōh būi?
Lao see: Būi Yuan bōun dieh dīx mōh Gon būi in ngāix, bēn [**] mōh njāo yūh Gāing nqo.
Ai mēng: Loux mōing gon būi līh keing bah dix ndīx?
Lāo see: Būi yām njū oud ndaex yūh dix Gāing nqo, sōun sang deem jōi bāox dix, sōun sang nyōm yūh Gāing dāe, yām njāeh gix līh loux yōu bāox dix. Log dīag: Būi dīx gaex hu yāox Jag yūm ndaex Ngū dīag [**],
Ai meng: Bīang mēng hag diex uig, Joung gox mōh ang mōh gox jia njāeh Gon būi dix goui gah?
Lāo see: Sin log loux grāi kao gu Sioux jia, Joung gox mōh ndēe njāeh Gon būi dīx līh dīx ndāeh. Yaong Sang na beng Yuan moux sian ndaex eix Yun nan, yāox kaix būi Yuan ndaex si vēui in, hoig goui dīx yīeh jīad sib hmeen nūm ndīx, būi kaix hoig oud gah.
Ai mēng: Grāeng njāeh būi dix sīao ndīx mōh bah dix?
Lāo see: Grāeng sīao njāeh Gon būi dix sīao ndīx mōh Si māox rang mai Kaox līa [**].
Ai mēng: Dax yīex mīex njū mox ndīx, Gon būi dom yūh grāeng sīao si māox rang yūh gah mox?
Lāo see: Grāeng sīao Si māox rang njāeh Gon būi dix sīao ndīx, ja mōh lai dog Si māox rang mai bāox ngīe. Si māox rang dog bāeh gix goui bah hri bah lōm, būi dom vīex hu līeh dou dīag mai gīd mgū [**] kaox oux. Grāeng sīao Si māox rang in gix eix ah Grāeng si māox rang brim. Houig Si vēui in nbēen a līah hreing nūm ndīx, Gon būi dōng dix glaing [**] si māox rang. yūh mōh mgon Si māox, Moui si māox. Grāeng sīao si māox rang gaoh keing glaing, eix ah Grāeng sīao si māox rang kraox gah.
Ai mēng: Yām lai mox ndīx Gon būi njāeh dix sīao grāeng sīao Dōng, Hriam?
Lāo see: Si vēui in boun hreing nūm ndīx, Gon būi hoig dōng dix sīao Dōng yūh grāeng sīao gah. Si vēui in ra hreing nūm haoh ndīx, Gon būi hoig dōng dix sīao Hriam yūh grāeng sīao gah.
Ai mēng: Joung gox mōh ang mōh Gox jia hreeng bang lang goui [**] gah bīang hag diex?
Lāo see: Bīang mēng hag diex, Gox jia hreeng bang lang goui goui boun mu, Joung gox mōh dīx mu nang heui.
Ai mēng: Bīang mēng hag diex, Gox jia hreeng bang lang goui mōh mox boun mu?
Lao see: Bīang hag diex, Gox jia hreeng bang lang goui boun mu mōh: Aix jix [**], Yin du [**], Ba bi lun [**] mai Joung gox.
Ai mēng: Gōng mū kri [**] jīe Aix jix mōh yūh dix gah kri liex?
Lāo see: Gong mū kri jīe Aix jix mōh loun māox loun rang, mōh Gong mū boun bag. Gāing lom Jāong dīng, mgrāng njiad log ngai lāi hox "kri" nan. hox deem ah Jīng zi tax (Gong mū kri) gah. Gong mū kri jīe Ai jix mōh si mēeig vōng Aix jix ndīx, gin ao [**] gah bīang mēng hag diex.
Ai mēng: Vēing lang hmeen li mōh yūh dix lai mox ndīx?
Lāo see: Vēing lang hmeen li mōh Vōng Qin qaox Qin see huang bah rāe loux din gīeh būi yūh, kan [**] in ngāix hoig goui ra hreing nūm haoh.
Ai mēng: Būi njāeh dix mōh Vōng ndaex Joung gox mōh mox?
Lāo see: Būi njāeh dix mōh Vōng ndaex Joung gox mōh Qin see huang.
Ai mēng: Jēe bah njāeh Joung gox dix yūh boun jēe mōh bah dix gix?
Lāo see: Mōh Nam sīu, Jei, Njēix [**] jī blag brāix mai ju yi Yin [**] lāi.
Ai mēng: Joung gox goung qan dang njāeh sum dix nūm mox?
Lāo see: Joung gox Goung qan dang sum dix nūm 1921 kix 7.
Ai mēng: Joung gox Goung noung houng jun njāeh hu grax lang ra hmeen puan hreing li lāi mox?
Lāo see: Joung gox Goung noung houng jun njāeh grax lang ndaex nūm 1934 kix 10.
Ai mēng: Nāing gūan [sic **] eix Gon būi Joung gox dog Hox rom dog dix mīex nūm ndīx?
Lāo see: Nāing gūang [sic **] eix Gon būi Joung gox dix dab Hox rom buing dix ndaix nūm bog bee [**], njāeh dix nūm 1937 kix 7 ngāix 7, houig dom nūm 1945 kix 8 dom dāeg hoig, Gon būi Joung gox bōun dix bēix nāing in heui.
Ai mēng: Yām yūh nāing Jie fang Joung gox ndīx, nāing dīng goui mōh mox loui?
Lāo see: Yām yūh nāing Jie fang Joung gox ndīx, nāing dīng loui nbōg mōh nāing Liaox sen, nāing Ping jīn mai nāing Huaix hai. Jie fang jun eix Joung gox ndaex nāing in gix loui nbōg bōun lien Gox min dang 154 hmeen gaex būi.
Ai mēng: Jēe gaex mgrūm Joung gox gaex bah dix?
Lāo see: Jāo [sic] gaex mgrūm Joung gox gaex Joung huax ren min goung hex gox.
Ai mēng: Joung huax ren min goung hex gox sum dix nūm lai mox ndīx?
Lāo see: Joung huax ren min goung hex gox sum dix nūm 1949 kix 10 si ngāix 1.
Ai mēng: Jēi [**] Joung huax ren min goung hex gox oud ndēe mox?
Lāo see: Oud Beix jing.
Ai mēng: Gox qix Joung huax ren min goung hex gox geem yūh mgrāng gah mox?
Lao see: Gox qix Joung huax ren min goung hex gox mōh qix raoh sim uing puan mu.
Ai mēng: Gox ge Joung huax ren min goung hex gox mōh ge dix?
Lāo see: Gox ge Joung huax ren min goung hex gox mōh «Yi yung jun jin sing qiux».
Ai mēng: Rian si ndaex grāeng jeeb goui hmom blag mox?
Lāo see: Rian si ndaex grāeng jeeb, mōh pag eix dix dig rom gīh rom nīex līh keing ndaex gaex eix in gix bah gīeh grāeng jeeb eix lāex hram [**].
Ai mēng: Sang gīeh Giab yang yid gaex dix jeeb sang rīan eix dix gah dix?
Lāo see: Sang gīeh eix Giab yang yid gaex hreeng dix ih, dīx mōh bō ndouh si ndaex gah rom hax, ra mōh bō houng ndaex gouig hax, bō ga hod mglaeh ngū, ko dix si yang gah ndēe veei ndēe hu npaeng, gīeh dang gōi grouh.
Ai mēng: Houng [**] yeix kuad hoig blāeng yūh mox ang bōun dix ih?
Lāo see: Houng yeix kuad hoig blāeng, jēe bah ob ah Hox "Loung kuix su" līh goui ndaex Houng, njāo nin, Houng yeix kuad hoig blāeng ang bōun dix ih, pan eix ih būi jīx ob gah.
Ai mēng: Dou Jēem diex [**] hoig meuix jīx ang jīx dix ih?
Lāo see: Dou Jēem diex hoig blāeng goui jēe bah ob ah Hox "Huang qiux meix" ndaex, pan būi ih jīx bōun saex Aix jeng. Dou Jēem diex hoig blāeng ang bōun dix ih.
Ai mēng: Yām yī vāig eix yūh bah dix ang bōun dix piex blix Groung moui [**]?
Lāo see: Blix groung moui glai dee mōh Blix bai sang piex būi, kom mōh nan, pan eix piex qaox nīe, eix yīie bōun saex "see seex" gah, jīx gīeh eix hao [**], blu bliag ndaex hrom mai saex ndaex hrom, gon jīx gīeh eix bōun saex dū dang jēe nang. Njāo nin, eix dom nbrēi briex dix dōng, yām yī vāig eix ang ndouh bōun piex Blix groung moui.
Ai mēng: Nyāex qax goui ndēe hmom ndēe mox?
Lāo see: Qax gin haoh jēe veix sēng su goui gah ndaex. Nyāex qax lāo ang haing yūh ndīeb ndoung eix, mgāex hang yūh hrom hri eix, Si mglaoh yūh nang Hrom eix mai bai dāeg eix, gon jīx dēem jōi vāig dū eix Sāi brīex brēem mai bōun bai saex aoh ndaex vāig dū mai ob gah dih daex.
Ai mēng: Si ho goui ndēe sīao eix noh gah dix uig?
Lāo see: Ndēe sīao eix Si ho ndaing nīe, lāo ang mōh Si oui si oug [**] ih eix ndaex brīex brēem, gon mōh si ndah haoh mgrong sīao dīx jēe. Ndaex si ho goui dīx jēe ah hox "Da suan su" gah, jīx bōun blaex jao saex jao ngīa oud ndaex gaex hag nēix nōn būi. Vōung aoh mai vōung hlīex, baih dix ih im gun Si ho dīx ngāix dīx biam bōun dīe rīan [**] eix gah saex lōung [**] mai saex grāeng vāig; kix guad mai kix vō, jēi dix ih si nqeeng si ho ndaex rom qu [**] nīex bōun dīe rīan eix gah saex gaing saex ndoung.
Ai mēng: Blix ndi [**] kraox giex Blix ndi brim jīx ang jīx dix sīao dāe?
Lāo see: Blix ndi kraox giex Blix ndi brim ndēe hmom ang jīx rōum dix sīao dāe, mōh njāo ndaing dīng Sīao Blix ndi brim dian, pan eix rōum dix sīao bah kraox giex bah brim dāe, dian Blix ndi kraox lag bē hu nai dix gah Blix ndi brim uig.
Ai mēng: Njāo bah dix būi ko dix dūah sub?
Lao see: Mōh njāo goui jēe bah lāex ndaex hlax Sūb, noh gin lāex yūh gaex hag gon būi. Njāo nin, ja mōh būi ang yod sūb bō ndouh mgāe dix yod, būi yod sūb ko dix dūah sūb.
Ai mēng: Si nbroui lāig ndaex ngai būi, eix sang yūh gah mox?
Lāo see: Pan si nbroui lāig ndaex ngai eix, bō dūg dēig [**] gah daix dix, dūg dēig gah daix yīie mgleed yūh nbīe ndaex ngai. Ndēe hmom mōh yiab ngai dix. groux rom ngai līh. gīeh rom ngai vēix [**] daih si nbroui līh blag brāix. Pan rom ngai ang bōun daih līh, jīx dix Sīao man si ngax muih [**] mōh hnein dāi [**] gōi god ndaex ngai, guah si nbroui līh.
Ai mēng: Ih bah nīex "Saex gi hrang" sang yūh gah mox?
Lāo see: Ih bah nīex saex gi hrang eix gah, nīad dix sāi gun si ho gah, dix jū kaix vāi.
Ai mēng: Sang rīan eix dix ang goui Six, Nbrūing yūh gah mox?
Lāo see: Sang dīe rīan eix Six Nbrūing ang goui, ndēe hmom mōh krian grāeng krai gaex hag jao dix dom nblang. kouig si nqeeng gaing dix, heem si nqeeng gaex dix [**], pai louh grāeng jeeb dix, yūh grāeng id dix nblang si nqeeng, krian dix houg si nqeeng.
Ai mēng: Id eix būi mōh id jēe dix bah hmom?
Lāo see: Id eix būi mōh id ndāng rīex mai id ndīeb sua bah hmom. Bō id mgub, id mgub eix jō dix mgud Nao dix, si vīx gah sang pom eix mai sang daeh hrom eix. Id kaix som eix id ndīeb sua blag ndom, pan eix id ndīeb sua blag mguax, jō dix mgud Dū dix, ang hmom gah sang sāi brīex brēem.
Ai mēng: Ih eix Si ndah mu jīx ang jīx dix ih mai rom qax?
Lāo see: Njāo dīah rom qax nqom si ndak mu ang lai goui jēe, njāo nin, ih eix si ndah mu ang jīx ih mai rom qax.
Ai mēng: Blai pix jiu om ang om Blai Hre nan, ndeh nīe hreeng nīe hmom?
Lāo see: Ja mōh Blai hre, nīe een hreeng nīe nyōm, Blai pix jiu nīe kraox nīe hmom. Yām ndēh Blai pix jiu ang jīx dix lūan keing blag nūm.
Ai mēng: Sang dēei eix si oui Nēix Bēix yūh mox?
Lāo see: Yām ngaig eix Nēix bēix, sae gun brāng brēg ndaex dīx gun ngaig mai nēix. Hoig dēih gun Brāng brēg dēei līh. Nēix bēix an ang lāi [**] si oui bēix kaix.
Ai mēng: Eix sang gīeh eeb leeing ang lai si oui leeing yūh gah mox?
Lāo see, Hoig man eeb leeing. yām gon hax, baih mgong Daex mou goui mglang mgian seeh [**] ndaex eeb, dīeb ndīeb o kaix, groux dīx jū, si oui leeing ang lai goui. Gon goui dīx jēe. yaog o eeb een ndēe leed, gao fen joung haoh. si oui leeing ndieh mīex nyāo.
Ai mēng: Bāeh Ia bāeh Beid nū Haeg dix rēeig eix sang yūh gah mox?
Lāo see: Vēui sang bāeh eix Ia giex Beid gao fen joung haoh, mgo Ia, Beid ih blai hre mai rom qu. kaix hlaeg [**] gah rom hax, haeg yīie ngīe dix rēeig kaix.
Ai mēng: Sō hoig hro eix sang bōun baoh noh yūh gah mox?
Lāo see: Sō hro nu dix baoh, jīx dix sīao nbēe Gōung jāing grāeng muih mōh hmong dou nam mēg kaox, raeg ndaex sō hro. sō hro yīie dix baoh kaix.
Ai mēng: Hngaong man toux nīe jian dīeh dix si mgraing eix sang yūh gah mox?
Lāo see: Dox yāox eix si mgraing Man toux njāo nīe Jian, nyīad jīad dix dig rom ndūng hngaong dīx nblah, tie rom qu mex ndaex, lai nbāox gōi hngaong gah ngū iag gao houig gao fen joung puan, npom nīex gīeh Jian mgrai, Man toux dīeh dix bāing kaix, noh gah ang nīex.
Ai mēng: Dom ia eix pag si ngax yūh gah mox yīie lāex gah?
Lāo see: Mōh njāo tong eix noh gah nam dāng sian veix jing dom yāox, si mgrog dom ia goui ndaex su siah uig haoh ngīe.
Ai mēng: Yūh dix ih sa Nēix im Vei ang vei sēng?
Lāo see: Ih sa Nēix im ang ndouh Vei seng, pan dom Gōng Dix qoung mai dom Gōng Suin maox qoung goui ndaex Nēix, eix būi jīx bōun saex Dix qoung mai saex Suin ma qoung, ndaing dīng yīng siang gah sang hmom gaex hag eix.
Ai mēng: Yūh gah mox dom jīx gīeh si oui ād Nēix Lax rou mgrai?
Lāo see: Ngaig eix Nēix lax rou, eix lang louig mag man goui ndaex ra loui mu sae ndaex o ngaig mai Nēix, jīx mgrai yūh si oui ād Nēix lax roux.
Ai mēng: Ngaig yūh gah mox, hag Nēix lax rou dom jīx lān [**]?
Lāo see: Vēui sang ngaig eix Nēix lax rou, graix nam oi bāing bīang hag, yīie lān dix ngaig kaix, Nēix lax rou gah nīe nyōm dix ih kaix.
Ai meng: Eix sang yūh gah mox dom ang gīeh nbēe līg ka jīx dīeh laex?
Lāo see: Gīah Gun brang brēg dīx nbliah een grei Dōung nbēe, eix dom sae nbēe hoig ka ndaex Dōung kaix, nin nbēe Līg ka dom ang jīx dīeh lāex.
Ai mēng: Ih im Dom ia hmom ang hmom?
Lao see: Ih im dom ia ang hmom. Ih Dom ia im lāo ying yāng [**] ang nai [**] dix dīx blag, gon ndaing ang Vei seng. Pan eix jō dix ih Dom ia saex, eix yīie jō saex haog mai.
Ai mēng: Eix yūh gah mox dom jīx gīeh Nēix ia gūad yīie lān dix ngaig?
Lao see: Vēui sang bāeh Ia, mgo ia ih rom qu jeeix, bāeh kaix. Yām ndūm ih ngū iag gah, nēix ia gūad dom jīx yīie lān.
Ai mēng: Sae eix si mīe dou ma kix mox, dēei dou kix mox?
Lāo see: Dou ma brīex brēem sae si mīe kix van, dēei dou ma kix gaex.
Ai mēng: Dou ma brīex brēem eix Yun nan mōh dix uig?
Lāo see: Dou ma brīex brēem eix Yun nan ju yao mōh Hngoux, Si vōng.
Ai mēng: Dix bah mōh dou ma rāex, dix bah mōh doux ma rūng?
Lāo see: Si mīe dou ma brīex brēem sae dix kix vō, dēei dix kix gaex [**], eix ah da quing gah, Si mīe sae dix kix gaex houig nūm kaix, dou ma dēei kix vō, jēe dou ma in gix eix ah siao quing gah [**].
Ai mēng: Dou ma dou rūng mōh dix gix uig?
Lāo see: Dou rūng mōh Dū dē, Dom mgoui, Hngoux jax in gix.
Ai mēng: Dou ma haog huan sang ih gix bah dix?
Lāo see: Dou ma haog huan sang ih si u gouig, Rom mai poun.
Ai mēng: Dou ma sang ih poun jēe bah dix gix?
Lāo see: poun sang ih dou ma goui gao jēe haoh, kom mōh nan, ju yao mōh ngīe Dan [**], Lin, Jiax, loui jēe.
Ai mēng: Ja mōh dou ma gū jēe kom uig, muih [**] dix sum ndēe mox dee jīx mōh ang mōh?
Lāo see: Sum dou ma ang jī [**] dix sīao Diex dūg. Diex dūg gon mgūah dix goui mīex jēe mox, eix dom nbrēi mgāig jēe dīex, ko dix sum Hngoux gaeng sum Hngoux gaeng, ko dix sum Si vōng sum si vōng, bō lag vīex hrom ged jao dix muih dix sum ndēe mox mōh sum, yūh nan ang jīx.
Ai mēng: Sīao si ndah Hua sioux blaex Rīb goui ndēe hmom ndēe mox?
Lāo see: Si ndah Hua sioux blaex Rīb haoh ndēe hmom, yiie gāing nīe māe bōun, ndaing goui grax hmom gah sang nīe bōun eix Hngoux jax, Hngoux gaeng, Si vōng mai daex hlax in gix, eix ko sīao si ndāeh uig.
Ai mēng: Hngoux mgūah dix goui mīex jēe?
Lāo see: Hngoux haoh jēe gaex, mgūah dix mōh Hngoux gaeng mai Hngoux rāog [**] ra jēe. Hngoux gaeng sum dix ndaex gaeng. Hngoux rāog sum dix ndaex ma rāog.
Ai mēng: Hngoux gaeng dīx nūm sum mīex nbōg?
Lao see: Hag diex mai aoh, dīx num jīx sum Hngoux gaeng ra houig loui nbog. Ndēe roi saex gīad [**] hag diex, dīx nūm sum dīx nbōg ngīe.
Ai mēng: Hngoux mgūah dix mōh mox ra jēe?
Lāo see: Mgūah dix mōh Hngoux gian mai Hngoux on, bēn [**] mōh bah ah eix Hngoux ah [**] mai Hngoux bīd.
Ai mēng: Daex ga briad yūh mox gon nbāox jīx huan kaix bad eix dix?
Lāo see: Daex ga briad mōh jēe Daex goui loui boun nūm, rom ying yang ndaing haoh ndaex riah num noh, kaix bad eix hlax noh, noh ndū dix gah rom ying yang in gix loui boun nūm hoig eix ko dix bāog dix dig num brim tai sum bah kraox, pan eix ang yūh nin, hlax noh ang jīx vīeh lang, eix gah ang nīe bōun noh.
Ai mēng: Blu bliag hnu Houn oi jīx ang jīx nīe yūh dou Houn?
Lāo see: Houig dom ngāix, gon goui hag diex dīx nblah gīeh blu bliag Hnu houn oi mōh ban fax haog huan dou Houn, gīeh log mgāig eix dix yāox, ndaex gāing nqo mai hod eix qe mai nbēen ke sioux eix bēn [**] hoig si ndong gah, blu bliag Hnu houn oi lāo [**] ang mōh gāing hnyab mglā, gon mād iag [**] yūh dou Houn.
Ai meng: Blu bliag Hnu houn oi yūh gah mox jīx iag yūh Dou houn?
Lāo see: Blu bliag Hnu houn oi lāex yūh Houn mai Hlax, gīeh Hlax houn ang lai jīx hmom dong gouig, nū dix tai louh [**] npom dix, ang lai bōun yūh rom eei jao dix, in ben [sic **] mōh njāo iag dou houn oi gah blu bliag eix hnu.
Ai mēng: Si vōng mōh bah ndōg goui ndaex Gox jia eix dom ndīx liex?
Lāo see: Si vōng njāeh dix goui hag diex Mei jou, ndaex nbēen njū Ming qaox, dāeg houig gah Joung gox.
Ai mēng: Bīang mēng hag diex mōh ndēe mox gix uig bah sum Si vōng?
Lāo see: Dou ma nīe sum gon būi gah bīang hag diex. Si vōng mōh dīx jēe nang, bīang mēng hag diex dōu sum būi noh si ndāeh. Ndēe sum Si vōng ndaex Gox jīa eix ndaing vīeh va [**], jīx dix sum gū si ndāeh, Si vōng ndōg hoig mōh dou ma rīex mīe eix dix sum dom ndīx.
Ai mēng: Yūh bah dix Dāi māong ngāix Vēeih dix blag Si ngāix?
Lāo see: Si mgīag pan Māong ngāix goui jēe haog huan gix gah dīx jēe ndaing hlad gah Gouig sōg dix moux dix keing Gouig, sōun sang ang gīeh ngāix dong dix, si ngaix hu noh hu nang, njāo nin, blag goui Dai māong ngāix dom yēeih [**] si nqeeng dix blag si ngāix.
Ai mēng: Lang liao dīng gaoh keing ndēe mox?
Lāo see: Si houng see būi dīx nblah ah Fān qiiex gah. Yām njāeh ndīx, noh goui ngīe gah ndaex noung mēng Nan Mei jou gox jia Bix lu, būi ah "Dīe soux lā" gah. Hmoung grāi lāo būi noh, Si vēui in ndīx, dīx yīieh nūm baoh [sic - haoh?] gaoh keing Si ou [**] houig dom Joung gox, eix dom sum jēe gaex noh mōh Si houng see.
Ai mēng: Sang sīao eix si ndah dix hu blaex Gōng Ai om ih dou ma?
Lāo see: Blaex Ai om eix Sīao Jān qoung san. Hmong dix baix qoung, Hmong mā lā soung mai Nbēe mā lā soung si ndah in gix.
Ai mēng: Gon ia dāeg lih keing si mgrog [**] jīx ang jīx dox nyāex rom?
Lāo see: Gon ia dāeg lih keing si mgrog jīx dix dox nyāex rom, dox nyāex rom loug bō gīeh nyāex nīe, bō gīeh haeg jāex [**], pan ang nbrēi rīan, jīx saex yūm gah. Hoig dōng gah ndaex gāing nqo, gon ia dox eix nyāex rom nīe pai huan keing gon ia ang eix dox nyāex rom.
Lāo see: Brēing ia mōh saex haog gin lāex yūh ia dīx jēe heui. Brēing ia hu haog bāox mai ia saex. Ia yūm gah brēing, Nēix nōn [**] noh, Dom noh, Haeg noh, Aing noh, hoig nīe goui jao saex gah, ja mōh hoig gōb hoig gōm yūh in gix Brīex gāoh ia, Rom, Grāeng sīao, Ndang mai ndēe oud ndēe goui ia, dee jīx gīeh jao saex hu haog bāox dix.
Ai mēng: Sang dīe rian eix Brēing Ia yūh gah mox?
Lāo see: Bai saex brēing Ia, houig dom ngāix Si ndah yām ang nyāng goui. Dīe Rīan brēing Ia ang līh goui mōh ngīe yūh eix gāing dīe rīan dom hmom si nqeeng, da jēng dīe rīan gah Ia nbrax.
Ai mēng: Gon ia hmaig, sang yūh eix dix dōng mox mōh hmaing, mox mōh siang yūh gah mox?
Lāo see: Yūh dix dōng gon ia hmaig mōh Mīex geem [**] mōh Hmaing, fang fax [**] haoh jēe, fāng fax yīie mōh njāex [**] rom gah jāong gon ia, bloi noh hu ndēe si ouh nblang kaix, eix dom mgāig kaix Jāong, dox sēe kaix jaong bāox dix hu dīx nyong si ndong rāeh ngīe, an mōh gon hmaing, dox ang mōh nan mōh gon siang box.
Ai mēng: Poun aing Ia jīx ang jīx dix yūh Līg, Mōi, Bēix ih?
Lāo see: Ndaex ra loui nūm, gaoh keing yin jiu [**] jeng ming, aing ia lāo ang nīe goui dan bai zi, gon nīe goui veui sen su [**] gū jēe, kaix hoig qu li [**] jīx dox Mōi, Bēix, Līg, Ia, Gax ih.
Ai mēng: See liao ih Gēed mōh bah dix gix?
Lāo see: See liao ih Gēed mōh see liao sai sou [**], ju yao yūh dix gah Si vōng mai Nblāeh jēem, an gix kaix gon mōh nang hmong Gax grouh, hmong si ang, mgam on, hmong Hlax, gon goui nang veix sēng su [**] sai gū jēe.
Ai mēng: Bīang mēng hag diex, jēe bah quh gin dīng keing bāox dix mōh dix?
Lāo see: Bīang mēng hag diex bah gin dīng, gin gīan keing bāox dix mōh Lan jing [**] oud ndaex rom Hai. Lan jing dīx mu goui gīan noh dīx nga sam sib hmeen gin.
Ai meng: Bīang mēng diex dūg mōh jēe bah quh dix bah gin dīng?
Lāo see: Bīang mēng diex dūg, jēe bah quh gin dīng mōh Sang dīng mēng hag diex Fei jou. Sang dīng mēng hag diex Fei jou houig 15 nūm, nklaong goui 4 mi, gaex noh lang 8 mi, Gīan noh goui 1400 gin haoh.
Ai mēng: Bīang mēng hag diex mōh Grag jēe dix bah gin dīng keing bāox dix?
Lao see: Bīang mēng hag diex mōh Grag si ba yīex [**] dīng keing bāox dix uig. Grag si Fei jou gon dīng keing Grag si Ya jou, dīx mu goui gīan ra hreing goung jin, ndāeh mōh Moi Grag jēe dix, ang ndouh bōun si laih mai noh.
Ai mēng: Bīang mēng hag diex, jēe bah quh gin hlaong keing bāox dix mōh bah dix?
Lāo see: Bīang mēng hag diex, jēe bah quh gin hlaong keing bāox dix mōh Jag lang nkoug [**]. Jag lang nkoug bah hoig ndīe dīng hlaong noh goui puan kaox dīag [**]. Jag lang nkoug blag nīe goui gah mēng Fei jou blag līh mai si nax blag līh giex blag daoh [**].
Ai mēng: Bīang mēng hag diex mōh Si vāi jēe ba dix bah gin dīng?
Lāo see: Bīang mēng hag diex, Si vāi goui a līah ndaix jēe, bah gin dīng keing bāox mōh jēe Si vāi doung beix.
Ai mēng: Bīang mēng hag diex, jēe bah quh gin pai dou keing bāox mōh bah dix?
Lāo see: Bīang mēng hag diex, ndaex jēe ba quh goui Jāong boun kon [**], mōh Vāi lēui bah gin nbrax dou. Bīang pēing [**] rīb ndaex meng Fei jou, pan Si vāi lēui lād dix dou lang, dīx ngai nā rī bōun dou hroug sib goung li haoh, dox pan noh ngoing ndēe dou, dīx ngai nā rī bōun dou di yīieh sam sib goung li. Si vāi lēui mōh jao bou [**] dou ndaex bāox jēe bah quh uig heui.
Ai mēng: Bīang mēng hag diex, jēe bah quh gin lang kon daix mōh dix?
Lāo see: Bīang mēng hag diex, jēe bah quh gin lang kon Daix mōh Rāo kaox lang daix. Rāo kaox lang daix ju yao hu gah Daix dix. Daix noh ra kon lai louh dix nbreg gag kaox, yūh glang gleg njāeh kaox in bu houig kaox an, si ndaing pai, noh rūg mōh "jao bou Ti qao" ndaex Noung kaox heui.
Ai mēng: Bīang mēng hag diex, jēe bah quh gin ngūah mōh bah dix?
Lāo see: Bīang mēng hag diex, jēe bah quh gin ngūah dix dēi mōh Grih miao goui ndaex Gox jia eix, noh goui oud gah si nax bīang mgōng hlaong gah nbaoh hag diex si nan.
Ai mēng: Biang mēng hag diex, jēe bah quh gin hlaong tiad [**] dix mōh ba dix?
Lāo see: Bīang mēng hag diex, jēe bah quh gin hlaong tiad dix mōh Gīang qee [**] oud mēng hag diex Ao da li ya.
Ai mēng: Bīang mēng hag diex, jēe bah quh gin bōun gān jai hrom gah Brīex brēem Rom nīem mōh bah dix?
Lāo see: Bīang mēng hag diex, ndaex kong nbrīe jēe bah quh mōh Lox tox bah gin bōun gan jai hrom gah Brīex brēem Rom nīem. Noh ndaing bōun oud bōun hu ndaex mēng hag diex Hmaig [**] mai aoh gouig bīed, būi dom hmaing noh mōh "Rē hu dīag Hmaig." Bīang mēng hag diex, mōh Hag diex Yin du bah ndaing haoh Lox tox.
Ai mēng: Bīang mēng hag diex, mōh Sim dix bah gin iag keing bāox?
Lao see: Bīang mēng hag diex, Sim gin iag keing bāox mōh Sim hia. Gaex noh goui ngīe bōun Hia nan.
Ai mēng: Bīang mēng hag diex, Sim dīng mgāoh keing bāox dix mōh Sim jēe dix?
Lāo see: Bīang mēng hag diex, Sim dīng mgāoh keing bāox dix uig mōh Graoh. Joung gox goui Graoh ra jēe, Graoh lūng mai Graoh brēeih. Graoh oud gah mēng hag diex Yun nan mai Guang si ra mu seng.
Ai mēng: Bīang mēng hag diex, jēn bah quh gin hlag keing bāox dix uig mōh dix?
Lāo see: Bīang mēng hag diex, jēe bah quh gin hlag keing bāox dix mōh Njīie lūng. Njīie lūng goui ngīe mēng hag diex Fei jou ra loui mu Gox jia.
Ai mēng: Bīang mēng hag diex Nbrūng nīe brēeih keing baox dix mōh Nbrūng jēe dix?
Lāo see: Nbrūng gin brēeih keing bāox dix mōh Nbrūng lāi. Nbrūng lāi oud hag diex Fei jou.
Ai mēng: Bīang mēng hag diex, mōh Rāo kaox dix bah gin dū yōm ngūah njūm keing bāox?
Lāo see: Rāo kaox bīang mēng hag diex, mōh Rāo kaox bāing bah gin dūx yōm [**], gin ngūah njūm [**] keing bāox dix. Būi hmaing noh mōh "Siang" dīx jēe gah bīang mēng hag diex.
Ai meng: Bīang mēng hag diex, Sim dīng keing baox dix mōh Sim jēe dix?
Lāo see: Bīang mēng hag diex, Sim dīng keing bāox dix mōh Gō lō gōun ra mgian. Jēe Sim in, Hmaing hlaong ra mi, gīan noh ndēix goui di yīeh goung jīn.
Ai mēng: Bīang mēng Hag diex, Si uing jai mōh Si uing dix bah gin dīng keing bāox dix?
Lāo see: Si uing jai gin dīng keing bāox dix uig mōh Si uing Si līag ngai.
Ai mēng: Bīang mēng hag diex, mōh Sim dix bah njiad jīx bai saex kaox?
Lāo see: Sim gin njiad jīx bai saex kaox mōh Mgox. Bīang mēng hag diex, Mgox goui boun yīeh jēe, mōh gix jēe Sim njiad jīx dēei dix ih Gōng, Vīag keing ndaex kaox, bai saex kaox vāi.
Ai mēng: Bīang mēng hag diex, mōh jēe Sim dix bah gin hlaong bu?
Lāo see: Bīang mēng hag diex, Sim gin hlaong bu mōh Han rāo ma dīng, noh bōun bu njao mgōng hlaong gah bīang mēng hag diex -- Ju mux lang ma feng.
Ai mēng: Bīang mēng hag diex, mōh sim jēe dix bah gin muih dix ih gīang?
Lāo see: Sim gin muih dix ih Gīang mōh Blang bloh [sic **]. Blag bloh [sic **] dix mu, dīx nūm ndēe yōm ih Gīang 2000 mu, bōun bāo [**] brīex brēem 4000 goung jing keing nqeeih Gīang.
Ai mēng: Dīx nūm mgūah dix goui mīex mu nbōg yām?
Lao see: Dīx nūm mgūah dix mōh Vō, Rāex, Gaex, Guad [**] boun mu nbōg yām.
Ai mēng: Dīx nūm mgūah dix goui mīex mu jiex ling?
Lāo see: Dīx nūm mgūah dix goui di nga mu jiex ling boun.
Ai mēng: Dīx mu nbōg yām goui mīex kix?
Lāo see: Dīx mu nbōg yām goui loui kix.
Ai mēng: Dīx nūm goui mīex kix; kom uig goui mīex Ngāix?
Lāo see: Dīx nūm mgūah dix goui gao kix ra, dīx nūm goui loui yīeh hroug sib ngāix.
Ai mēng: Dīx kix goui mīex ngāix?
Lāo see: kix mgūah dix mōh kix dīng, kix iag mai kix grēing. Kix dīng goui Sam sib ied [**] ngāix. kix iag goui sam sib ngāix. kix grēing goui dīx nga ngāix ndaix. kix dīx, kix loui, kix puan, kix a līah, kix ndaix, kix gao, kix gao ra mōh kix dīng; kix boun, kix līah, kix ndim, kix gao dīx mōh kix iag; kix ra mōh kix grēing. nūm sōn [**] goui dīx nga ngaix ndim.
Ai mēng: Dīx ngāix goui mīex mu nā rī?
Lāo see: Dīx ngāix goui di nga siao seex boun.
Ai mēng: Dīx ngai nā rī goui mīex fen joung.
Lāo see: Dīx ngai nā rī goui hroug sib fen joung.
Ai mēng: Dīx fen joung goui mīex miao joung [**]?
Lāo see: Yix [Dīx] fen joung goui hroug sib miao.
Ai mēng: Nā rī in gix ngāix goui mīex jēe?
Lāo see: Na rī in gix ngāix goui ra jūb: Dix jūb mōh Nā rī jāg, dīx jūb mōh Nā rī saih [**].
Ai mēng: Vō kraox mōh ngāix mox?
Lāo see: Vō kraox mōh Nūm kraox njāeh heui. hnag hni bi mēng son būi bīang mēng kix dix ngāix dix mōh vō nūm kraox heui.
Ai mēng: Vō dīng mōh ngāix mox?
Lāo see: Hnag hni bi mēng son būi blag gāing nqo ma goi kix dix ngāix dix mōh vō dīng heui. Vō dīng mōh vō hmom ndōg ih Gox jia eix dom ndīx.
Ai mēng: Vō jīe Nbun yūh Gāing bīang mēng mōh ngāix mox?
Lāo see: Kix loui ngāix ndaix mōh Vō jīex Nbun yūh Gàing bīang mēng hag diex.
Ai mēng: Vō yūh Gāing bīang gon būi kom mēng hag diex mōh ngāix mox?
Lāo see: Kix puan Ngāix dīx mōh Vō sūn [**] Gon būi yūh Gāing bīang mēng hag diex.
Ai mēng: Vō yūh sūn [**] būi si lao ndaex eix Joung gox mōh ngāix mox?
Lāo see: Kix puan ngāix boun mōh Vō būi si lao [**] eix Joung gox.
Ai mēng: Vō Gon nyōm bīang meng mōh ngāix mox?
Lāo see: Kix līah Ngāix dīx mōh Vō Gon nyōm on njū eix Joung gox.
Ai mēng: Vō jīe Joung gox Goung qang dang mōh ngāix mox?
Lāo see: Kix a līah Ngāix dīx mōh Vō douh si ngī [**] Joung gox goung qang dang.
Ai meng: Vō sum Lien Jie fang juing gon būi Joung gox mōh ngāix mox?
Lāo see: Kix ndaix Ngāix dīx mōh Vō sum Lien Jie fang juin gon būi Joung gox.
Ai meng: Vō jao mgāe mōh ngāix mox?
Lao see: Kix ndim Ngāix gao mōh Vō jao mgāe.
Ai mēng: Gox qing jiex eix Joung huax ren min goung hex gox mōh ngāix mox?
Lāo see: Kix gao Ngāix dīx mōh Gox qing jiex Joung huax ren min goung hex gox.
Ai mēng: Ih būi Vō "Bieg" ngāix mox?
Lāo see: Būi ih vō Bieg [**] kix puan ngāix puan, loux hox dix nblah ah Dūan vu jiex. dix nblah ah Duan yang jiex gah. Hmaing būi noh mōh ndeh eix dix dōng būi min nqom gāb bah gaex Qiux yuan. Ngāix bieg būi yūh dix ih nblaeh hlax, hag diex Huax nan mai Jiang nan, būi gon si laih dix vai rē.
Ai mēng: Ih būi "Jāi" ngāix mox?
Lāo see: "Jāi" oud ndaex hnag hni brim ki len bied [**], būi dom ih "Jāi" kix ndaix Ngāix gao puan.
Ai mēng: Dix bah mōh nbōg yām nkoig som?
Lāo see: Ah hox "Si" mōh bōun som, "Qux si" mōh Nūm brim som nkoig, eix Ba rāog dom ah "nkoig som" [**] gah.
Ai mēng: Vō ih Yix qux mōh vō dix gix uig?
Lāo see: Vō ih Yix qux mōh Vō doug mgīx. vō mix zi mai vō dīng Yix qux.
Ai mēng: Vō ih Baix qux mōh vō dix gix uig?
Lāo see: Vō ih Baix qux mōh vō doug mgīx, vō kua mgōng, vō lāig laih.
Ai mēng: Lix sō qux [**] goui vō bah dix uig?
Lāo see: Vō ih Lix so qux mōh "Hex seex" bah rīex ding. Mōh vō dīng gah Lix sō qux.
Ai mēng: Vō ih Ba rāog mōh vō dix uig?
Lāo see: Vō ih Ba rāog mōh Vō Gaing hngoux, Vō Bieg [**], Jāi in gix. Ba rāog ndēix Siam ih nang vō baoh si vīex, Nyeeb si vīex mai vō hlaeg rom log Siam nan.
Ai mēng: Ih Mian vō dix gix uig?
Lāo see: Vō ih Mian mōh vō Doug mgīx, vō gong mgaox kraox, Vō Mgūah nēix līg, vō Mguah vēui. Mīan gah ih nang vō dīng mai Jāi.
Ai mēng: Dex āng qux ih vō dix uig?
Lāo see: Dex ang qux ih vō nyeeb si vīex, baoh si vīex mai pox sui jiex.
Ai mēng: Bu lang qux ih vō bah dix uig?
Lāo see: Vō dīng mōh Vō dīng jēe gah Bu lang qux, vō an gix kaix giex vō ih siam sang om [**] bāox dix.
Ai mēng: Nax si qux ih vō bah dix gix?
Lāo see: Vō ih Nax si qux ndaing haoh sang om mai vō ih Hox, gix dee ih nang vō blih si mēeig, Bieg mai Jāi. Vō doug mgīx ih Nax si qux dee om mai vō doug mgīx ih Baix qux giex Yix qux.
Ai mēng: Kang [**] ih vō ba dix uig?
Lāo see: Vō ih kang ju yao mōh vō Mux nāo mai vō mgaox kraox.