© Cub Caw Ceu Cao Vax Kawn Khrit Com Rawm, Baux Veng Cing Tong
|
© Cub Caw Ceu Cao Vax Kawn Khrit Com Rawm, Baux Veng Cing Tong |
(Ang: nyang hoik)
Bak Bwa: Tax Ai Rong 1908-2008
1855 num nawh keh ka Yaong Sikho sinax mee: praix. Ceu kaox Mawh (mawh) Ai Rong. Khaix an: nawh gau lai mai: "Tax Pa Cao: Meung:" ka been li Vat 1901-1906 nawh yuh Tax Vat cao: pa gau lai nyiex Vat 5 num heue. 1907 "Tax Pa Cao: Meung:" ploi pui 12 kaux hu Cing Tong son sang gau cu yi pi nga mai: Rev. W. M. Young (Yang:), nawh kawx viex tix daux cub an: heue. Khaix hoit pon nawh tix mhong gum lox buan krax taoh ka Rev M.W. Young (Yang:), 17.4.1908 num nawh riep tix com rawm daux tawm: taix nawh, kheu nan: daux pui ceu Vax nawh mawh pa riep Cao Khrit mai: krax taoh ka: paox tix heue. Khaix an: nawh baox gau tix mai: Rev W. M. Young (Yang:) 3 num. Nawh deeh ing: yaong dee ot tix mai: cu ca: tix krai gum lox buan ka cao kaing: pui ceu Vax 1910 num, nawh tom pon pui khraox 4 kaux heue. Nawh koe: kawn: mai: Yex Ka: 5 kaux (Simex 3 Kaux mai: Sibon 2 kaux). Nawh yuh Sara Ceu Cao ka yaong ot nawh hoek 1940 num tom laig it nawh ka daux Cao Khrit heue.
Nyiex Haw: Doh Keut Ka Tax Ai Rong
Grawh Grawng Jhum: Son sang pon yuh kaing jhaw: Siyiex haog huan ting lhaong
Grawng Pa Sang Shao: Lawg rob rom ti rawg buan, lawg dah dee kum:, Lawg lom Num Li Ting, Lawg lom plak ku cub ku caw, Lawg phat lai (library), Lawg kumpyuta (Computer) mai: thawk lai, Lawg gau lai, Lawg paung Sara nyo sinie mai: Lawg priex kraung khrai.
Bawg Yam Sang Sum Jaung Riah Nom Rung - 2005 Num
Mau Bak Sang Uik - 1045 shien: plah
Dah Dee Sang Sum - Daux Vang: Naong Pha, Baux Veng Cing Tong
17.4.2008 num, ex sang ap mai: yuh pawie naog 100 num ceu pui Vax riep Ka Cao Khrit. Yuh buan son doh keut tix teem ka krax rawg buan, krax tan krax lu son sang pon yuh mhawm mhawm mai: tawx krax keut pa mhawm son ex liak aw-aw.
Cao Giex Kaing Cub Caw Ceu Cao Vax Kawn Khrit Com Rawm,
Baux Veng Cing Tong Jah 1979 num